|
٢٥\٧\٢٠١٥
(فاتیحا)!
شۆرش محەمەد عەلی
من.. بە
بەزیویی خاکم جێهێشت
برا گیان..
تۆش بێ بەزەیی و
لە دوورەوە سەیری رۆحدانی من دەکەی...
نازانی...
تۆ نازانی لە غوربەتا چەند هیلاکم
لە هیلاکییا.. لە بوون و نەبوونم بێ باکم
تۆ نازانی برا گیان
نازانی.. منی هەمیشە لە سەنگەر
بە دەست حاکمی خۆم، سەنگەرم بەسەردا
رووخاوە٠
دەمبینی..
تۆ دەمبینی چۆن قاچەکانم بە کۆڵما.. داداوە
چ بارێکی سەنگینە
چ خەمێکی خەمگینە
برالە.. ئەوە بریاری رۆحە
و رۆح بڕیاری داوە
ئیدی بەسەر خاکێکا هەنگاو نەنێم
نەچمە سەنگەرێکەوە
ژێری رووباری بارووت و نەوت بێ
ئاسمانی هەورە بارانی خوون!!!
خاکێ تێیدا
بای قامچی وزڕەی زنجیر و نووکی شمشێر باڵادەست و
مرۆڤ و باڵندە و
هەست و نەست تێیدا ون!!!
برا گیان.. لێگەڕێ با لێرە ئاسوودە بمرم
کەس لە غوربەتا.. ناڵێ (فاتیحا)!
سەگێ، کۆترێ، پەپولەیێ.. هۆپی پۆپی
دەڵێن ئەمرٶ سەر رەشێ لێرە تۆپی...!!!
___________________________
خوون:
خوێن، خین.
٧\٧\٢٠١٥
ماڵپەڕی شۆڕش محەمەد عەلی
|
