|
١٧\٥\٢٠١٢
هەموو
رەسەنێک.
کامیل ژیر
لە هەر مەودا و
بوارێکا
بەری سروشت
بەری رەنجی هەموو گیانێ
هەیە ئاسا
هەیە
زەبەن
هەیە دەگمەن
وەکو گوڵزاری بەهاران
گەش و ئارا
کەچی جۆری لەپێشتریان
چڵێ گوڵی درێژتەمەن
توخم رەسەن.
* * *
بە بازاڕی
هەرە باوی وڵاتانا
گەلێ گەڕام
نەگونجام و
وچانێکم نەدا بێخەم
هەمیشە وێڵ و کارابووم
نەسرەوت و بە بێ ئارام
لەدووى
سۆزى
کەلاوەکەى
وڵاتەکەم.
* * *
مەلی تینووم
بەرەو دواوە
لە باڵیدا
نەنیشتەوە
هەتا کەناری نیشتمان
رەوی یەکتەن
دەنووکی نایە کانیەکەى
نزیک گوندی دەمی لاویم
وتی ئۆخەى
بەهەشتی جوان
نەواى رەسەن.
_____________________________
فەرهەنگۆک:
رەسەن:
(اصیل).
ئاسا:
(معتاد).
زەبەن:
زۆر، (وفیر).
دەگمەن:
(نادر).
ئارا:
رازاوە،
(متزین).
باو:
(مودێرن)،
(مرغوب).
یەکتەن:
بەتەنیا، (منفرد).
نەوا:
(لحن)،
(ثروة)،
(موطن).
ماڵپه‌ڕی کامیل ژیر
|
