|
١٨\٥\٢٠١٣
ئەوینێکی نادیار.
کامیل ژیر
هۆنراوەى سەردەم بە شێوازى
کلاسیک.
ئەم ئەوینە تاکو کەى بڕژێتە جۆگەى نادیار !؟
پێکەنین و تووڕەبوونت، دوو نیشانەى دژ بە یەک
وا تەمەن ئەڕوا بە
خێرایی کەچی تۆ دەرکەنار
وەک نەبیستێ یا نەدوویەک، بێ وتار و چرپەیەک !
* * * * *
هەر کە ئەگرم رێگەیەک بۆ چۆڵی بێخەم، دوورە شار
رێگە ئەگری، نایەڵى دەرچم بژیم بێ دەردی سەر
دێمەوە دەرباری رێگەت وەک گەدایەک کەفتەکار
پێمئەڵێی : جارێ لە کوێتە، من گوڵێکم تازەبەر !
* * * * *
چش لە من ، با تۆ گوڵیشبی ، شا گوڵاڵەی لالەزار
چەن گوڵی بۆنخۆش و دەگمەن نابەکاوێ هەڵوەرین؟
ئەو دڵانەی ئەبنە لانەی خۆشەویستی ، کۆڵەوار
شەو بە ئاھـ و ژان و تاوە سەر ئەنینە سەر
سەرین!
* * * * *
تاڵە موویەک وا لە بەینا رایئەکیشین جاروبار
تاڵی چی! شیلەى
هەنگوینە، بەردەوام
بێ تاڵی وا
پەلکەزێڕینەى بەهارە، گەوهەرە بۆ یادگار
بەو مووە تا
ئێستە ماوم، مژدەبەخش و جێ هیوا
* * * * *
گیانەکەم ئەم رەوت و رێیە، تیری نازە، یا گوشار؟
خۆشەویستیی شەرمنە؟ یا دەرفەتە بۆ زام و ئێش؟
با ئیتر بەس بێ تەم و خەم، کورتە ژینی
لێوبەبار
چەن مەم و زین بێ
گەیشتن بوونە خاک
و خۆڵەمێش؟!
ماڵپه‌ڕی کامیل ژیر
|
