|
|
|
٩\٦\٢٠١٣ دەزگاکانی حکومەتی هەرێم لە بەرامبەر لێدان و ئازاردانی پەنابەرێکی دیپۆرتکراوەدا دەڵێن: ''کە گەورە بووی بیرت دەچێتەوە''!!!
فیدراسیۆنی سه‌راسه‌ری په‌نابه‌رانی عێراقی
________________________________________________ Fax: 08715288651, www.federationifir.com
|
|
|
عومەر
خدر پەنابەریکی دیپۆرتکراوە لە کوردستانەوە بەرێگای تەلەفون سکرتێری
فیدراسیۆنی ئاگادارکردەوە کە ''رۆژی هەینی بە بیانووی چاوپێکەوتن منیان
برد بۆ فرۆکەخانەی هیسرۆ تا لە ڕێگای هێڵی ئاسمانیی مەلەکی ئەردەنی
دیپۆرتی کوردستانم بکەنەوە، منیش نارەحەتبووم کە درۆیان لەگەڵ کردم
پێمگوتن من نامەوێ بەزۆر بمنێرنەوە، ژن و منداڵم جێماوە لە بەریتانیا.
نەک هەر گۆییان بۆ نەگرتم بەڵکو پیانگوتم: "حکومەتی هەرێم رازی بووە
وەرتبگرێتەوە" بەوەشەوە نەوەستان سکورتییەکان کەوتنە گیانم و بۆکسیان
لە لووتم دا و ئازاریاندام و بەزۆر سواری فرۆکەکەیان کردم''.
هەروەها
عومەر گوتی: "دوای ئەو هەموو بێڕێزیی و سووکایەتییە لە کاتژمیر
١ی شەوەوە تا ٩ی بەیانی
بێ نان، بێ ئاو لە فرۆکەخانەی نێودەوڵەتیی هەولێر منیان هێشتەوە، دوای
ئەوەی کارمەندانم ئاگادارکردوە کە من تاوانکار نیم.. هاولاتیەکی هەرێمی
کوردستانم، پاشان منیان بردە پۆلیس و ئێستاش کاتیان بۆ داناوم بۆ رۆژی
یەکشەم بگەرێمەوە هەولێر بۆ پەنجەمۆر و لێکۆڵینەوە".