٣\١٢\٢٠١٣

فیلمێ مانۆ خەلیل دچە فەستڤالا دوبەی.
 

فیلمێ ''مێشڤان - ئاپێ ئیربۆم'' ب ئالمانی ''دەر ئمکەر''ێ دەرھنێرێ کورد مانۆ خەلیل ژ بۆ فەستیڤالا سینەما یا ناڤنەتەویا دوبەی ٢٠١٣ ھات ھلبژارتن. فیلم بەشداری پرۆگراما ''شەڤێن ئەرەبی''یا فەستڤالێ، کو ژ ٦-١٤ مەھا ١٢ ددۆمە دبە. فیلم وێ رۆژا شەمێ ٦.١٢ دەمژمێر ٥.٣٠ ل مۆل دوبەی ٥ وەرە شان دان. جارا دوەمین وێ رۆژا دوشەمێ ٩.١٢ دەمژمێر ٦ ل مۆل دوبەی ٧ وەرە تەماشەکرن.

فیلمێ ''مێشڤان'' چیرۆکا مرۆڤەکی کوردە، ''ئبراھیم گەزەر'' (ئاپێ ئیربۆم)، کو ھەتا سالێ ٩٠ی یەک ژ مەزنترین مێشڤانێن کوردیستانێ بو، لێ مخابن، ژ بەر زولم و زۆرداریا رژیما ترک ھەر تشتێ وی وندا بو. مالا وی خراکرن، مێشێن وی کوشتن و ئەو نەچار ما برەڤە و وەکە پەنابەر وەرە سویسرا. ھەر کو ئاپێ ئیربۆم گەلەک کول، دەرد و رۆژێن تاری دەرباس کرنە لێ مرۆیینیا خوە و کێفا خوە ژ خوەزایێ و ژ مرۆ رە وندا ناکە. ل سویسرا دیسا دبە خوەدی مێش و چیایێن ئالپێ ژێ رە دبن وەکە چیایێن کوردستانێ».

فیلمێ مانۆ خەلیل ھەتا رۆژا ئیرۆ بویە لایقی گەلەک خەلاتێن ناڤنەتەوی، ژ ڤان خەلاتان:

خەلاتا یەکەما سینەما سوسرا سۆلۆتھورن ٢٠١٣.
خەلاتا یەکەم ل فەستیڤالا مونخا ئالمانیا ٢٠١٣.
خەلاتا زێڤین ل فەستیڤالا لەسسنا یا ئیتالیا ٢٠١٣.
خەلاتا یەکەمنا فەستڤالا سنەما یا ناڤنەتەویا دوھۆکێ ٢٠١٣.
و خەلاتا تەماشەڤانانا فەستیڤالا نەوە ھەماتا ئاوسترا ٢٠١٣.

ئەڤ فیلم بەھتری ٥ مەھان د سینەمێ سویسرا دە ھات شان دان. فیلم د دەستپێکا ٢٠١٤ ل ھەمو باژارێن ئالمانیا، ژ ئالیە شرکەتا براڤەھەارت ئنتەرناتۆنال دەرباسی سینەمێ ئالمانیا دبە.

http://dubaifilmfest.com/en/films/detail/der-imker/31373/2013
 

sinemakurd@yahoo.com