حکوومەتی هۆڵەندا ئیدانەی هێرشی بەعسیەکان بۆ سەر خەڵکی قامشلو دەکات.

 

پاش ئەوەی هەفتەی ڕابردوو شاندێکی پارت و ڕێکخراوە کوردیەکانی باشووری ڕۆژئاوا ، کە ناوەندی چاکیش لایەنێکی بوو ، سەردانی پەرلەمانی هۆڵەندایان کرد ، نامەیەکی ناڕەزایەتیان دا بە پەرلەمانی هۆڵەندی لە سەر ڕەوشی کورد لەو بەشەی کوردستان بە گشتی وە ڕوداوە خوێناویەکانی نەورۆزی شاری قامشلو بە تایبەتی .

ئێستا لە ڕێگەی کاک یونس گۆران ئەندامی چالاکی پارتی سۆسیالستەوە زانیمان ، لەڕێگەی پارتی سۆسیالست ڕێزدار هاری ڤان بۆمڵەوە داوا لە وەزیری دەرەوەی هۆڵەندا کراوە ، کە ئەو تاوانەی لە ڕۆژی نەورۆز لە شاری قامشلو ڕویدا بەرامبەر بە نەتەوەی کورد ئیدانە بکرێت ، حکوومەتی هۆڵەندا و وزارەتی دەرەوەی هۆڵەنداش بە فەرمی ئیدانەی ئەو تاوانەی کرد لە شاری قامشلو لە ڕۆژی جەژنی نەورۆز دژ بە کوردستانیان ئەنجامدرا .

لێرەوە ناوەندی چاک سوپاسی خۆی ئاراستەی پارتی سۆسیالست بە گشتی وە بەڕێز هاری ڤان بۆمڵ دۆستی بە ئەمەکی نەتەوەکەمان و کاک یونس گۆران دەکات .

ناوەندی چاک- کۆمیتەی هۆڵەندا
16-4-2008
www.chak.be
www.chaknews.com