٩\٦\٢٠١١
ئەنجامی
کۆبوونەوەی
''بەڵێ بۆ ئاشتی و
چارەسەری دیموکراتی
- نا بۆ
توندوتیژیی و سەپاندنی بێچارەیی''.
لە بەرواری 4/6 لە هەولێرى پایتەختی هەرێمی کوردستان بە بەشداری 120
کەس، لە ناویاندا 10 پارتء لایەنی سیاسیء ژمارەیەکی زۆر لە ڕێکخراوی
مەدەنی ژنانء لاوان و کەسایەتی ڕۆشنبیرو یاسایی و ئەکادیمی و ئاینی و
توێژەری کۆمەڵایەتی و کەسانی پسپۆڕو شارەزا لە بواری پرسی نەتەوەیی و
دیموکراتی، کە کۆبوونەوەکە لە لایەن پارتی چارەسەری دیموکراتی
کوردستانەوە ڕێکخرابوو بە دروشمی (بەڵێ بۆ ئاشتیء چارەسەری
دیموکراتیانە نا بۆ توندوتیژیی و سەپاندنی بێچارەیی). لە کاتژمێر 10ی
سەرلەبەیانی تاوەکو کاتژمێر 4:30ی پاش نیوەڕۆ بەردەوام بوو. لە هەمان
کاتیشدا هەر سێ لایەنی ئۆپۆزسیۆنء دوو لایەنەکەی دەسەڵات بانگهێشت
کرابوون، بەڵام هیچ کامێکیان ئامادە نەبوون.
لە کۆبوونەوەکەدا پڕۆژەی هەموو لایەن و کەسایەتییەکان خوێندرایەوە و
بارودۆخی ئەمڕۆی ناوچەکە بەگشتی و هەرێمی کوردستان بەتایبەتی
هەڵسەنگێندرا و تیشک خرایە سەر پرسە نەتەوەیی و دیموکراتییەکان و باس
لەو قەیرانە سیاسی و ئیداری و ئابوری و کۆمەڵایەتی و فکریە کرا کە
ڕووبەڕووی کۆمەڵگای کوردستان بۆتەوە. زۆر بە ووردەکاری باس لە ئالیەتی
چارەسەرکردنی کێشەکان کراو هەریەک لە ڕۆڵ و ئەرکی حکومەت و پارتەکانی
ناو دەسەڵات و ئۆپۆزسیۆنی ناو پەرلەمان و ئۆپۆزسیۆنی دەرەوەی پەرلەمان
و ڕێکخراوە مەدەنییەکان و راگەیاند و کەسایەتی ئەکادیمی و ئاینی و ژنان
و لاوان کرا. تێیدا جەخت لەسەر ئەنجامدانی چاکسازی و گۆڕانکاری بنکەیی
کرایەوە، کە پرەنسیپی دیالۆک و چارەسەری ئاشتی و دیموکراتیانە بە بنەما
وەربگیرێت لەگەڵ پشگیری تەواو لە داخوازییەکانی گەل و کارکردن بۆ
جێبەجێکردنیان، ڕێگە نەدرێت داخوازییەکانی گەل بەکاربهێندرێـت بۆ
ململانێی سیاسی. هەروەها داخوازییەکانی گەل و بانگەوازییەکانی زۆرێک لە
پارتیەکان بوو بە هۆکارێک بۆ ئەنجامدانی دیالۆک لە نێوان هێزەکان.
بەڵام تەنگکردنەوەی کۆبونەوەکان لەنێوان هەردوو پارتی دەسەڵات و سێ
پارتی ئۆپۆزسیۆنی ناو پەرلەمان رەخنەکراو بە پێویست بینرا کە هەموو
کۆبونەوەو گردبوونەوەیەک لەپێناوی چارەسەرکردنی کێشەکانی کۆمەڵگا هەموو
هێزو لایەن و پێکهاتەکانی کۆمەڵگا تێدا بەشداربن، چونکە پرسی بنیاتنانی
دیموکراتی و چاکسازی پرسی هەموو تاکەکانی کۆمەڵگایە نەک چەند هێزو
لایەن، هەموو تاکێکیش پێویستە خۆی بەرپرسیار ببینێ لە چارەسەرکردنی
پرسی نەتەوەیی و دیموکراتیانەی گەلەکەمان. لەتەوەری دووەمی
کۆبوونەوەکەدا ئامادەبووان لیژنەیەکی هاوبەشیان پێکهێنا لە 27 کەس لە
نوێنەرانی پارتی سیاسی و ڕێکخراو و کەسایەتی، بۆ ئامادەکردنی
راگەیەندراوێکی هاوبەشی کۆبوونەوەکە و کۆکردنەوەی پڕۆژەکان و
رێکخستنیان و گەڵاڵە کردنی پڕۆژەیەکی هاوبەش و ئامادەکاری بۆ کۆنفرانسی
ئایندە،. کۆی بڕیار و راسپاردەکانی کۆبوونەوەکە بەمشێوەیە بوو:
1- بارودۆخی ئەمڕۆی کوردستان پێویستی بە گۆڕانکاری و سەرلەنوێ
بونیادنانەوەیەکی دیموکراتیانە و چاکسازی سیاسی و ئیدارى و دادپەروەرى
هەیە و ئەمەش لە رێگای دیالۆک و دانوستاندنی دیموکراتیانەوە دەبێت.
2- پێویستە لەم قۆناخەدا هەموو لایەک ئەرکەکانی بەباشی جێبەجێ بکات،
چونکە گۆڕانکاری تەنیا بە دەسەڵات و ئۆپۆزسیۆنی ناو پەرلەمان ناکرێت.
3- پێویستە ئالیەتی گۆڕانکاری و دیالۆک بەرفراوان و دەوڵەمەند بکرێت،
بۆ ئەم مەبەستە کۆنفرانسێکی بەرفراوان ببەسترێت کە نوێنەری دەسەڵات،
ئۆپۆزسیۆنی ناو پەرلەمان و دەرەوەی پەرلەمان، رێکخراوەکانی کۆمەڵگای
مەدەنی، کەسایەتی ئەکادیمی، رۆشنبیر، کۆمەڵایەتی، ئایینی و نوێنەرانی
جەماوەر لەهەر ناوچەیەکی کوردستان تێیدا بەشدار بن.
4- پێویستە پێوانەی دیموکراتی و نەتەوەیی بەبنەما وەربگیرێت لەکاتی
دیالۆک و رێککەوتندا، نەک سازش و پەراوێزخستنی داخوازییەکانی جەماوەر.
5- لەکۆبوونەوەکەدا بڕیاردرا کە ئەنجامنامەی ئەم کۆبوونەوەیە
بگەیەنرێتە سەرجەم پارت و لایەنە سیاسییەکان، هەروەها هەر سێ دەزگاکەی
هەرێمی کوردستان "سەرۆکایەتی هەرێم، سەرۆکایەتی پەرلەمان، سەرۆکایەتی
حکومەت"، هەروەها جەخت لەوە کرایەوە کە هەموو ئەو لایەنانە بەشدار بن
لە کۆبوونەوەی ئاییندەدا..
ئەو پارت و ڕێکخراوانەی کە بەشداربوون:
1- پارتی چارەسەری دیموکراتی کوردستان
2- حیزبی زەحمەتکێشانی کوردستان
3- حیزبی زەحمەتکێشانی سەربەخۆی کوردستان
4- حیزبی ڕزگاری کوردستان
5- پزوتنەوەی دیموکراتی گەلی کوردستان
6- بزوتنەوەی دیموکراتیخوازانی کوردستان
7- پارتی چەپی کوردستان
8- پارتی پارێزگارانی کوردستان
9- بزوتنەوەی ڕزگاری دیموکراتی کوردستان
10- پارتی کۆماری کوردستان
11- یەکێتی ئافرەتانی پارێزگارانی کوردستان
13- ئەنستوتوێی کوردستان بۆ مافەکانی مرۆڤ
14- بزاڤی ژینگەو یەکسانی
15- یەکێتی ژنانی کوردستان
16- ژنانی زەحمەتکێشانی سەربەخۆی کوردستان
17- ئافرەتانی زەحمەتکێشانی کوردستان
18- کۆمەڵەی پشتیوانی قوربانیانی جەنگ
19- ئەنجومەنی ژنانی ئازاد
20- کۆمەڵەی ژیانەوەی گەنجان
21- یەکێتی پەرلەمانتارانی کوردستان
22-بزوتنەوەی لاوانی 17ی شوبات
23- ڕێکخراوی ژنانی ئازادیخوازی کوردستان
24- ڕێکخراوی ئەلەند
ئەوانی تر کەسایەتی سەربەخۆو ڕۆشنبیرو ئاینی وپسپۆری یاسای و ئەکادمی
وتوێژەرەوەی کۆمەڵایەتی.
ئەنجوومەنی بەڵێ بۆ
دیالۆگ
5\6\2011
|