|
هه‌شتی مارس لەسلێمانى بە مەراسمى شکۆدار
بەرز ڕاگیرا .
پاش نیوەڕۆى 8ى مارس لەپارکى ئازادى شارى سلێمانى بەبەشدارى جەماوەرێکى
فراوان لە خەڵکانى یەکسانیخوازى شارى سلێمانى و کۆمەڵێک لە
یەکسانیخوازانى دەربەندیخان و سەید سادق
کەلەشوێنەکانى خۆیانەوە بۆ بەرز ڕاگرتنى ئەو ڕۆژە رێگاى دوریان بڕیبوو
لەلایەن کۆمیتەى پێشوازى لە 8ى مارسەوە بەمەراسیمێکى شکۆدار یادى 8ى
مارس بەرز ڕاگیرا .
سەرەتاى مەراسیمەکە (
ئاواز محه‌مه‌د ) کە
مەراسیمەکەى بەڕێوە دەبرد
بەخێرهاتنى ئامادەبوانى کرد
و پاشان بە سروودێک
لە لایەن هونەرمەند
(نەجم محەمەد)ەوە
بەرنامەکانى دیکەى مەراسیمەکە دەستى پێکردو بەیاننامەى یەکەمى کۆمیتەى
پێشوازى لە 8ى مارس لەلایەن
(ئاکۆ خەلیل)ئەندامى کۆمیتەى
پێشوازى لە 8ى مارس خوێندرایەوە و دواى پارچەیەک موزیک
(هەستیار)ى
شاعیر پارچەیەک هۆناراوى پێشەشکرد کە بۆ8ى مارسى نووسیبوو
، پاشان وتارى کۆمیتەى پێشوازى لە8ى مارس لەلایەن
(کاروان نەجمەدین)ەوە
پێشکەش کرا .
دواى چەند شیعارى یەکسانیخوازى و گۆرانیەک پارچەیەک هۆنراوە بەزمانى عەرەبى
لەلایەن (بەهرە
محه‌مه‌د)ى شاعیرەوە کە بۆ 8ى مارسى
نووسیبوو
خوێندرایەوە ، دواى خوێندنەوەى پەیامى
(حیزبى کۆمۆنیستى کرێکاریى چەپى عیراق)
و (کۆمەڵە ڕێکخراوى
کوردستانى حیزبى کۆمۆنیستى ئیران)
(پشتیوان
کەریم)
پەیامێکى خوێندەوە کە داوایەکى هەنوکەیى لەخۆگرتبوو
بۆ پاراستنى ئەمنیەتى ژنان لە شارەزور . شایەنى باسە لە شوێنى
مەراسیمەکە هەردوو (
محه‌مه‌د قەمەرى تەبەسى و ئەسعه‌‌دى
شه‌‌قایقى ) بە نوێنەرایەتى کۆمەڵێک
لە زیندانیانى سیاسى زیندانەکانى (گەوهردەشت)ى
کەرج و (زیندانى ئەوین)
ى تاران پێشانگایەکى وێنەییان کردبۆوە کە دەلالەتیان لەو تاوانە
گەورانە دەکرد کە جمهوری
ئیسلامى ئیران دەرهەق بە
ژنان و پیاوانى
ئازادیخواز دەیکات .
پاشان داخوازیەکانى 8ى مارسى ئەمساڵ وەک خواستێکى هەنوکەیى خوێندرایەوە
کەبریتیبوون لەمانەى خوارەوە :
1-
دەبێت یاساى بار کەسێتى لەکوردستان هەڵبوەشێتەوە و لەجێگایدا
یاسایەک دابنرێت کە یەکسانى هەمەلایەنەى ژن و پیاو فەراهەم بکات .
2- ئەنجامدەرانى
هەرجۆرەتوندوتیژیەک بەرانبەر بەژنان یان بەکەم ناوبردنى ژنان دەبێت
بەپێى یاسا ئیجرائاتى توندى لەگەڵدا بکرێت
3- دەبێت 8ى مارس ڕۆژى
جیهانى ژن بکرێتە پشوى ڕەسمى .
4- هەرجۆر فشارێک لەسەر
ژنان بۆ پۆشینى حیجاب بە زۆر پێشێلکردنى مافى مەدەنییە و دەبێت بەپێى
یاسا ڕێگەى لێبگیرێت.
پاش خوێندنەوەى ئەم
داواکاریانە مەراسیمەکە بە وتنەوەى شیعارى یەکسانیخوازى لەناو
شۆروشەوقى ئامادەبواندا کۆتایى هات .
کۆمیتەى پێشوازى لە هه‌شتی مارس
هه‌شتی مارسى 2008
|
