|
|
|
کاره‌ساتا یه‌کێ شیاتێ و کورته شرۆڤه‌یه‌ک..
سیامه‌ند هاریکی
کاوێزئاغا ژبه‌ر چ دقیڕیی..و ..د تنگژی و ب ده‌نگێ زه‌لالێ خوه هه‌واردکر..کورد خائینه.،،
دناڤ سترانبێژین کوردان دا ،بتایه‌تی ژی یێن ب کرمانجی یا ژووری دسترین، ده‌نگێ کاویز ئاغایی .. پتر ژ هه‌موویان د جڤاکا مه‌دا یێ ب باندور مایی ،،سترانا شێخ مه‌حموود و گه‌نج خه‌لیل، بلندبونا هه‌ستا نه‌ته‌وی ل نک کاویز ئاغای نیشاندده‌ن..... د شۆره‌شێن رزگاری یێن یا کۆردستانێ دا، شۆره‌شا دبن ڕێبه‌ری یا شێخ مه‌حمودێ نه‌مر دا، مۆرا خوه یا ل دیرۆکا گه‌لێ کۆرد خستی......حنێرا هه‌ری مه‌زن ژی د وێ شۆره‌شێ دا و جۆداهی یا وێ دگه‌ل شۆره‌شێن دی یێن گه‌لێ مه دا ئه‌و بوو،.. کۆ شێخ مه‌حموودێ نه‌مر د ڕۆژێن ڕه‌ش دا،.. د سه‌نگه‌رێن پێشیێ یێن شه‌ری دا جیێ خوه دگرت و ب دژواری ژی بریندار ببوو...هه‌وار و گازی و گازندێن نه‌مر کاویز ئاغا ژی ژبه‌ر دژواری یا وان برینان بوو... ژبه‌ر نالیێن وان برینداران بوو،ده‌مێ هه‌وارێن خوه د گه‌هاندنه گه‌لێ کۆرد و دگووت... کۆرد خائینه..... چۆنکی گه‌له‌ک خۆفرۆش و خائینێن کۆردان، ببونه تاژیێن داگیرکه‌رێن ئنگلیز و شۆفینیێن عه‌ره‌ب و پر ب هه‌رزانی خوه فرۆتبوو و شه‌ر ل دژی میرێ کۆردان و شۆره‌شا وی دکر...خیانه‌ت پیشه و کارێ وان یێ سه‌ره‌کی بوو... د سترانا گه‌نج خه‌لیل دا،..زۆرده‌ستی و بێ به‌ختی یا تۆرکێن ئۆسمانی ل هه‌مبه‌ر گه‌لێ کۆرد دده‌ته خۆیاکرن و باوه‌ری و قیرین و هه‌وارێن حه‌فسه‌دێ پیرۆز دبینه و ب ده‌نگێ بلند د لۆرینه....ده‌مێ دبێژیت ئه‌ز یا ئاماده‌مه که‌زی و بسکێن خوه ببرم، که‌مه‌ر و گۆهارێن حه‌یده‌ری بحه‌لینم، داکۆ هه‌سپێ گه‌نج خه‌لیل .ب که‌یفا خوه پێ کارکه‌م و ب خه‌ملینم..... ژ وێ پێڤه‌تر ژی دبێژیت ئه‌ز یا.. ئاماده‌مه کۆ خوه بکه‌مه ماهینه‌کا سه‌گلاڤی و خوه دبن گه‌نج خه‌لیل پسمامێ خوه که‌م،، دا ده‌مێ ل به‌رچاڤێن تۆرکێن ئوسمانی دا ده‌رباز دبه،،،که‌س لۆمه‌یی پسمامێ من نه‌که‌تن و.. نه‌بێژن سییاره‌کێ کۆردێ چه‌ندێ بێ کارۆباره..... هه‌ر که‌سێ ب کویری ڤه‌کۆلینێ لسه‌ر ڤێ سترانێ بکه‌تن، گۆهێ خوه بده‌تێ .. یه‌کسه‌ر دێ بۆ دیاربیتن کو..هه‌ستا نه‌ته‌وی ل نک شۆخه‌کا کۆردا وه‌کی .. حه‌فسه‌دێ چه‌ند یا پیرۆز و بلنده.. د جڤاکه‌کا پاشکه‌فتی یا وه‌ک جڤاکا کۆرد ،..د رۆژا ئه‌ڤرۆ ژی دا و دڤی سه‌رده‌می دا، ئه‌گه‌ر ژنه‌ک یان کچه‌ک وان گووتنێن حه‌فسه‌دێ گووتی بکه‌تن،، دێ وه‌ک گه‌له‌ک ژن و کچێن کۆرد یێن ئیرۆ دهێن شه‌وتاندن و کۆشتن، ب ده‌هان جاران دێ کۆژن و شه‌وتینن... به‌لێ خۆیایه هیڤی و هه‌ستێن پیرۆزێن نه‌ته‌وی یێن.. حه‌فسه‌دێ ژ گه‌ف و شه‌رم و که‌ڤنه‌شۆپیێن جڤاکی ،، گه‌له‌ک بلندتر و ب ڕوومه‌تر دهاتن دیتن.. هێشتا ده‌نگێ زه‌لالێ کاویز..یێ ل چیاو بانیێن کۆردستانێ ده‌نگڤه‌دده‌ت..
بۆ بیره‌وه‌ری یا کاره‌ساتا یه‌کێ شیاتێ..من ئه‌ڤ په‌خشانه شیعره ب سورمانجی ڤه‌هاندبوو :
ده‌هه‌لسه‌وه مامه گه‌ردی بڕۆ سه‌ر گۆره‌که‌ی کاویز ئه‌وه‌ی له مێژه لێمان زیز هه‌سته هاورێ دێ رابه‌وه خه‌می شاره‌که‌م به‌ره‌وه حه‌یران له قورگ قه‌تیسمایه به‌س تکایه......،،،، شه‌ری سه‌رچۆپی نه‌مایه......... مه‌که‌ی جارێکی که بڵێ ی کۆرد خائینه شێخم له چیایێ سۆرداشێ برینداره چ هه‌وار و ده‌رمان نینه....... هۆ هه‌ڤال هو ستران مایه هه‌لسان مایه منیش وه‌ک تۆ خوێن له زامه‌کان نایه وانیش ده‌لێن .. ئه‌مه خه‌لاتی خۆدایه هه‌ڕای مناره‌که‌ی چولی ش چاک گۆرایه هێشتا هه‌ر په‌راسوو خواره هێلانه‌ی دالی تیایه........ که‌ی ئه‌مه له‌گه‌ل حه‌یران یان ژی ستران دا هاوتایه خوه که‌ر نه‌بوویت..//گوێ بگره چون ده‌لێن بکۆژن خه‌زایه ............ ئه‌ی ئه‌نفال و حه‌له‌بچه و عه‌رعه‌ر له هه‌مان سه‌رچاوه نایه ئه‌وانه‌ی ئێمه‌ش.... پیربوون و هیچ فێرنه‌بوون له‌و سه‌ربوور و ئه‌زمۆنایه ده‌بڕۆ زوو پێیان بلێ......... که‌ی عه‌لی و عۆمه‌ر و عۆسمان ...برایی وایه ده‌رگا له‌سه‌ریان والایه............ بۆ خه‌مێکی که هه‌لساندم به زامیکی که خنکاندم....هاورێ خۆزگه شار و وولاته‌که‌م به‌م شێوه‌یه نه‌دیبایه هێشتا بانێک و دوو بایه............ نازانین بۆ کێ بگرین قیژه‌یی ستران ...نۆزه‌یی حه‌یران ئیمرۆ ئاوێته‌بوون ئه‌وان........ ئاویته‌بوون جوێن ئاوێته‌بوو خوێن ئاویته‌بوون ره‌نگ ئاویته‌بوون ده‌نگ شار شاخ شه‌هید شین و شادی سنوور سه‌نگه‌ر حه‌یران ستران به‌ته‌مایی چین...... وه که‌ی ئێوه....ئه‌ی به قۆربان.....
به‌رلین 04.01.2008
|
