|
١٩\١١\٢٠١٤
ئەرکی سەر شانمانە
دان بنێین بە بەرگرێ ژنانی کورد،
چالاکانە ڕێزیان
لێ بنێین و پشتیوانیان لێ بکەین بە کردەوە
نەک هەر بە قسە و
وتاری پڕ لەرینەوە.
|
د. نەوال سەعداوی |
وەرگێڕانی: سەرکەش
|
ئەمە پیاوە شێکار و داهێنەری ئەم کلتورە
ڕۆهەڵاتیە موسڵمانە و ئەمەش تێڕوانینیەتی بۆ ژن .. بەڵام ئێستا ژنی
کورد لە (ڕۆژئاوا) باکوری سوریا کە بە پشکێکە لە ڕۆژهەڵاتی ئیسلامی
(ئەگەرئەم دەربڕینەمان ڕێ بدا ئەم ناوەی لێ بنێین) ڕێبەری.. بەرگری لە
دژی ڕێکخسنی داعشی نێرینەی کۆنەپارێزی توندڕەو.. ڕێبەری جەنگێکی
دیموکراسی ئازادیخواز دەکا لە دژی ستەمکاری تاریکساتانی، لە جیات هەموو
دنیای دیموکرات و ئازاد، هەروا دەیسەلمێنێ بۆ جیهان کە ژن نەک وەک
پیاوە بەڵکو لە زۆر بواری ژیانی کۆمەڵگاکان لە پێشترە. ڕۆژنامە
ڕۆژئاواییەکان بە سەرسوڕمانەوە زۆریان لە مرڕ ژنانی کورد نووسی کە چۆن
گورز لە ئارامگای تاریکی ئەو پیاوانە دەوەشێنن کە بڕوایان بێجگە بە
کۆمەڵگای دیکتاتۆرانەی پیاوانە نەبێ بە هیچی تر نیە، جگە لەمەش هیچ
جۆرە مرۆڤێکی جیاواز لە خۆیان قبوڵ ناکەن. زۆرتر لەمەش ئەوەی داعش توڕە
دەکا لە بەرامبەر ژنانی کورد وەستاون کەم و بە ڕەسوایی کەوتوونەتە ژێر
پێیان، هەروا بڕیارێکی خەلیفەی داسەپاو دەڵێ هەر کەسێک ژن بیکوژێ دۆزەخ
جێگایەتی.
پرسیار: د. نەوال سەعداوی ئەم دیاردەیە
هەڵدەسەنگێنی، یا بڵێین ڕاستی ئەو شۆڕشە کوردیە ڕۆژهەڵاتیەی دژی
تێگەیشتنی ستەمکاریە، شۆڕشی دایک و خوشک و خۆشەویست و هاوڕێیان دژی
تاریک پەرستان ئەو شۆڕشەی چاودیرانی سەرسام کردووە لە دونیا؟؟؟
دکتۆری بەڕێز هەموو دەزانن کە حکومەتی تورکیای ئیسلامی( ئۆردوگان)
یارمەتی داعش دەدا ... داعشێک منداڵان سەردەبڕێ، ژنان بە کۆیلە دەکا و
مێژوو وێران دەکا، وە پێش تر تۆ نەوال سەعداوی چی بە برایانی عەرەبت
دەڵێی ئەوانەی تا ئێستاش پێیان وایە ئۆردوگان مەهدی چاوەڕوانکراوە ...؟
دوا پرسیار؛ چی بە ژنانی عەرەب ی دەڵێی کە سەرەڕای گۆڕانکاریە
جیهانیەکان تا ئێستا کۆیلەی پیاوان و تێگەیشتنەکانیانە؟
ئیبراهیم ئیبراهیم
٥\١١\٢٠١٤
وەڵامی د. نوال سەعداوی.*
یەکەم: دەمەوێ لە پێشدا خاڵێک ڕوونکەمەوە کە من هەر لە دەستپێکدا
ڕۆشنبیری دابەش ناکەم بۆ ڕۆژهەڵاتی و ڕۆژئاوایی یا کرستیانی و ئیسلامی،
بە بڕوای من پاشکەوتنی ژن بە تەنیا ناگەڕێتەوە بۆ ئیسلام . بەڵکو بۆ
سەرجەم ئەو دینانەی ژن و کۆیلەکان دوا ئەخەن و ژن بە کەمتر لە مێردەکەی
دادەنێن بە تایبەت لە باری هۆش و توانای زانین، لەبەر هەندێیە باوک
سەرکردایەتی بنەماڵە دەکا نەک دایک، بە ناوکردنی منداڵایش لە ڕۆژهەڵات
و ڕۆژئاوا بۆ باوکە، تەنیا لە هەندێ باری کەم و تایبەتکە منداڵ ناوی
هەردووکیان وەرگرێ، بێ ئەوەی مۆرکی زۆڵی / بیژوێتی شەرمئامێزیان
پێوەنرێ.
د‌ووەم: ڕێکخراوەی داعش و ڕێکخراوە ئیسلامیە چەکدارەکانی تر، وێنەی
ڕێکخراوی قاعیدە و بوکوحەرام و سەلەفیە جیهادیەکان و ئیخوان
موسلمینەکان و هیتر، دروست بوون گەشەیان کرد و چەکدارکرابوون بە
نوێترین چەکی وێرانکار، لە ژێر چاودێری ئیمپریالیزمی ئەوروپی و ئەمریکی
و ئیسرایلی و هاوکارانیان لە حکومەتی ئیسلامی و عەرەبی، ئەوان ئامرازن
و ئایین بە کار دێنن بۆ لێدانی شۆڕشە میلییە ڕزگاریخوازەکان،
تێکۆشەرانی ژن و پیاو دژ بە ستەمی چینایەتی باوک مەزنی ناوخۆ و
ئیمپریالیزمی دەرەکی، لەبەر ئەمە گۆتنەکانی ئۆباما لەگەڵ
هاوپەیمانەکانی لە شەڕی دژی داعش، زۆر جێی ڕێز لێنان و متمانە نیە، بە
نموونەش کە باسی ژنی کوردی شەڕوان بە ئازایەتی و توانای بەرزی دژی
داعش، جۆرێک لە دوو ڕوویی سیاسی، نەک بەرز نرخاندنی ڕاستەقینەی ژنی
کورد یا ژنان بە گشتی، ئەگەر نا بۆ بە تەواوەتی بێ دەنگن لە خوێنی
ڕشتنی ژنان بە ئامرازی ئەمریکی و ئیسرایلی لە ژمارەیەک لە ووڵاتان؟
بەڵکە بۆ ستەمی باوک سالاری چینایەتی درێژەی هەیە لە ناو ووڵاتەکانی
خۆیان لە ئەوروپا و ئەمریکا؟
سێیەم: بێگومان ژنی کورد بە ئازایەتی و لێهاتووی بەرزی خۆی بە سەر
داعش و ئەرکی سەر شانمانە دانیان پیا بنێین و بە شێوەیەکی چالاکانە
ڕێزیان لێ بگرین نەک بە قسە و گوتاری پڕ لەرینەوە وەک ئەوەی
ئەمریکیەکان ئەیکەن. ئەمەش بۆ ئەوەی پەیوەندی و بەرژەوەندی نیوان داعش
و ئیمپریالیزمی جیهانی و حکومەتە ناوخۆییەکان بدۆزینەوە، وە ئایا هەر
حکومەتی تورکیا ئەم یاریە دەکا؟ وە ئایا ئۆردوگان لە ئۆباما دوو
ڕووترە؟
چوارەم: تۆ ئەڵێی کە ژنی عەرەبی سەرەڕای گۆڕانکارییە جیهانیەکان هێشتا
هەر کۆیلەی پیاوی گیرۆدەی تێگەیشتنە کۆنەکانە، ئەمە ڕاستە و دە چەسپێتە
سەر زۆربەی ژنان ی دنیا نەک تەنیا ژنانی عەرەبی، لەبەر ئەوەی ئەو
گۆڕانکاریانەی لە دونیای سەرمایەداری چینایەتی باوک سالاری نابێتە هۆی
ڕزگاری ژنان یا هەژاران یا ئاوارەکان یا تێکۆشەرانی دژ بە هەژاری و
ڕەگەز پەرەستی و ستەمی زۆر بوو، بە پێچەوانە بۆشایی نێوان هەژاران و
دەوڵەمەندان و ژنان و پیاوان، جیاوازی و نایەکسانی زۆرتر دەبێ لە نیوان
خەڵک لە سەر بنەمای ڕەگەز ، ڕەگەزنامە، چینایەتی، و ئاینی و ناسنامەی و
هی تر، ئیمپریالزمی دەرەکی ستەمکاری و زەبر و زەنگ وخەڵەتان ی ڕوو لە
زۆری دەبێ.
پێنجەم: سەرەڕای هەڕەشەی توند و تیژی جیهانی و ناوخۆی و ئەو گێڕانەوە
دواوەی کە لەگەڵی ئەژین لە زۆربەی بوارەکاندا و شەڕە تایفی و خوێنڕژتنە
ڕۆژانەکانی ووڵاتانی ئێمە، بەڵام من ئومێد و جۆش و خرۆش لە دەست نادەم
بۆ داد و ئازادی و ڕێزی ژنان و پیاوان لە هەموو ووڵاتێک، مێژوو بۆمان
پێ دادەگرێ کە هەر جولانەوەیەکی ڕامیاری دروشمی خودا و گیانی پیرۆزی
بەرز کردەوە چارە نووسی توانەوەیە، وە ڕەنگە سەرکەوتنی ژنانی کورد
دڵۆپێک بێ بارانی بە دوا دابێ.
٦\١١\٢٠١٤
- قاهیرە
__________________________
*
نەوال سەعداوی لە ١٩٣٠/١٠/٢٧ لە قاهیرە لە دایک
بووە، ١٩٥٤ لە کۆلیژی پزیشکی قاهیرە بەکالریۆسی لە پزشکی نەشتەرگەری
وەرگرتووە هەروا تایبەتکاری لە نەخۆشیەکانی سینگ وەرگرتووە، نەوال
سەعداوی دکتۆر، ڕەخنەگر، نووسەر، بەرگریگاری مافی مرۆڤ و مافی ژنانە بە
تایبەتی.
سەرچاوە: فەیسبووک
www.pydrojava.net
کاتژمێر
٥٨.٢٣ی شەوی ١٦\١١\٢٠١٤
- ئوپسالای سوید
ماڵپه‌ڕی که‌ریم سه‌رکه‌ش
_________________________________
هەموو بابەتەکان دەربارەی
''داعش'' لێرە ببینە:
www.emrro.com/dosyeydahish.htm
|
