٣٠\٨\٢٠١١

گووی تێمەکە.

فه‌رهاد که‌ریم     

(لە دەوت ریم، لە دەوی خۆت و بابت ریم، لە دەوی خۆت و باب و باپیرت ریم) خۆ لە شیعریش دەچێ، یەک تۆز بڕۆم دەبێتە شیعریش، بەڵام با بە لای شیعره‌وە نەچم با شاعیرانیش تووڕە نەبن لێم، هەتا دەستم بە گوونووسین نەکرد نەمدەزانی ریم بە واتا گوو، دەو یان دەم لە بری ئەو ئاودەستەی خۆت حەزت لێیە، رۆژانە ئەو جنێوانەم لە دایک و خوشک و ژنانی گەڕەک دەبیست. خۆ منیش لە کۆن کۆنترم، گووم کردە ئەمرۆ و سبەشم، من وای بۆ دەچم رۆژگار و ژیانمان گووە و گەر ئێوەش لێینەڕین من لێیدەڕیم.. گەر بە دواداچوونێک بۆ (لە دەوت ریم) بکەین، دەگەینە دەرئەنجامێک و چارەسەرێکی زۆر سەردەمیانەش بۆ سەرئێشە و هەژاریی و برسیەتی و یەکسانییش، خوێندنەوەش هەیە دەڵێن چۆتە ناو دەستووریش، هەواڵێکی دلخۆشکەرە و گووم کردە دەستووریش..

 
بەیانیان بە هاوکارەکەم ناڵێم (بەیانیت باش) هەر لەبەر ئەوەی دەمەوێ گوێم لە وەڵامدانەوەیەکی راستگۆیانەتر بێ، کردیتمە خوو و یەژم:
- (چۆنی هاورێ).
+ گوو گووم.

ئەو وەڵامه‌ مۆسیقایە و وزەشە بۆ ماندوێتیم، پەیامێکیشە بۆ کۆیلەبوونم.. زووتر لە نیشتمان لەگەڵ هاوڕێ و هەڤاڵانمان (نا) نەبادا گووەکە خەستتر بێ و گووبارین بکرێم، له‌گه‌ڵ برادەرکانم بارودۆخەکەمان کە گووبەگوو بوو، ئێمەش گووی تێکە و هەگبەیەکیترمان لە نەزانین و ساویلکەیی و پاکیی خۆمان دەخستە سەر گووی بە گوومان، ببوورن له‌گه‌ڵ ئێوەم نییه‌ قارەمانەکانی دوێنێ و گووکەرە بەڕێزەکانی ئەمڕۆمان..

لەو ولاتە ئەو گۆتەیە زۆر باوە و دەڵێن: (لەو شوێنەی لێیدەخۆی لێینەڕی)، بەو واتایە دێ، لە شوێنێک کار دەکەی گانگانۆکێی لێمەکە، بە ئەدەبانەتر له‌سه‌ر کار سێکسبازیی مەکە، دوایی پێتدەڵێن ئەو گووە چییه.. گووی کوڕی گووی؟ لە ولاتی من واتای زیاتریش دەدا.. تا پێتدەکرێ گووی تێکە، هۆش و گیرفانیشت و نیشتمانیش پڕ لە گوو کە، گەر گوو نەبی کەس حیسابی گووشت بۆ ناکا، یەک نەوە بە رێوەیە هاوڕێ و هەڤاڵه‌کانمان بە گووکردن و گەندەڵیی پەروەردەیان کردوون، رقیان لە شیعر و ئەشق و گوڵه‌ و جوانی ناناسن.. باوەڕ ناکەم هیچ نەتەوەیەک هێندەی ئەمەریکییه‌کان وشەی گوو بەکاربێنێ، ئەو وشەیەم رۆژانە گوێ لێدەبێ.. لە کار و لە فیلمه‌ سینەماکانیشیان تژییە لە گۆتە و وشەی گوو، ئەوەش ئەوە دەسەلمێنێ کە راستگۆن و فشەفش و پۆزلێدان نازانن بۆ ئەوەشە نە سەرۆک و نە حوکمەتیش نه‌وێرن گوو لە ژیانیان کەن، ئەو گەلە وا پەروەردە کراوە هەر کێی زیاد بڕوا گووی دەرخوارد دەدەن، نەک وەک ئێمەی بێ بەها و نیشتمانێکی پڕ لە پینەوپەڕۆ و سووک و هەرزان و تڕۆ، هەر وەک باوکیشم هەر شتێک عەقلی نەیگرتبا یا بە دڵی نەبایە دەیگوت (دە گووی تێکە).. زۆر جاران دەڵێم با خۆم فرێدەم و بەلکو لە شوێنک دەکەومە عاردی و گووکردنی تێدا نەبێ و بڵێم ئۆخەی.. نەڵێم گووی تێکە، ئیدی بڵێم گووی تێمەکە، با بەر نەفرەتی گوو نەکەوین.....

ماڵپه‌ڕی فه‌‌رهاد که‌ریم