په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٣\٨\٢٠١١

    ئه‌و خه‌مه‌ی له‌گه‌ڵ سێبه‌ره‌که‌شمدایه‌‌.

گه‌شبیر ئه‌حمه‌د

کام تاریکی شه‌وی غوربه‌ت، به‌قه‌د ڕۆژی من تاریکه‌
کام عاشقیش به‌ وێنه‌ی من له‌گه‌ڵ خه‌می تۆ خه‌ریکه‌

من ئه‌و که‌سه‌م هه‌موو وه‌رزێ پشکۆی ئاگری زستانم
نه‌به‌ عه‌شقت گه‌یشتم و نه‌ تۆش زانیت به‌ سووتانم

من که‌ته‌نیام له‌م غوربه‌ته‌ بۆ ده‌مکوژی به‌دڵ ڕه‌قی
بۆ بێباکی له‌ ئاستی من دڵ ئه‌شکێنی به ‌نا هه‌قی

توخوا کچێ‌ مه‌مڕه‌نجێنه‌ و چرای دڵم فوو لێ مه‌که‌
خۆری ڕووتم لێ هه‌ڵبکه و کۆڕی شیعرم گه‌رمترکه

ده‌با به‌سبێ له‌خۆبایی ژیان هه‌مووی هه‌ر ده‌ورانه‌
ڕۆژێ دادێ په‌شیمان بی ئه‌و‌‌ قه‌ده‌ره‌ له‌ پێشمانه


من هه‌رخه‌می ئه‌و ڕۆژه‌مه نه‌گه‌م به‌تۆ سه‌رنێمه‌وه
وه‌کو نالی و مام و فه‌رهاد‌ به‌و عیشقه‌وه‌ بتوێمه‌وه.

 

٢٠\١٢\٢٠٤
ماڵپه‌ڕی گه‌شبیر ئه‌حمه‌د

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک