٢\٦\٢٠١٧

فیستیڤاڵی نێودەوڵەتیی

فیلمی منداڵان و مێرمنداڵانی ئێران لە ئیسفەھان بەڕێوەدەچێ.

مەنسوور جیهانی

سییەمین خولی فیستیڤاڵی نێودەوڵەتیی فیلمی منداڵان و مێرمنداڵانی ئێران بە بەشداریی بەرھەمی وڵاتانی جیھان لە شاری ئیسفەھان لە ئێران بەڕێوەدەچێ.

٣٠ەمین خولی فیستیڤاڵی نێودەوڵەتیی فیلمی منداڵان و مێرمنداڵانی ئێران بە بەرپرسیاریی "عەلیرەزا رەزاداد" و بە ھاوکاریی رێکخراوەی سینەمایی ئێران، شارەوانی ئیسفەھان و ناوندیی سینەمایی ئێران و ھەروەھا بە بەشداریی بەرھەمی وڵاتانی جیھان لە چەندین بەشی جۆراوجۆری پێشبڕکێی و دەرەوەی پێشبڕکێی، بەشی نمایشی تایبەت، بەشی کۆڕ و کۆبوونەوە پسپۆڕانەی ھونەریی سینەما لە رۆژانی ٣٠ی جوون تا ٦ی جوولای ٢٠١٧ لە شاری مێژوویی ئیسفەھان لە وڵاتی ئێران بەڕێوەدەچێت.

فیستیڤاڵی نێودەوڵەتیی فیلمی منداڵان و مێرمنداڵان چەندین مەبەست لەخۆدەگرێت، لەوانە: ١ـ ناساندیی بەرھەمی بەرچاویی سینەمای منداڵان و مێرمنداڵان لە بوارەکانی نەتەوەیی و نێودەوڵەتیی و رێزگرتن لە بەرھەمھێنەرانی ئەم فیلمانە، ٢ـ رەخساندنیی بواریی گونجاو بۆ چالاکانی سینەمای منداڵان و مێرمنداڵان لە بەشە جۆراوجۆرەکانی ئەم فیستیڤاڵە و ٣ـ سەرھەڵدان و گەشەپێدانی بەرھەمھێنان و نمایش لە سینەمای منداڵان و مێرمنداڵان لە رێگای رەخساندنیی ھەل بۆ گۆڕینەوەی ئەندێشە و ئاڵووگۆڕیی بیرووڕا لە نێوان کاربەدەستانی سینەمای منداڵان و مێرمنداڵان، خاوەنبیران و ھۆگرانی ھونەری سینەما.

فیستیڤاڵی نێودەوڵەتیی فیلمی منداڵان و مێرمنداڵانی ئێران چەندین بەشی پێشبڕکێی و دەرەوەی پێشبڕکێی لە خۆگرتووە، لەوانە:

١ـ پێشبڕکێی سینەمایی نێودەوڵەتیی:
فیلمی سینەمایی، کورتە فیلم (٣ تا ٣٠ خولەک) و نیوە بڵیندی چیرۆکی (٣٠ تا ٧٠ خولەک) .
فیلمی سینەمایی ئەنیمەیشنی، کورتە فیلمی ئەنیمەیشنی (٣ تا ٣٠ خولەک) و نیوە بڵیندی ئەنیمەیشنی (٣٠ تا ٧٠ خولەک).
٢ـ پێشبڕکێی سینەمای ئێران: فیلمە سینەماییەکان، بەرھەمی بڵیندی چیرۆکی، کورتە فیلم و نێوە بڵیند و فیلمە ئەنیمیشنییەکان (سینەمایی، کورتە فیلم و نیوە بڵیند).

لە لایەن ئەندامانی لێژنەی دادوەرانی ٣٠مین خولی فیستیڤاڵی نێودەوڵەتیی فیلمی منداڵان و مێرمنداڵانی ئێران کۆمەڵێک خەڵات بەسەر ھونەرمەندانی سەرکەوتوودا دابەشدەکرێت، لەوانە: خەڵاتەکانی باشترین فیلمەکانی سینەمایی، کورتە فیلم و ئەنیمەیشن، باشترین دەرھێنانی فیلمی بڵیند، باشترین سیناریۆی سینەمایی، باشترین ئەکتەر، باشترین دەستکەوتی ھونەریی، باشترین دیزاین، باشترین دەنگ، باشترین بووکەڵەگێڕ، خەڵاتی تایبەتی ئەندامانی لێژنەی دادوەران و ھەروھا خەڵاتی سیفژ لە لایەن رێکخراوەی "سیفژ" واتە رێکخراوەی نێودەوڵەتیی فیلمەکانی منداڵان و مێرمنداڵان.

بەڕێوەبەرایەتی راگەیاندنی گشتیی فیستیڤاڵی نێودەوڵەتیی فیلمی منداڵان و مێرمنداڵان

ماڵپه‌ڕی مه‌نسوور جیهانی