په‌یوه‌ند خه‌یام

به‌رله‌وه‌ی ببی به‌ دایکی کۆرپه‌یه‌ک و

بێشکه‌ی ساواکه‌ت راژینی

ناویکی پیرۆزی بۆ وه‌دۆزه‌

تا به‌ سۆزه‌وه‌ بیلاوینی

ناوی بنێ قه‌ندیل تا وه‌ک هه‌ڵۆکانی

ئه‌و ده‌ڤه‌ره‌ به‌ جه‌رگ بێ

هه‌ڵگری ناسنامه‌ی که‌رامه‌ت و

پێشمه‌رگه‌ی دڵسۆزی هه‌ر چوارپارچه‌ بێ

هاوسه‌ره‌ چاوگه‌شه‌که‌م

تۆ ببه‌ به‌ دایکی قه‌ندیل و منیش به‌ باوکی

پێکه‌وه‌ ده‌ستی ده‌گرین

ده‌یبه‌ین به‌ره‌و قوتابخانه‌ی کوردایه‌تی

تا به‌ ئارێش وپه‌رۆشه‌وه‌ فێربێ بنوسێ

ووڵاتی من کوردستانه‌

لوتکه‌ی به‌رزی چیای قه‌ندیل زه‌نده‌ق به‌ری

بێگانه‌و دوژمنانه‌.

سوید