٨\٨\٢٠١٢
داتاشینی تۆمەت وەک چەکێکی ژەنگاویی سەرکوت
لە دژی ھەر کەسێک رەخنە لە دەسەڵات بگرێ.
ماوەی ٩ مانگە کارزان کەریم لەسەر بڵاوکردنەوەی چەند بابەت و زانیاریەک
لەسەر گەندەڵیەکانی فرۆکەخانەی نێودەوڵەتی ھەولێر لە زیندانی تایبەتی
دایە. سەرەتا کارزان ٣ مانگ لە زیندانی تایبەتدا شوێن بزر کرا و ھیچ
کەس ھەواڵی نەدەزانی. بەپێی زانیاریەکان ئێستا ئەو بەتۆمەتی تیرۆر و
بەپێی یاسای تیرۆر دۆسیەکەی نێردراوەتە دادگا. بڕیارە لە ٧/٨/٢٠١٢ بە
ھەمان تۆمەت دادگایی بکرێت.
ئەوەی لەبەرامبەر "کارزان کەریم" کراوە تیرۆرێکی ئاشکرایە، فڕاندنی
کەسێک و شوێنبزرکردنی بۆ ماوەی ٣ مانگ، ئەشکەنجەدان و زیندانیکردنی لە
شوێنێکی شاراوە و نادیاردا. کارێکی تیرۆرستی و تیرۆرە. چ یاسایەک ڕێگە
بەوە دەدات کەسێک بەبێ بریاری دادگا و ئاگاداری خۆی و خانەوادەکەی بۆ
ماوەی ٣ مانگ شوێنبزر بکرێ؟ ھەرەشە و تۆقاندنی خێزان و کەسە نزیکەکانی
بە بڵانەبونەوەی ھەواڵەکەی تیرۆرە و دروستکردنی بارودۆخێکی تۆقێنەر و
تیرۆرستییە.
ئەم جۆرە پێشێلکاریانە بۆتە دیاردەیەکی رۆژانە، ژیان و ئارامی و
ئاسایشی ھاوڵاتیانی شێواندووە. بەکردەوە سەپاندنی دەسەڵاتی پۆلیسی و
سەرکوتە. پێشێلکاری و دەستدرێژی دەزگا ئەمنیەکایەکان بە دارشتنی
سیناریۆ و ھەڵبەستنی کەیسی ناراست و درۆ لە رووداو و دۆسیەکان چۆتە
قۆناغێکی مەترسیدار. ئەگەر پێشی پی نەگیرێ و دەسەڵاتی ئەو دەزگایانە
سنوردار نەکرێ، تۆمەتی لەو جۆرە لەیەخەی ھەر کەسێک دەدرێ رەخنە لەم
دەسەڵاتە بگرێ و بەرەوڕووی ھەموو دەنگە ئازادەکان دەبێتەوە. داتاشینی
تۆمەت وەک چەکێکی ژەنگاوی سەرکوت لەلایەن دەسەڵات و دەزگا ئەمنیەکان،
لە دژی ھەر دەنگێکی نارازای و دواکارانی چاکسازی بەکار دەھێنرێ. دەزگا
ئەمنیەکان گەورەترین مەترسین لەسەر ئارامی و ئاسایشی ھاوڵاتیانی
کوردستاندا.
دۆسیەی کارزان کەریم خاڵێکیتری بەرامبەرکێێ ئازادیخوازان و
سەرکوتگەرانە لە کوردستان. ھەڵوەشانەوە و پاشەکشەکردن بەھەر یەکێک لەو
دۆسیانە سەنگەرێکە بۆ پێشگرتن بەو دۆخە مەترسیدارەی کاری لەسەر دەکرێ.
ریسواکردن و ھەڵماڵینی ڕووی ڕاستەقینەی ئەو پێشێلکاریەی بەرامبەر بە
کارزان و خانەوادەکەی کراوە ئەرکی ھەر کەس و ڕێکخراو و ھێزێکی سیاسی و
جەماوەرییە.
رێکخراوی سەردەشت عوسمان بۆ داکۆکی لە ئازادی
serdasht.osman@gmail.com
|