٢٩\١١\٢٠٢٠

    هەموو شت و هەموو کەس.

هۆزان ئیسماعیل کەریم

رەشەبا و تۆفان و شەماڵ هەڵیکرد
من بیرم لە تۆ دەکردەوە
جەنگ دەستی پێکرد و
تەرمی ساردی سەبازەکانیان بە ریز ھێناوە
من بیرم لە تۆ دەکردەوە
گیا شین بوو بەھار ھات دونیا ئاوەدان بوو
من بیرم لە تۆ دەکردەوە
زستان ھات و مار و دووپشک چوونە سووڕی متبوونەوە
من بیرم لە تۆ دەکردەوە
خۆپیشاندان کرا و زۆر خەڵک گیران
من بیرم لە تۆ دەکردەوە
پاشا مرد و کوڕەکەی لە جێگای خۆی دانا
من بیرم لە تۆ دەکردەوە
تاعوون ھات و نیوەی مرۆڤی کوشت
من بیرم لە تۆ دەکردەوە
لە سەفەر و لە پیاسەدا
لە تێرامان و بیرکردنەوەدا
لە تەنیایی
لە بێکەسیی
لە موفلیسیی
من بیرم لە تۆ دەکردەوە
عیزرایل ھات و قوڕگی گرتم
کەچی منی بێباک
ھەر بیرم لە تۆ دەکردەوە
بیر بکەوە
بیرکردنەوە لە تۆ چۆن لێم بۆتە ھەموو شت و ھەموو کەس!

٢٨\٥\٢٠٢٠
ismael.hozan@gmail.com