په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢\٨\٢٠١٢

هاوڵاتى بەڕێز: ئاو سامانێکى نیشتمانیی گەورەیە با بەفیڕۆى نەدەین، بەڵام نەوت قەیناکە.

هیوا رەش        


ئەمجارە ناونیشانى بابەتەکەم هى خۆم نیە و بەڵکو لە دروشمى بەڕێوەبەرایەتییەکانى ئاو سەرچاوەى گرتووە، پێموایە دروشم و ئامۆژگارییەکى زۆر جوانە، ئەگەر بێت و هەرکەس و ماڵێک پیادەى بکات بێگومان کەمئاوى و وشکەساڵى کاریگەرییەکى ئەوتۆى لەسەرمان نامێنێ و هیچ دەڤەر و ناوچە و شار و شارۆچکە و گوند و گەڕەک و ماڵ و کەسێک بێئاوى تەنگى پێهەڵناچنێ، بۆیە ئەرکى سەرشانى هەمو هەوڵاتییەکە پابەندیى بکا، هەروەک چۆن پابەندیى بەفیڕۆ نەدانى ئاو ئەرکێکى نیشتمانى گەورەیە، لە هەمان کاتدا داواکارم دەسەڵاتداران هەر ئامۆژگاریکەر نەبن و گوێ لە ئامۆژگارى هاوڵاتییانیش بگرن.

من وەکو هاوڵاتییەک ڕوى دەم لە دەسەڵاتداران دەکەم و دەپرسم: ئایا تەنها ئاو سامانێکى نیشتمانى گەورەیە یان نەوتیشششش؟ دەسەڵاتداران ئامۆژگارى ئێمە دەکەن تا ئاو بە فیڕۆ نەدەین و ئێمەش ئامۆژگارى ئەوان دەکەین نەوت بە فیڕۆ نەدەن، چونکە نەوتیش سامانێکى نیشتمانى و نەتەوەیى مەزن و گەورەیە.

جا ئەگەر نەوتى خۆمان بۆ خۆمان بوایە و بە دادپەروەریى داهاتى نیشتمانى بۆ گیرفانى خەڵک بوایە و حیزب لوشى نەکردایە، بە دڵناییەوە ئەوسا سوپاى شەقوشڕى بەغداشتان بۆ خۆمان جێهێشتایە و بێئەوەى پێبزانن پەڕوباڵمان دەکردن و دەسکەوتەکانیشمان دەهاویشتە خەزێنەى وەزارەتى پێشمەرگەکانى ئێوەوە.

 

ماڵپه‌ڕی هیوا ره‌ش

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک