١١\٤\٢٠١٣

    ژانی تەمەن.

هۆگر

پڕژانی وێنەی‌ شێواوم وه‌سه‌ر‌ روخسارم
     سپییبوونی داوه‌‌ مووه‌کانی پرچم
         گومانی بێزارییم، له‌ خۆم و که‌ون و ئه‌و و ...!
له‌ کونجی ژوورێکی ئاکار شێواودا
                             دژ به‌ ژیان ده‌وه‌ستم..
شادمانییم وه‌‌ چی بێ

گه‌ر خاڵیی بم له‌ شادیی ژیان و
     یاده‌وه‌رییە‌کان بده‌مه‌ ده‌ست

                      قه‌ده‌ری نه‌زۆکی ئه‌وێ رۆژێ..
ژوورێکی تاریک و ده‌نگ پۆشراو..
رامانی قووڵ و تاریکی شه‌وی ئاوێته‌ی یه‌کتر کردوه‌..
قریوه‌ی توورگه‌ بێ ناز و بێ لانه‌کانی

                 قه‌د ته‌لان و بانان
                 ده‌بنه‌ لێکترازانی نێو ئاوێته‌ییمان.
ئای که‌ بێزارم له‌ خۆم
             له‌ بوونی خۆم
                    له‌ حه‌سانه‌وه‌ و رامانی خۆم..

ناتوانم.. نا
         ناتوانم بدوێـم...
                  ناتوانم بخۆمه‌وه‌...
                           ناتوانم بنوووووووم؟

hogrmohssin@gmail.com