|
٣٠\١\٢٠١١
ئەوکاتەى سەرۆک
راودەکرێ.
ئیسماعیل عەبدولڕەحمان
پاکى و ناپاکى پێوەرى دەستنیشانکردنى پاشە ڕۆژى سەرۆکى هەر وڵاتێکە ،
نەوەک دەزگاى هەواڵگرى و ئاسایش و هێزى گەورەى سەربازى ، بۆیە ئەو
سەرۆکانەى خۆیان بەپاکى ڕادەگرن و چاویان لەسەروەت و سامان و خوێن
ڕێژتنى گەلەکەیان نییە ، ئەوانە نایابترین دوا ڕۆژى پڕ لەئاسایش و
بەختەوەرى بۆخۆیان لەوڵاتەکەیان دابین دەکەن ، و هەتا هەتایەش
نەوەلەدواى نەوەى گەلەکەیان هەربەگەورەیى و شکۆدارى دەمێنەوە ، و دەبنە
جێگاى شانازى پێکردنى گەلەکەیان هەروەک : غاندى و هۆشى منە و ماندێلا و
....هتد.
بەڵام سەرۆکە ناپاکەکان ئەوانەى لەبەر خیانەت لەگەلەکەیان وەک قەلەڕەش
دێنە بەر چاوى میللەتەکەیان ، و ئەوانیش لەبەر دەبەنگیان وادەزانن
گەلەکەیان هەست بەو ڕەشیەى ئەوان ناکەن و بەکۆترى سپى دێتە بەرچاویان ،
چونکە وادەزانن ڕوح دەرهێنان لەلاشەى ڕۆڵەکانى گەل بۆ بەرژەوەندى خۆیان
و دزینى سەروەت و سامانى میللەت هەموى بۆ ئەوان ڕەوایەو میللەتیش لەو
ئاستە دانییە ، لەو خیانەتانە بپێچێتەوە ، بۆیە ئەوان لەجیاتى حساب بۆ
ئیرادەى میللەت و داخوازیە ڕەواکانیان بکەن ، ئەوان خەم لەزاوزێى خۆیان
دەخۆن بۆ ئەوەى نەوەیان زۆربێت شوێنیان بگرنەوەو کورسى سەرۆکایەتى وڵات
لەنەوەى ئەوان بەولاوە بەکەسى دیکە نەدرێ ، کوردیش لەکۆنەوە وتویەتى "
ئاش لەخەیاڵێک و ئاشەوان لەخەیاڵێک " سەرۆکى ناپاک لەهەوڵى
لەجێخۆدانانى کوڕەکەیەتى، بەڵام لەوکاتەدا میللەت دەڵێ سەرۆک کاتى
ڕاویەتى، ئەى قوڕ بەسەر ئەو سەرۆکەى میللەتەکەى لەهەوڵى ڕاویەتى ،
کەهەر بەڕاونانیش لەوڵات کۆتایى نایە، بەڵکو لەدەرەوەى وڵاتیش پۆلیسى
ئینتەرپۆلیشى لەدوایە ، وەڵا من بوایەم لەجیاتى ئەو سەرۆکانەى
میللەتیان بەنیازن ڕاویان بکەن ، هەر پێش ڕاوکردنم خۆم ٱن ، هەر پێش ڕاوکردنم خۆم هەڵدەهاتم ،
چونکە بێگومان درەنگ یازو چارەنوسى هەموو سەرۆکێکى ناپاک بەگەل و
نیشتیمان هەڵاتنە لەدەست توڕەیى میللەتەکەى .
ماڵپه‌ڕی ئیسماعیل عه‌بدولڕه‌حمان
| 
