|
|
|
١١\٣\٢٠٢٥ گەمەی ژیان.
فهرهاد کەریم چوومەتە ناو سەری خۆم، لە ناو قەفەزی سەری خۆمدام، سەر زیندانێکی بجووک و جوانە، مرۆڤ زیندانی ناو سەری خۆیەتی لە مردن ناترسم، دوێنێ و ئەمڕۆ و ئایندە مردن، گرنگ و درەنگ نییە مردنم، لە ناو مردن و مردنی خۆمدا ماندوو بەدەم رێوە شەکر رشتن، خۆشە بەدەم رێوە شەکر بڕێژی و هەنگوین بڵێسیەوە، پڕم لە میهر و جوانیی، راستیی و ئەڤینم لێدەڕژێ، ژیان بە دوو دەست دوو پەنجەی بووگێمی بەرزکردۆتەوە دەیبینم و تێدەگەم بێ ئەوەی دەمکاتەوە، بووگێم دەبەنگ، بەتاڵ، پیس دۆڕاو، مردوو بچووک بچووک مردن بیرخاتەوە، خۆشە نەزانی مردووی، لە ناو مردووان مردن خۆشە، مردن جوانە لە ناو مردووان، شەرمی ناوێ مردن، شەرم ناکا مردن مردن هێندە جوانە ژیان ئیرەیی پێدەبا، مردن هێندە شیرینە شەکر تاڵ لەبیرمە ژیان جوان بوو، سپێدە و نیوەڕۆ و ئێوارە و شەوی شاد بوو، لە ناو گەمەی ژیانداین، حەزمان بە گەمەی دۆڕان و قەڵۆش دەرچوونین لە ناو مردووان لەگەڵ مردن، ژیان نابەیەوە، خۆشە دۆڕاندن، مردنێکە و نایەیتەوە.. بە مردن هەڵدەگەڕێین، بە مردن دێینەخوارێ، بەردەوامییەکی جوانە، ژیان واتا نادا لە جیهانی مردوودا، ژیان ژان دەکا جیهان ژان دەکا زەوی ژان دەکا مرۆڤ ژانی رشت لە زەوی تژی ژان بوو جیهان ژیان ژانی لێدەڕژێ جیهان نوقمی ژانە خنکا زەوی بە ژان ژانە مرۆڤ مرۆڤ ژان ژان و مردن مردن ژان دەکا ژان دەکا مردن ژیان گەمەی مردن و ژان ژان و مردن گەمەی مرۆڤ مرۆڤ ژیانی گا... لە ژیانی مردوودا نامری لە مردنی ژیاندا نامری لە جیهانی مردوودا نامری لە زەوی مردوودا نامری لە زەوی مردوو و جیهانی مردوو و ژیانی مردوو نامری خۆشە نەمری و بە ژانە نەمری ژیان چەندی دەوێ بۆ مردن مردن لایدا نە دەژی و نە دەمری مردن لایدا نە دەمری و نە دەژی مردن ناژی ژیان.........
|
|
|
