په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٤\٦\٢٠٢٠

  ئەی ئومێدی پیرۆزی من.*

 

 عاتیفەیێ گورگین

و: نەژاد عەزیز سورمێ

چاوم پڕن له‌ وێرانه‌ی شاره‌ دێرینه‌كان
شاری نێوان ڕووتیی و
كاولگه‌ی به‌ردین ..
وه‌ك كه‌زیه‌ ڕه‌شه‌كانم تاریك ..
ئه‌وه‌تان له‌ به‌رابه‌ری مندا
خه‌و بردوونیه‌ته‌وه ‌..

(بۆچی له‌ ئاست هێزی یه‌كگرتنی مندا
نابووت ده‌بی) و
به‌و ئاسانییه ‌،
من ده‌ده‌یته‌ ده‌ستی بایێ
له‌ خیانه‌تكاریی خه‌وه‌وه‌ دێ ؟
ئاسۆ له‌ نێو چاوه‌كانمدا پاڵ كه‌وتووه‌ ..
هه‌رچی بخوازم ده‌ستی ده‌خه‌م ..
من بێ ئاسۆیش ، ده‌ڕوانمه‌ تۆ

ئه‌م ڕووباره‌
ئه‌م ژانه‌م
سنووری چیرۆكه‌ كلۆم دراوه‌كان نازانن ..
چاوت پڕ بوون .. لێیان ده‌ڕژێ !

كاتێ سه‌رپه‌نجه‌ ناسكه‌كانی تۆ
نه‌شونمای كه‌زییه‌كانم ده‌خه‌وێنێ
من دیماهی تۆ
له‌ بروسكه‌ی هه‌ر نیگایه‌كتا ، تێ ده‌گه‌م
كاتێ تۆم ،
ئا له‌و سپێده‌ كپه‌ دیت
یه‌كێ له‌ ده‌روونی مندا
هاواری لێ هه‌ستا
تێگه‌یشتم ، بێجگه‌ له‌ تۆ
ئه‌من تاوم به‌ هیچی دی لێ هه‌ڵنایێ ..

ئه‌وه‌تا له‌ پشت په‌نجه‌ره‌وه‌
یه‌كێ بانگم ده‌كا ..
بینیم تۆی ، به‌ ده‌ستی زبره‌وه‌
له‌ سپێده‌وه‌ دێی ..
وه‌ستام و
ده‌سته‌كانم واڵا كردن.

______________________________________
* له‌ (راهیان شعر امروز)ی داریوش شاهین - لاپه‌ڕه‌ ٣٠٩ كراوه‌ به‌ كوردی.
 

ماڵپەڕی نەژاد عەزیز سورمێ

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک