|
٨\٤\٢٠١٦
گەندەڵیی، مەترسییەکانی و قەڵاچۆکردنی بە
کورتیی.
ھێمن رەشید عیسا
پێش ئەوەی باسی
گەندەڵیی بکەین لە زیان و چاکسازییەکانی،
بە وتەیەکی ئەلبێرت ئەنشتاین - زانای کۆچکردووی ئەڵمانی
- دەستپێدەکەین کە دەڵێ:
(جیھان نارووخێت بەوانەی کە دەستیان لە خراپەدایە , بەڵکو بەوانەی کە
تەماشا دەکەن و بەبێ ئەوەی ھیچ بکەن).
گەندەڵیی
بە دوو رٍێگا
پێناسە دەکەم.. بە کورتییەکەی:
١- گەندەڵیی / واتە خراپ بەکارھێنانی دەسەڵاتی گشتی لە ڕێی کەسانی سیاسی
ھەڵبژێرراو یاخوود کەسانێک کارمەندی دەسەڵات بن کە ھەموو ئەمانەش بۆ
بەدەست ھێنانی بەرژەوەندی تایبەتی.
٢- یا گەندەڵیی / دیسان خراپ بەکارھێنانی دەسەڵات بەڵام ئەوەی ڕێی پێ
دراوە بۆ نموونە لە شوێنەواریی , فێرکردن , ھەڵبژاردن , وە یان دانانی
کەسێک لە شوێنێک و ھەر جێیەکی دیکە , ھەموو ئەمانەش بۆ بەدەست ھێنانی
بەرژەوەندی تایبەتییە.
مەترسییەکانی
گەندەڵیی:
١- داڕمانی گەشەی کۆمەڵایەتی و ئابووری.
٢- ڕوو لە زیادبوونی بەدەر لە چینی ھەژار و ھەژاری.
٣- سست بوون و لاوازبوونی چاودێری تەندروستی.
٤- تێکدان و بازرگانی بە خوێندن , واتە تێکچوونی ڕەوشی فێرکردن بە گشتی.
٥- ڕووخانی دیمووکراتییەت.
٦- زیادبوونی نایەکسانی و ستەم لە نێو کۆمەڵگە.
ئەمانە کاریگەر و خراپییەکانی
گەندەڵیین لەسەر تەواوی وڵات لە چینی ھەژار
و بی دەسەڵاتەکان وەک ئەیبینین لە عێراق و کوردستان بە تایبەتی کێن ئەو
چینانەی زەرەرمەندی ئەم دۆخەی ئێستان کە ھەژارانن.
بەڵام بۆ قەڵاچۆکردنی
گەندەڵیی پیویستە ئەم کارانە ئەنجام
بدرێ:
١- چاکسازی سیاسی کە ھەموو بەشە داراییەکانی حزبەکان و ھەلبژاردنەکان
بگرێتەوە.
٢- چاکسازی ئابووری , ڕێکخستنەوەی بازار و کەرتی دارایی,
٣- چاودێری دارایی , بوودجە , وە ڕێکخستن و ئامارکردنی ڕاپۆرتەکان.
٤- سەرپەرشتی گشتی لەلایەن دەزگای ڕاگەیندنەکان و پەرلەمان و , وە
کارمەندەکانی ناوخۆیی و بەشی تۆمارکردن.
٥- بە ئازادی گەیشتن بۆ زانیارییەکان و داتاکان واتە ڕێ یان پێبدرێت
بەدووای زانیارییەکانیان بڕۆن.
٦- پاراستنی یاساو ڕێساکانی وڵات.
٧- بەرەو پێش بردن و بەھێز کردنی یاساو ڕێساکانی دادوەری.
٨- چاکسازی ڕێکخراوەیی واتە سیستەمی باج و گومرگەکان و بەڕێوبەرایەتی
گشتییەکان.
٩- شارەزاکان و ڕێکخراوەکانی کۆمەڵگای مەدەنی واتە ئەو ڕێکخراوانەی
سەربە حکوومەت نین.
زۆربەی کێشەکانی کوردستان لە بەسەرھاتەکانی ڕابردووەوە بۆمان ماوەتەوە
بۆ نموونە کێشەی کەمی کارو کەسابەت و ستەم کردن کە ئەمەش بە چەند
سالێکی پێشتر خڕبۆتەوە بەڵام شتێکی تریش بەرچاو ئەبێت و درکی پێ ئەکرێت
بە گشتی و بە بۆچوونی خۆم ئەویش لەبارەی دۆخی ئێستایە لە کوردستان
مەسەلەی مووچەو بێ پارەیی وە ئیش کەم بوون یان بە زەحمەت دەست کەوتنی
ھەمووی کاری چەند کەسێکی حزبەکانە لەبەر کورسی و پارەو خەڵک برسی کردن
پەنا دەبەنە بەر ھەر شتێک بەس بۆ ئەوەی دەسەڵاتیان بمێنێت وەک لە
رابردوو زۆریان لێ بینراوە ھەر ماوەیەک و بە قەیرانێک میللەت سەرقاڵ
ئەکەن سەیر لەوە دایە خەڵک روحی و دڵی وا ئەتەقێ ئینجا ئەوانیش بی باکن
لە گەرمەی کێشەکانی کورسی و مووچە دێن قاقای پێکەنین بەسەرمان ئەڕیژنن؟؟!!
لە کاتێکیش میللەت بیەوێ داوای مافی خۆی بکات ئەوە دەسەڵات پێی ناخۆشە
( دەسەڵات مەبەستم ئەو چەند کەسەی حزبەکانە) ئەوانەی گاڵتەیان بە ھاوار
و برسێتی خەڵک دێت بەداخەوە ھەندێ کەسانی حزبی و دە سەڵات بە دەست
فەرزی ھێز و باوەڕی خۆیان و بەرژەوەندی تاکێتیان بەسەر ئەم میللەتە
ئەکەن.
ھەرچی گەشبینییەک نابینرێت تاوەکو ئێستا بەڵام بە ھێوای ئاسایی
کردنەوەی دۆخەکەین لەڕووی مووچەو ئابوری و سیاسی وە خۆشویستنی یەکتری
لە پێناو پێکەوە ژیان و بەر قەرار بوونی ئاشتییەکی سەرتاسەری لە نێوان
کوردەکان بە تایبەتی لە ناوخۆش وە لە بەر خوێنی شەھیدەکان با وڵات و
میللەتمان لەوە زیاتر نەڕەنجێن وە نیشتمانەکەیان جێ نەھێڵن و گەنج و
مناڵمان نەوەی پێشخستنی کوردستانمانن بەسە ئیتر ناکۆکیتان.
haymanrashidissa@yahoo.com
|
