په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١١\٦\٢٠٢١

فلمێ "جیران" ژ بۆ پێشبازیا ناڤنەتەوەییا فەستیڤالا فیلمێیا شانغایێ ھات ھەلبژارتن.

 

 

فلمێ کوردیێ رۆژاڤایێ کوردیستانێ "جیران"، ژ بۆ پێشبازیا ناڤنەتەوەییا فەستیڤالا فیلمێیا شانغایێ و ژ بۆ خەلاتا مەزنا فەستیڤالێ، کووپا زێرین ھات ھەلبژارتن.

فیلمێ "جیران"ێ دەرھێنەرێ کوردێ رۆژاڤایێ کوردیستانێ مانو کھەلیل وێ ل فەستیڤالا فلمێن ناڤنەتەویا شانغایا چینێ کو ژ ١١ ھەیا ٢٠ێ ھەزیرانێ ل دار دکەڤە کو ژ بۆ کووپا زێرینا فەستیڤالێ ھاتیە ھلبژارتن وێ بێ شانی دان.


فەستیڤالا شانغایێ دگەل بەرلین، جاننەس، لۆجارنۆ، ڤەنەدیک، قاھیرە و تۆرۆنتۆ دە، ل گۆری سەنفاندنا فەدەراسیۆنا ناڤنەتەوەییا پرۆدوسەنتێ فیلمان ژ پازدەھ فەستیڤالێن مەزنێن کاتەگۆریا "ا" تێ ھەسباندن.


جیران- د پێشبەرکا ناڤنەتەوەیییا فەستیڤالا ب ١٢ فیلمێن دن رە ژ بۆ خەلاتا یەکەم، کووپا زێرین پێشبازیێ دکە. جیران ب نڤیساندن، دەرھێنان ئوند پرۆدوکسیۆنا مانۆ کھاللە، ب ئالیکاریا کەنالێن تڤ-یێن ئەورۆپی ئارتە و سرف ھاتیە فینانسە کرن.

فیلما "جیران" چیرۆکا زارۆکەکی کوردێ شەش-سالییە، کو ل گوندەکی نێزێ سینۆرێ "ترکی-سووری" دژی، کو مالباتا وی د ناڤ دو وەلاتان دە ھاتیە پەرچەکرن. فلم ب دو سەاتێن خوە دە، کورتاھیا پێنجی سالێن زۆردەستی، شۆڤەنیزم، و رێبازێن نژادپەرەستییێن کو ژ ھێلا رەژیما بااسیستا فاشیست کو ل سەر ملەتێ کورد ئانی ھۆلێ تینە شانیدان.


فلم ل سەر گەلەک تەشتێن تایبەت د ژیانا ملەتێ کورد دە ل رۆژاڤا، کو د بن زۆرداریا رێژیما بااسی تینە زمان، وەک قەدەخەکرنا زمان و کولتورا کوردی، پراکتیکێن موخاباراتا ل دژی ملەتێ کوردا رە، نژادپەرەستیا رەژیمێ، و داخوازکرنا وێ بۆ گۆھەراندنا دەمۆگرافا کوردستانێ، سینۆر و ئەسکەرێن کو ب کوشتنا مرۆڤێن کورد رە شانازیا دکن. ھەر وەھا بۆ جارا یەکەم مەسەلا ئەرەبێن خەمر کو رێژیما فاشیستا بااس د سالێ ھەفتێ دە، د بن پرۆگراما شۆفینیستا ب ناڤێ کەمبەرا ئەرەبی ئانی رۆژاڤا و ئەردێ کوردا ژ وان ستاند و ل ئەرەبێن خەمر بەلاڤ کر تێ ھۆلە، کۆ ھەتا رۆژا ئیرۆ ئەڤ پرۆبلەمەک مەزنە ل رۆژاڤایێ کوردیستانێیە و ل بەندا چارەسەریێیە. ئەڤ ژ ئالیکی دە، ژ ئالیێ دەن ڤە، چیرۆکا جھوێن سوری کو نەچار مان، ژ وەلاتێ خوە کۆچ بکن و مال و ملکێ خوە ل پشت خوە بھێلن.


فیلما جیران وەکی یەکەم فیلمێ درێژ،ێ ئنتەرناسیۆنال کۆ وێ ل سینەمایێن جیھانێ بێ شانیدان کو ل رۆژاڤایێ کوردیستانێ ھاتیە چێکرن.


جیران فیلمەک ئینسانییە ل سەر بھەڤرەژیانێ و ھەڤالتیێیە، فیلمەک کو تلیا خوە شانی برینێ ددە.


فیلمەک شیرەتا ل ت کەسی ناکە، رۆلا ھاکم کو زالم و مەزلوم شانی بدە، ھەرتشتی ب راستیا روت شانی ددە و تەماشەڤان ئازادە ب خوە بکە ھاکم. ژ بەر کو فیلم لە سەر مرۆڤایە و ژ بۆ مرۆڤایە. فیلمەک ل سەر ھێڤیێیە، ھێڤیا کو ھەمو گەلێن خێرخوازێن ل سووری دژین،ێن کو باۆەرن، کو مافێ ھەرکەسی ھەیە ب ئازادی، چاند، ئۆل، کولتور و زمانێ خوە ب کار بینە، کو ب ئازادی چارەنووسا خوە ھلبژێرە و ل سەر ئاخا خوە و د ناڤ زارۆکێن خوە دە ب روومەت بژی. چ کورد بە، ئەرەب بە، خرستیان بە، جھوو بە، مرۆڤێن کو د دەمەکێ دە خەلکێن وەلاتەکی ب ناڤێ "کۆمارا سووری" بون، بەری کو کەسەک وەرە و ب دارێ زۆرێ و ب رورەشی ناڤێ وێ بکە "سووریا ئەل-ئاسەد". جیران- فلمێ وان مرۆڤایە،یێن کو موومەکەک د دەستێ وان دەیە و ب باوەرن کو داویا تاریێ وێ بێ، و کو قەنجی و ھەزکرن وێ زۆرا خەرابی و نەفرەتێ ببە. ھەر چەند دەم درێژ بە ژی...

د فیلمێ "جیران" دە بپ یەکەم جارە کو لەیستکڤانێن ئەرەبێ سووریێ ناڤدار و لەیستۆکڤانێن کورد و ناڤنەتەوەیی ل کێلەکا ھەڤ د فلمەکی ولۆ دە دخەبتن. وەک زارۆکێ کوردێ رۆژاڤایێ کوردیستانێ سەرھەد کھالل، یان ژی ژەلال ئال-تاوێل، جیھاد ئابدۆ، مازەن ئال-ناتۆور، ناسسما ئال-داھەر، و لەیستکڤانا ناڤنەتەویا برەزیلێ کو ب کۆکا خوە سوورییە تونا دوەک، و لەیستکڤانێن کورد، بەنگن ئال، ھەڤال نایف، زیرەک، ئیسمال زاگرۆس، ئیڤان ئاندەرسۆن، ژیان ئارمانج و دەریا ئویگورلار جھ دگرن.


فیلم وێ د ١٤-ێ مەھا دەھان دە ل سینەمایێن سویسرەیێ وەرە شانیدان و دێ داویا سالێ دە ل ھەمو سینەمایێن ئامەریکا، کانادا، ئاوستورالیا و ئالمانیا ژی وێ وەرە شانیدان.
________________________________________

- Nue di Hollywood Report de

- Nue di Variety de

- Nue di Screened Daily de

 

 

sinemakurd@yahoo.com

 

 


 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک