٥\٦\٢٠١١

    ئه‌و ده‌مه‌ی..

هێرش یاسین

ئەو دەمەی لەگەڵ تۆ
لە باوەشی ژیان
        مەرگم ناسی
دڵ و چاوەکانم و روحم و

        تۆش
        بەدەم خەندەوە گریان...
 

ئەو شەوە تاریکەی
گلۆپی زەردی خوا کوژایەوە
شیعر و
    قەسیدە و

          چیڕۆکەکانم
    خۆیان بە باوەشی ئەو دا...

ئەو سپێده‌ی
کە دلۆپێک ئاوی ساردی دۆزه‌خ
لە خەوێکی پر لە ئەودا
تۆ و خەونەکانمی

           زڕاند
    هێشتا زووبوو بۆ کۆتایی شەو ....

ئەو نیوەڕۆیە
کە مامۆستایەک
بە فیشەکێک
سەربازێکی قەلەم بەدەستی کوشت
    پیاو گریا و

        مامۆستا تاسا و

            سەرباز کوژرا...

من لە کاتژمێری ٢٥ی شەودا
شیعرم دایە دەستی
       ژیان و
       خۆشم دایە دەستی مردن
بۆ کاتژمێری یه‌کی کۆتایی شەو
    شیعرم لە کۆلانی مردن
       دەسوڕایەوە و
       منیش غەمی ژیان نووسیمیەوە....

٢٥\٥\٢٠١١

wwhersh@hotmail.com