په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٦\١٠\٢٠١٥

دیرۆکا شانۆیا کوردی دەرکەت!

 


بەرھەما ب ناڤێ دیرۆکا شانۆیا کوردی ژ وەشانێن پەیوەندێ دەرکەت. پرتووکا کو ژ دەستپێکێ ھەتا سالێن ١٩٩٠ی ھەموو دیرۆکا شانۆیا کوردی دھوندرینە، ژ ھێلا دراماتوورگ چەتۆیێ زێدۆ و یاڤوز ئاککوزو ڤە ھاتیە ئامادەکرن.

دیرۆکا شانۆیا کوردی تەمسیلا ناسنامەیا کوردییا کو د ھونەرا شانۆیێ دە پێک ھاتیە دشۆپینە و ڤێ دیرۆکا کو د قۆناخ و کەلەپۆرا کوردییا سەدسالا ٢٠ان دە درووڤ گرتیە، وەکە مژار ھلگرتیە. ئەڤ پرتووک ژ چاڤکانیێن شانۆیا کوردی ھەتا سەردەمێن دیرۆکی، پێکھاتنا شانۆیا کوردی تەڤی ھەموو لیتەراتورا وێ، ئانگۆ ژ دەستپێکێ ھەتا سالێن ١٩٩٠ی سەربۆریا شانۆیا کوردی رادخینە بەر چاڤان.

د ڤێ بەرھەمێ دە، لێکۆلینێن سەرەکەیێن ل سەر دیرۆکا شانۆیا کوردی تێ دە جھ دگرن. ژ بۆ شانۆگەر و خەمخورێن ھونەرا کوردی، بانگا کفشکرنا دیرۆکا شانۆیێ دکە و وێنەیەکی گشتی نیشانی خوەندەڤانان دکە.

پرتووک ژ دو بەشان پێک تێ، د بەشا یەکەم دە، ئەڤ گۆتار ھەنە: دیرۆکا شانۆیا کوردی د وێژایا کوردی دە، دێستپێکا شانۆیێ ل باشوورێ کوردستانێ، شانۆیا کوردی ل باشوورێ کوردستانێ (سالێن ١٩٢٠-١٩٦٨ان)، د سالێن ١٩٧٠یی دە ل باشوورێ کوردستانێ شانۆ، شانۆیا کوردی ل سۆڤیەتێ، دایکا نشتمان، د ١٨٩٣یان دە شانۆیا کوردی ل فووارا چجاگۆیا جیھانێ


د بەشا دویەم دە؛ تێگھ و تەرمێن شانۆیێ، خەباتەک ل سەر شانۆیا کوردی، پێشگۆتنا شانۆنامەیا کۆچەکێ دەرەوین، تیاترۆیا نەتەوییا کوردا و ئارمانجا وێ، چاڤپێکەتنەک ل گەل رێڤەبەرێ شانۆیا کوردی ل باژارێ تبلیسێ، داییکا نشتمان و سیاسەتا کورد، فاتمە مھیەددین: پەریا پێشەنگ و ئەسکەرا بێ ناڤ، کۆمەلا تیاترۆیا کوردی ھات سازکرن، پێشاندانا شانۆیا مەم و زینێ ل ئالمانیا، کرۆنۆلۆژیا شانۆیا کوردی (١٩١٩-١٩٩٠)، ئیندەکس

 

 

cetoyezedo@gmail.com

 

 


 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک