|
٥\١١\٢٠١٣
دۆسیەی
لەسێدارەدانی کوردانی رۆژهەلات و
پێشێلی مافی مرۆڤ
لەگەل پارتی لیبرالی سوێد باس کرا.
 دوێنی
شاندێکی گرووپی ١٧ی شوبات کەپێک هاتبوو لە (کوردستان
نەوزاد و ئازاد غەریب و قادر نادر) سەردانی پەرلەمانی سوێدی کرد و
لەلایەن فرێدریک سڤینبسۆن سکرتیری ئەنتەرناسیۆنالی پارتی گەلی سوێد (لیبرال)
پێشوازی کران.
شاندەکەی گرووپی ١٧ی سوبات دوای سوپاسکردنی
ئەو پێشوازی و دیدارە چەند داخوازیەکیان ئاراستەی ئەو بەرپرسەی پارتی
لیبرالی سوێد کرد کە خۆی دەبینیەوە لە:
١- کۆنترۆلکردنی دادگاکان لەلایەن
دەسەلاتەوە ، لەم بارەوە چەندین دۆسیەی وەک سەید ئەکرەم و نیاز عەزیز و
ساختەکاریە بەلگەداریەکانی کەپێشکەش بەدادگا تیاهەلچونەوە کرابوو ،
کەچی لەترسی حیزب و هەلپەرستی هەندێ دادوەر
یاسا و دادوەری رێچکەی خۆی ون کردوە.
٢- دۆسیە ساختەکاری دەنگدان، لەم دۆسیەدا
چەندین بەلگە ی ڤیدیۆیی و دۆکۆمینتی ، بەتایبەتی ئەو دۆسیەی کەپۆلێ
پەرلەمانتاری پارتی ژینگەی سوێد کەوەک چاودێر بەشداری هەلبژاردنەکانیان
کردبوو، پێمان دا. هاوکات ئاماژەمان بەو گالتەجاریەی دەسەلات بەتایبەتی
پارتی دیموکراتی کوردستان کرد کەساختەکردن لەدەنگدان گەیشتۆتە ناو
پاڕیزەرانیش.
٣- دۆسیە لەسیدارەدانی کوردانی ڕۆژهەلات،
ئاماژەمان بەوە کرد چۆن لە ماوەی ١٠ رۆژدا، ١٨ چالاکوانی سیاسی کورد و
بەلوج لەسەر بیروباوەری سیاسی لەسیدارەدراون . داوامان کرد ولاتی سوێد
و لیبرالەکان ، دژ بەسزای لەسیدارەدانن ، بە
هیواین ئەو دۆسیەیە گرنگی زیاتر پێ بدەن لەم بارەوە چەندین لینکی
دۆکۆمینتی و بەلگەدار بە زمانی ئینگلیزی لە
بەیاننامەکانی ئامنستی
ئەنتەرناسیۆنال و رێکخراوە مرۆڤ دۆستیە کوردیەکانمان پێ دان.
لە کۆتاییدا سکرتیری ئەنتەرناسیۆنالی (فریدریک
سڤینسۆن) گوتی سوێد و پارتەکەی ئیمە گرنگی
زۆر بە مەسەلەی دیموکراسی و ئازادی و پاکی
لە هەلبژاردن دەدات، هاوکات ئیمە دەیان سالە
کار و خەبات دەکەین تا مافەکانی مرۆڤ پێشێل نەکرێ... ئەو ئاماژەی
بەوەکرد کە گرنگە شاندێکیان سەردانی
کوردستان بکات و لە نزیکەوە ئەو دۆسیانەی
ئیوە باسی دەکەن، بەدواداچوونی بۆ
بکەین و رای گەیاند ئەو داوایە ئاراستەی پارتەکەی دەکات .
هاوکات نیگەرانی خۆی نیشان دا لەوەی لەلایەک ئیران دەلێ ریفۆرم دەکەم
لەلایەکی تر ئیوە باس لەسیدارەدانی ئەو ژمارەیە دەکەن. لە
کۆتایشدا پەیمانی دا کەهەول بدات دۆسیەی پێشیلکاریەکانی مافی
مرۆڤ و لەسیدارەدانی کوردانی رۆژهەلات لە کۆبوونەوەی
سەرجەم پارتە لیبرالەکانی جیهان هەولی باسکردنیان بدات کەلەکۆتایی
مانگی نۆڤێمبەر لە شاری لەندەن دەبەسترێ.
گرووپی ١٧ی شوبات
٥\١١\٢٠١٣
17_shubat@hotmail.se
|
