٢٨\٨\٢٠١٠

به‌ یارمه‌تی کاک بیلال.

هیچ که‌سێکی دڵسۆزی هونه‌ر و کایه‌ رۆشنبیرییه‌کان حه‌ز به‌وه‌ ناکا و نایه‌وێ هونه‌ری میلله‌ته‌که‌ی مامه‌له‌ی پێوه‌ بکرێ، وه‌لی له‌ سایه‌ی لایه‌نه‌ به‌رپرسه‌کانی نێو ده‌سه‌ڵاته‌ گه‌نده‌ڵه‌که‌ی کوردستان هونه‌ریش وه‌ک هه‌موو بواره‌کانیتر له‌نێو گه‌نده‌ڵییدا نوقم بووه‌، فه‌رموون خۆتان له‌و بابه‌ته‌ی کاک بیلال ببینن که‌ چۆن کۆمه‌ڵێک بازرگان یاری به‌ هونه‌ری کوردی ده‌که‌ن و بزانن ئاستی هونه‌رمه‌ند و میوزیککاره‌کانمان له‌ کوێییه‌ و هه‌روه‌ها دادوه‌ر و دادوه‌ریی کوردستان له‌ چ ئاستێک دان‌.. ئه‌گه‌ر یاسا و رێسا و دادوه‌رییه‌ک رێگه‌ی خۆش نه‌کردبێ کاربه‌ده‌سته‌ گه‌نده‌ڵه‌کانی وه‌زاره‌تی رۆشنبیریی و دزه‌ هونه‌رییه‌کان به‌ ئاسانیی به‌ سه‌دان هه‌زار یۆرۆ بدزن ئێستا هه‌رگیز ناچار نه‌ده‌بوون سزای به‌ هه‌زاران یۆرۆ له‌سه‌ر دزینی سیناریۆی گۆرانییه‌ک به‌سه‌ر گه‌نده‌ڵکارێکدا بسه‌پێنن، سه‌یرکه‌ن چۆن ئه‌و بڕه‌ پاره‌ بێ شوماره‌ له‌نێو گه‌نده‌ڵکاران مامه‌ڵه‌ی پێده‌کرێ که‌چی له‌و لاوه‌ به‌ هه‌زاران خێزان بێ خانوو و بێ کاره‌با و بێ ئاو و بێبه‌ش له‌ هه‌موو مافه‌ سه‌ره‌تاییه‌کان ژیانیان ده‌گوزه‌رێنن و به‌ ده‌یان کێشه‌ی وه‌ک تیرۆری سۆران و سه‌رده‌شت و به‌ هه‌زاران کێشه‌ی باری که‌سیی - که‌ لێکۆڵینه‌وه‌ و به‌دواداچوونیان حیزب و خێل و بنه‌ماڵه‌ ده‌سه‌ڵاتداره‌کان له‌که‌دار ده‌که‌ن - هه‌ڵپه‌سێردراون و دادگا و دادوه‌رییش ملکه‌‌چانه‌ مته‌قیان له‌خۆیان بڕیوه‌!

                                                                - ئه‌مڕۆ -

--------------------------------------------------------------------------------------------------------------------------------------

هەڵکەوت زاهیر و کۆمپانیاکەی

لە دادگای هەولێر به‌ بڕی هه‌شتا هه‌زار یۆرۆ سزا دران!

ئامادەکردنی: بیلال سەنگەسەری

دوا بە دوای ئەوەی کە هەڵکەوت زاهیر ئاواز ی بۆ هونەرمەند باخان دانا لە ساڵی2009 دواتر لە لایەن دەرهینەر و کامیرا مان (بڕوا تەها) کاری دەرهینان و وینەگرتی بۆ گۆرانی شێتی باخان کرد، دواتر بە هۆی چەند هۆ کاریک کلیپی شێتی هونەرمەند باخان ڕاگیرا، دوای ئەوەی ساڵیک بەسەر ڕاگیرانی کلیپەکەدا تێپه‌ڕ بوو، هەڵکەوت زاهیر ئاوازی هەمان گۆرانی دا بە لۆکە زاهیر دواتر هەمان سیناریۆی هونەرمەند باخان لە کلیپەکە بەکارهات ، لیرەدا بیرۆکەکەی بڕوا تەها درا بە لۆکە زاهیر بە بێ رەزامەندی هونەرمەند( باخان و دەرهینەر بروا تەها).

دواتر دەرهینەر بڕوا تەها لە رێگەی هەردوو پاریزەر (جەبار عه‌بدوڵڕه‌حمان و قاسم عه‌لی سورچی) و داوای یاسایی لەسەر کۆمپانیای شانیا موسیک و هەڵکەوت زاهیر تۆمار کرد. لە دادگای باری کەسێتی هه‌ولێر، دوای ئەوەی پاریزەرانی بروا تەها چەندین جار بانگهیشتی هەڵکەوت زاهیر یان کرد ئامادەی دانیشتنی دادگا بیت بەڵام بێ سوود بو. دواتر لە ڕێکەوتی 23/8/2010 هەڵکەوت زاهیر شەش پاریزەری گرت بۆ بەرگری لەخۆکردن ، بەڵام بێ سوود بوو و دادگای باری کەسێتی هه‌ولێر، بریاری کۆتای خۆیدا و هەڵکەوت زاهیری بەڕێوەبەری کۆمپانیای (شانیا موسیک)ی بە بڕی هەشتا هەزار یۆرۆ سزا دا، دادگا مۆڵەتی داناوە بۆ هەڵکەوت زاهیر کە دەبیت تاکو بەرواری (25/10/2010) ئەم بڕە پارەیە بدریت بە دەرهینەر بروا تەها . بە مەبەستی قەرەبووکردنەوەی دەرهینەری ناو براو، کە لە کلیپی شێتی لۆکە زاهیر، هەڵکەوت زاهیر سیناریۆی بروا تەهای بەکارهیناوە و کردوویە بە موڵکی خۆی ، کە ساڵی پار دەرهینەر بڕوا تەها بۆ هونەرمەند باخانی ئامادە کردبوو.

 
لە پەیوەندیەکی تەلەفۆنیدا پاریزەری بەڕێز (جەبار عه‌بدوڵرەحمان) بەم جۆرە هەواڵەکەی پیشتڕاست کردەوە، فەرموون با گویبیستی پارێزەر ببین:

http://www.youtube.com/watch?v=OOzCBF_DmiA

 

Kur_music@hotmail.co.uk