هونه‌رمه‌ندا ده‌نگخۆش نازک ''هه‌ر ئه‌ڤینێ'' پێشکه‌ش دکه‌ت.

ئاماده‌کرنا: سه‌میر نزاری

هونه‌رمه‌ند نازک د ژیێ خوه‌ی ١٩ سالیدا کاریه‌ ده‌وره‌کی باش ب بینه‌ و ب ستایله‌کی تایبه‌تێ خۆ سترانا کوردی زه‌نگین تر بکه‌ت‌ ،هونه‌رمه‌ند نازک سێدێ یا خو یا نوو " هه‌ر ئه‌ڤینێ" بۆ بلاڤ کرنێ ئاماده‌ کریه‌.

نازک د داخویانیه‌که‌ تایبه‌ت بۆ هه‌رمان گۆت: سوپاس بۆ وه‌ براستی ئه‌ڤ ده‌مێ زێتر ل ساڵه‌کێیه‌ ئه‌ز مژولی ئاماده‌کرنا ئالبوما خوه‌ یا نومه‌ نها هه‌ر تشت ته‌مام بویه‌ و ئه‌ز ل سه‌ر چاوانیا بلاڤ کرنا وێ مژارێن خوه‌ ده‌گه‌ل کۆمپانیێن بلاڤکرنێ به‌رده‌وام دکه‌م. ئالبوما من ژ ١١ تراکان پێک تێ و ناڤێ وێژی "هه‌ر ئه‌ڤین"ه‌ کاڕی تۆمارکرنا ده‌نگێ ژ هه‌ولێڕێ ژلایێ ستۆدیۆیا سه‌رهه‌نگ ئاکریی هاتیه‌ کرن و تایتڵ و به‌رگێ وێژی دێ ل ترکیا چێ که‌م.

ئه‌و مامۆستایێن ل ئاماده‌ کرنا ته‌کست و ئاوازان ئالیکارایا من کرنه‌ ئه‌ڤه‌نه‌: عه‌بدولقه‌هار زاخۆیی، یوسف ره‌مه‌زان، سه‌میر نزاری، بورهان زێباری، فه‌وزی دۆسکی، سه‌میر عەبدولا، رێناس ئاکره‌یی، هه‌روه‌ها من ل به‌ره‌ چه‌ند سترانه‌کان ژ ڤی به‌رهه‌می بکم کلیب".

سه‌باره‌ ب ڕه‌وشا بلاڤ کرنێ نازکێ گۆت: هه‌تا نها من دیار نه‌کریه‌ کانێ ئه‌ز به‌رهه‌مێ خوه‌ ژ کیژان کۆمپانیا بڵاڤ کرنێ بلاڤ بکه‌م چونکی براستی هونه‌رمه‌ند ل لێره‌ ئاریشا بڵاڤکنێ هه‌یه‌ ئه‌وژی لبه‌ر وێ چه‌ندێیه‌ کو ئه‌م پاره‌کی زۆر ل به‌رهه‌مێ خوه‌ سه‌ره‌ف دکن و ئه‌و پاره‌ دچیت و‌ مرۆڤ نکاره‌ ب ساناهی به‌رهه‌مه‌کی دی ئاماده‌ بکه‌ت ژبه‌ر کو کۆمپانیا ئه‌و پارێ هونه‌رمه‌ند ژ به‌رهه‌مێ خۆ خه‌رج دکه‌ن نادنێ ، و ژ لایه‌کی دی مه‌سه‌لا کۆپی کرنا به‌رهه‌مان ژی پرۆبلمه‌کا مه‌زن چێکریه‌ کو هونه‌رمه‌ند نکاره‌ ب هونه‌را خوه‌ بژیت و به‌رده‌وامیێ بده‌ هونه‌را خوه‌ و هه‌رده‌م کارێن نو بکه‌ .

هیڤیدارم کو ئه‌ڤ پرس ‌ وه‌رن چاره‌کرن و هونه‌را کوردی به‌ره‌ف پێش بچه‌ دا ئه‌مژی وه‌ک هونه‌رمه‌ند بکارن خزمه‌ته‌ک جوانتر پێشکێشی گه‌ل و وه‌لاتێ خوه‌ بکن.

 

semir_derbutki@hotmail.com