٦\٨\٢٠١٠

ده‌بوایه‌‌ دختۆر عه‌لی

له‌ بری خۆ گیڤکردنه‌وه‌ داوای لێبووردنی له‌ کورد بکردایه‌.
- له‌ په‌راوێزی بۆ روونکردنه‌وه‌که‌ی نووسینگه‌ی راگه‌یاندنی (دختۆر عه‌لی)دا -

ئه‌رده‌شێر شۆڕش

دوای ئه‌وه‌ی جه‌نابی دختۆر عه‌لی وای زانی دونیا هه‌ر دونیای ساڵانی هه‌شتایه‌کانه‌ و نه‌وه‌ی نوێی ئه‌و میلله‌ته‌ داماوه‌ی کورد بێ ئاگایه‌ له‌ هه‌موو رووداوه‌کان یه‌ک دوو فاوڵی دژ به‌ نه‌ته‌وه‌که‌ی خۆیدا و له‌وێوه‌ش دڵسۆزانی ئه‌و میلله‌ته‌ که‌وتنه‌ خۆ بۆ ئه‌وه‌ی جه‌نابی دختۆر به‌ رۆژی رووناک فێری بێگانه‌ په‌رستی و دوژمنداری یه‌کترمان نه‌کاته‌وه‌" هه‌موو وه‌ڵامه‌کان له‌ چوارچێوه‌ی ئه‌وه‌بوون که‌ جه‌نابی دختۆر بۆچی له‌ ساڵانی کوردقڕاندا نه‌کرا به‌ سه‌رۆکی زانایانی ئیسلامی جیهانی و بۆچی جه‌نابی دختۆر به‌هانای نه‌ته‌وه‌که‌ی خۆی نایه‌ت(سه‌د ساڵ بکه‌یت بێگانه‌ په‌رستی هه‌ر ده‌هێنی نوشستی) بۆچی جه‌نابی دکتۆر ئه‌وه‌ ره‌ت ناکاته‌وه‌ که‌ چه‌ندین ساڵه‌ له‌ مانگی موحه‌ره‌م و ره‌جه‌ب و شه‌عبان و ره‌مه‌زان و مه‌غدید و...هتد.

داگیرکه‌رانی کوردستان کوردستان له‌ چوارلاوه‌ بۆمباران ده‌که‌ن و تیرۆر و ره‌شه‌کوژمان ده‌که‌ن و ماڵ و گوند و مزگه‌وت و شارۆچکه‌ و شار و دێ و دێهاتمان تاڵان ده‌که‌ن و ده‌یسووتێنن و به‌ هه‌زاران مناڵیان بێ باوک کردین جه‌رگی هه‌زاران دیکیان سووتاند و ئه‌نفال و کیمیاباران و گه‌لی زیلان و قارنێ و سینه‌مای ئامووده‌ و سه‌رهه‌ڵدانی قامشلۆ و کۆچڕه‌و و شاڵاوی له‌سێداره‌دانه‌کانی ئیران و فڕۆکه‌ و ته‌قه‌مه‌نی و جبه‌خانه‌کانی ئیسرائیل له‌ تورکیا و هه‌موو کۆمه‌ڵکوژیه‌کانی سوریا و عێراق و تورکیا و ئێران بۆ کورد وه‌ختیه‌تی و ته‌قاندنه‌وه‌ی پاسێک له‌ ئه‌ستانبوڵ وه‌ختی نه‌بوو" دختۆر عه‌لی و جه‌ماعه‌ته‌که‌ی 2700 ساڵه‌ چاوی ئێمه‌یان به‌ به‌رماڵه‌کانی ژێرپێیان به‌ستاوه‌ و هه‌موو کات بۆ کوشتنی ئێمه‌ وه‌ختی بووه‌" به‌ڵام بۆ تورکیایه‌کی فاشیستی فه‌تحوڵاچی و که‌مالی وه‌ختی نه‌بووه‌" مه‌لا کرێگرته‌کانی حکومه‌تی ئه‌زهه‌ر چ رۆژێک یه‌ک هه‌ڵوێستی ئینسانی و ئایینیان به‌رامبه‌ر به‌و هه‌موو کوشتاره‌ هه‌بووه‌ تا ئه‌مڕۆ له‌ پێش کوردێک جورئه‌ت بکه‌ن که‌ تیرۆریسته‌کان له‌ وه‌ختێکی ناوه‌خت چالاکی ئه‌نجام ده‌ده‌ن" ده‌ وه‌ره‌ جه‌نابی پڕۆۆۆۆفیسۆری دختۆری مه‌لای 13 عیلم پێمان بڵێ که‌ی وه‌ختیه‌تی کورد وه‌ڵامی به‌رگریکردنی له‌خۆی هه‌بێت" ئایا له‌ مزگه‌وته‌کان دابنیشین و شه‌و نوێژان بکه‌ین و رۆژووان بگرین و سوره‌تی ئه‌نفال بخوێنین بۆ ئه‌وه‌ی وه‌ختی به‌رگری کردنمان له‌خۆمان هه‌بێت..؟ ئایا تۆ ده‌زانی تورکیا چه‌نده‌ تیرۆریسته‌ تا بێده‌نگ بیت به‌رامبه‌ر پێپه‌تیه‌کی بیابان به‌ براکانت بڵێت تیرۆریست بوون و کاتی ئه‌و چالاکیه‌ نه‌بوو..؟

به‌ڵام ده‌مێکه‌ کورد گووتوویه‌تی(ئه‌وه‌ی به‌ سنگه‌خشێ هاتبێته‌ بوون هه‌رگیز به‌رزی به‌چاوی خۆیه‌وه‌ نابینێ) تۆش چونکه‌ هه‌میشه‌ به‌ ژێرده‌سته‌یی هاتوویه‌ بوون و هاتوویته‌ ئه‌مڕۆ ئیتر هه‌رگیز به‌رزی به‌چاوی خۆته‌وه‌ نابینی" تۆم وه‌کو ئه‌و ئه‌فسه‌ره‌ کوردانه‌ی دائیره‌ی ئه‌منی هه‌شتاکان دێته‌ به‌رچاو که‌ چونکه‌ به‌ سنگه‌خشێ و کۆیلایه‌تی و بێگانه‌په‌رستی هاتبووه‌ بوون ئیتر لاوازترین که‌سێک ده‌بوو به‌رامبه‌ر به‌ مونته‌سیبێکی زۆر ئاسایی عه‌ره‌بی ئه‌من" ئه‌گینا ده‌بوایه‌‌ هه‌ر له‌ تورکیا ئه‌وه‌ت رابگه‌یاندبایه‌ که‌ په‌که‌که‌ تیرۆریست نییه‌ ئه‌وه‌ی تیرۆریسته‌ به‌رامبه‌ر به‌ کوردانی هه‌موو دونیا تورکیای میراتگری عوسمانلییه‌" دواتر له‌ هه‌رێمی کوردستان راسته‌ گووتت په‌که‌که‌ تیرۆریست نییه‌ به‌ڵام دیسانه‌وه‌ ده‌کرا به‌ به‌یاننامه‌یه‌ک نیازپاکی خۆت رابگه‌یه‌نی وه‌ک چۆن له‌پێناو به‌رژه‌وه‌ندیه‌ تایبه‌تییه‌کانت نووسینگه‌ی راگه‌یاندنه‌که‌ت هاندا ئه‌و به‌یانه‌ ده‌ربکه‌ن ئاواش به‌ به‌یاننامه‌یه‌ک پاڵپشتیت له‌ مه‌زڵومیه‌تی کوردانی باکور بکردایه‌ و پڕۆتستۆی ئۆپه‌راسیۆنه‌ نامرۆییه‌کانی تورکیای دۆستت بکردایه‌ خۆ ئه‌و ئۆپه‌راسیۆنانه‌ ته‌نها دژی په‌که‌که‌ نه‌بوو دژی هه‌موو کوردبوو" هه‌ر ته‌نها غیره‌تی ئه‌وه‌ت هه‌بایه‌ داکۆکیت له‌و هه‌زاران منداڵه‌ کورده‌ی نێو زیندانه‌کانی تورکه‌ فه‌تحوڵاچیه‌کان بکردایه‌.

ده‌رباره‌ی هاوکاریت بۆ که‌رتی غه‌زه‌" ئایا تۆ میلله‌تی کورد به‌ نه‌زان و نه‌خوێنده‌وار و کاڵفام ده‌زانیت..؟ ده‌ته‌وێت به‌ رۆژی رووناک ده‌ستخه‌ڕۆمان بکه‌یت..؟ تۆ له‌کاتێکدا سوودت بۆ نه‌ته‌وه‌که‌ی خۆت نه‌بێت چ سوودی هه‌یه‌ خێرت بۆ دراوسێکه‌ت بێ..؟ تۆ ئه‌وه‌مان به‌چاو داده‌ده‌یته‌وه‌ که‌ بری 30،851،312)$ له‌ منداڵی بێ باوک خه‌رج کردووه‌" فه‌رموو پێمان بڵێ ئه‌و پاره‌یه‌ت له‌ کوێ هێنا و هی کێ بوو و چۆن خه‌رج کرا و درا به‌کێ..؟ ئه‌و پاره‌یه‌ ئه‌و چه‌ند کورسیه‌ی بۆ یه‌کگرتووی ئیسلامی خولقاند.. ئه‌و بره‌ پاره‌ خه‌یاڵیه‌ ئیعلام و هه‌موو حزبه‌که‌تی پێ به‌ڕێوه‌ ده‌چێت له‌ کوردستان" ئه‌و پاره‌یه‌ت دا ئه‌و که‌سانه‌ی که‌ ده‌نگتان پێیاندا یاخود ناچارتان کردن نمه‌کتان بکه‌ن بۆ ئه‌وه‌ی کوردی دڵساف و ساویلکه‌ ده‌نگتان پێ بده‌ن" یان ناچارتان کردن به‌ پێدانی ئه‌و پاره‌یه‌ ناوه‌ جوانه‌کانی خۆیان له‌ دڵشاد و مه‌ریوان و زه‌رده‌شت و پاکیزه‌ و گوڵێ و به‌هاره‌وه‌ بکه‌ن به‌ ئوسامه‌ و حه‌مه‌ و خه‌دیجه‌ و فاتیمه‌ و عائیشه‌" ئه‌و پاره‌یه‌تان بۆ چاوی ره‌شی کورد خه‌رج نه‌کرد به‌ڵکو له‌پێناو ته‌عریبکردن و مزگه‌وتڕێژکردنی کوردستان خه‌رج کرد" ئه‌و پاره‌یه‌شتان (1،651،620)$ بۆ رێکلامه‌کانی هه‌ڵبژاردن و ریفرێشی ئایدیۆلۆژیا بیابیانیه‌که‌تان و کوشتنی هه‌ستی نه‌ته‌وه‌یی تاکی کورد و لێکترازانی نێو ماڵی کورد خه‌رج کرد" ئێوه‌ مه‌چوون بۆ یارمه‌تیدانی ئاواره‌کانی بناری قه‌ندیل به‌ڵکو له‌ ته‌هران و ئه‌نکه‌ره‌ به‌ برا موسڵمانه‌کانتان بڵێن که‌ چیتر کوردی موسڵمان ئاواره‌ مه‌که‌ن" ئێوه‌ له‌ ناڵیش ئه‌وه‌دن و له‌ بزماریش ئه‌ده‌ن" ده‌شکوژن و به‌دوای ته‌رمه‌که‌یشی شین ده‌گێڕن".

وا مه‌زانه‌ جه‌نابی پڕۆۆۆۆفیسۆری دختۆری مه‌لای 13 عیلم نه‌وه‌ی نوێی کورد خه‌وتووه‌" ئه‌گه‌ر داوای لێبووردن له‌ منداڵانی کوردی باکور و باشور و رۆژهه‌ڵات و رۆژئاوا نه‌که‌یت.... ئه‌گه‌ر به‌یاننامه‌ له‌ هه‌مبه‌ر زه‌رقاوی(ببووره‌) قه‌ڕزاوی ده‌رنه‌که‌یت.... ئه‌گه‌ر به‌ناوی قه‌ڕزاویه‌وه‌ داوای لێبووردن له‌ نه‌ته‌وه‌ی کورد به‌گشتی و کوردانی باکوور نه‌که‌یت.... ئه‌گه‌ر به‌یاننامه‌ی ناڕه‌زایی دژی برا موسڵمانه‌کانت له‌ تورکیا و عێراق و سوریا و ئیران ده‌رنه‌که‌یت که‌ ده‌ست له‌ کوردقڕان و ئابڵۆقه‌ی سه‌ر کوردان هه‌ڵگرن.... ئه‌گه‌ر ورده‌کارییه‌کانی ئه‌و بڕه‌ پاره‌ زۆره‌ی که‌ که‌شفتان کردووه‌ گوایه‌ خه‌رجکراوه‌ بۆ منداڵی کورد ئه‌وا له‌م ساته‌وه‌ داواکارم له‌سه‌رجه‌م نووسه‌ران و رۆشنبیران و کوردپه‌روه‌ران و مرۆڤدۆستان بۆ رێکخستنی کامپینێک بۆ لادانی تۆ و ریسواکردنی یه‌کێتی زانایانی جیهانی ئیسلامی..

که‌رکوک

ardasherkerkuk@gmail.com