٩\٥\٢٠١٣

فیلمێ کوردی ل مونیخا ئالمانی.

فیلمێ دەرھنێرێ کورد مانۆ خەلیل ب ناڤێ „ئاپێ ئیربۆم“ ب ئەلمانی „دەر ئمکەر“، دەرباسی پێشبەرکا خەلاتا مەزنا فەستیڤالا سینەما ل باژارێ مونیخا ئالمانیا دبە. د ڤێ پێشبەرکێ دە ١٠ فیلم ژ بۆ خەلاتا مەزن ھاتنە ھلبژارتن. فەستیڤال د رۆژێن ٨ - ١٥ گولانێ دە ل دار دکەڤا. فیلم وێ دو جاران ل مونیخێ وەرە پێشکێشکرن.

فیلم چیرۆکا مرۆڤەکی کوردە، „ئبراھیم گەزەر“ (ئاپێ ئیربۆم)، کو ب بنەچە خوە ژ ئەلبستانێیە. ئاپێ ئیربۆم، ھەتا سالێ ٩٠ی یەک ژ مەزنترین مێشڤانێن کوردیستانێ بو، لێ مخابن، ژ بەر زولم و زۆرداریا رەژیما ترک ھەر تشتێ وی وندا بو. مالا وی خراکرن، مێشێن وی کوشتن و ئەو نەچار ما بەرەڤە و وەکە پەنابەر وەرە سویسرا. ھەر کو ئاپێ ئیربۆم گەلەک کول، دەرد و رۆژێن تاری دەرباس کرنە لێ مرۆییا خوە و کێفا خوە ژ خوەزایێ و ژ مرۆ رە وندا ناکە. ل سویسرا دیسا دبە خوەدی مێش و چیایێن ئالپێ ژێ رە دبن وەکە چیایێن کوردستانێ.

فیلم ب زمانێ کوردی و ئەلمانی ھاتیە کشاندن. دەما فیلم ١٠٧ خولەکن. ل سەر سیستەما دجپا سینەما ئا نو ھاتیە قەیدکرن.

فیلم پرۆدوکسیۆنەک ناڤنەتەوییە، ژ ئالیە تەلەڤزیۆنا ئەلمان - فرانسا ئارتە و تەلەڤزیۆنا سویسری ڤە ھاتیە فینانسەکرن.

فیلم د دەستپێکا ڤێ سالێ دە ل فەستیڤالا فیلمێن سویسریا نەتەوی شایستەی خەلاتا یەکەمین ھاتبو دیتن.

لینک:

http://www.dokfestmuenchen.de/filme.php?films_festival=11&films_section=21

info@framefilm.ch