٢٩\١\٢٠١٢

کەجەکە، رەخنە لەکۆبوونەوەی ھەولێری پارتە کوردیەکانی رۆژئاوا دەگرێ.

بەھدینان - سەرۆکاتیا کۆنسەیا رێڤەبەرا کجکعێ بال کشاند سەر جڤینا ھن پارتیێن کوردێن سووریەیێ کو ل ھەولێرێ پێک ھات و گۆت؛ “کۆنفەرانسا کو ل ھەولێرێ پێک ھات، تەنێ ھن ئالی بەشدار بوون. ئەڤ کۆنفەرانس پرانیا گەل تەمسیل ناکە. ژ بەر وێ ژی ئەڤ کۆنفەرانس ل ھەمبەری یەکتیا ڤێ پارچەیێ وەکە دەربەیەکێیە و ھەولدانا کوورتکرنا پارچەبوونێیە.” کجکعێ بەردەواما داخویانیا خوە دە گۆت؛ “رایەدارێن ئاکپعێ ژ نونەرێن باشوورێ کوردستانێ رە تەکلیفا “ئەمێ ل ھەمبەری پککعێ ئۆپەراسیۆنەکە بەرفرەھ بدن دەستپێکرن، ئەمێ ڤێ جارێ ژ ڤێ بەلایێ رزگار ببن، ئەم دخوازن ھوون ژی بەشداری ڤێ یەکێ ببن” برنە.”.

سەرۆکاتیا کۆنسەیا رێڤەبەرا کجکعێ د داخویانیا دایی دە نەرازیبوون نیشانی جڤینا ل ھەولێرێ پێک ھات دا و دیار کر کو ئەڤ جڤین تەمسیلا پرانیا کوردێن رۆژاڤا ناکە. کجکعێ گۆت؛ “د ئاخافتن و داخویانیان دە بانگا یەکتیا نەتەوەیی دکن، لێ د پراتیکێ دە ل گۆری ڤێ یەکێ تەڤناگەرن، ئەڤ ھەلوەستەک نە راستە.” ھەر وھا، کجکعێ دا دیارکرن کو رایەدارێن ئاکپعێ پێشنیارا “ئەمێ ل ھەمبەری پککعێ ئۆپەراسیۆنەکە بەرفرەھ بدن دەستپێکرن، ئەمێ ڤێ جارێ ژ ڤێ بەلایێ رزگار ببن، ئەم دخوازن ھوون ژی بەشداری ڤێ یەکێ ببن” ژ ھن رایەدارێن باشوورێ کوردستانێ رە برنە.

سیاسەتا داگرکەرییا کلاسیک ئیفلاس کر.

کجکعێ بال کشاند کو ھەر چەندی خوەستن ب رێیا کۆمپلۆیێن وەکەیا ناڤنەتەوەیی دەست ب کۆنسەپتێن ل ھەمبەری تەڤگەرا تەکۆشینا ئازادیا کوردان کرن، لێ ل ھەمبەری ڤانا تەڤگەرا وانا ھەر کو دچە مەزنتر دبە و پرسگرێکا کورد بریە ئاستا چارەسەریێ. کجکعێ گۆت؛ “ل ھەمبەری ڤێ یەکێ، سیاسەتا دادگەرکەرا کلاسیکا داگرکەریێ کو ئیفلاس کریە ب ھەڤگرتنا ئاکپ-جەمێتا گولەن دەست ب شەرەکە تۆپیەکون ل ھەمبەری تەڤگەرا ئازادیا کوردستانێ کر.”

کجکعێ بال کشاند سەر گۆرێن کۆمی و ھەستیێن ژ بارەگەھا ژیتەمعێیا ل ئامەدێ دەرکەتن و گۆت؛ “ئەڤ ھەستیێن کو ژ بن ئەردێ دەردکەڤن ھەستیێن تەکۆشەر و سەمپاتیزانێن مە نە. داگرکەریا دەولەتا ترکا کو ل ھەمبەری تەڤگەرا مە د شەر دە تو پیڤانێن ئەخلاقی ناس ناکە، گەلەک ئێش و ژان ب مە و گەلێ مە دایە کشاندن. ل ھەمبەری ڤێ یەکێ ژی، ب ئاوایەکە بێوژدانی و نامەردانە ب رێیا چاپەمەنیا شەرێ تایبەت و ئۆرگانێن شەرێ پسیکۆلۆژیک ھەول ددن ل تەڤگەرا مە و گەلێ تاوانبار بکن.”

دکوژن و مە تاوانبار دکن.

کجکعێ بال کشاند سەر سەناریۆیێن ئاکپعێیێن ل ھەمبەری تەڤگەرا وان و گۆت؛ “دەولەتا ترک ل بەر چاڤێ ھەموو جیھانێ جوانێن کورد قەتل کر، و پشتی وێ ژی ب ئاوایەکە نامەردانە گەلێ مە سوجدار دکن و دخوازن ڤێ بوویەرێ ب تەڤگەرا مە رە گرێبدن. ھەر وھا داخویانیێن کو نەھەقیێ ل مالباتێن کورد دکن ددن. ھن کەسێن کو خوە ژ بۆ بازرگانیێ ڤەناکشینن، د ڤان کاران دە تێنە بکارانین. ل ئالیەکێ مە دکوژن، جوانێن مە قەتل دکن، ل ئالیێ دن ژی مە تاوانبار دکن.”

ئاکپ، تەکلیفان ژ نونەرتیێن باشوورێ کوردستانێ رە دبە.

کجکعێ دەستنیشان کر کو ھکوومەتا ئاکپعێ دخوازە زەمینا کۆمکوژیێن نوو ئامادە بکە و گۆت؛ “د ڤان دەمێن داویێ دە رایەدارێن ئاکپعێ ژ نونەرێن باشوورێ کوردستانێ رە تەکلیفا “ئەمێ ل ھەمبەری پککعێ ئۆپەراسیۆنەکە بەرفرەھ بدن دەستپێکرن، ئەمێ ڤێ جارێ ژ ڤێ بەلایێ رزگار ببن، ئەم دخوازن ھوون ژی بەشداری ڤێ یەکێ ببن” برنە. دخوازن د ھەملەیا کۆنسەپتا شەرێ تۆپیەکن و کۆمکوژیێن نوو دە ھن ئالیێن کوردان ژی بەشدار بکن. دخوازن ل ھەمبەری تەڤگەرا ئازادیا کوردستانێ شەرەکە نوو و ل ھەمبەری گەلێ مە ژی زەمینێ کۆمکوژیێن نوو ئامادە بکن. کەسێن کو ل سەر ئەساسێ دەرەوان شەرێ پسیکۆلۆژیک دمەشینن،یێن کو تەڤلی ڤانا دبن و ب ئاوایەکێ دبن ئاموور- کی دبە بلا ببە، ناسنامەیا وان چ بە بلا ئەو بە- دبن ھەڤکارێ کۆمکوژیێن کو ژ ئالیێ ئاکپعێ ڤە تێنە ئامادەکرن.”

تو ھەسابێن داگرکەریا فاشیست ب سەر ناکەڤە.

کجکعێ بال کشاند سەر ھەولدانا قانوونیکرنا تەجریدا ل سەر رێبەرێ گەلێ کورد ئابدوڵاھ ئۆجالان و ھکوومەتا ئاکپعێ و جەمێتا گولەن دیار کر ب ڤێ یەکێ دخوازن ئامادەکاریا کۆمکوژیێن نوو بکن. کجکعێ دیار کر وەکە کو ھەتا نھا بوویە، دێ ژ نھا و پێڤە تو ھەسابێن وان ب سەر نەکەڤن و بال کشاند سەر جڤینا پککعێیا د مەھا چلە دەپێک ھات. کجکعێ راگھاند کو کورد دێ د چارچۆڤەیا ڤێ جڤینێ دە بزانن چاوا ڤان پلانێن ل ھەمبەری گەلێ کورد پووچ بکن. کجکعێ گۆت؛ “تو ھەولدانێن داگرکەر و نۆکەران نکارن پێشیا مەشا ئازادیا گەلێ مە بگرن. ب ئەزنوومێن خورتێن تەڤگەرا مە سەرکەفتنا گەلێ مەیە.”

جڤینا ل ھەولێرێ ھەولدانا دینامیتکرنا یەکتیا کوردانە.

کجکعێ بال کشاند سەر جڤینا ھن پارتیێن کوردێن سووریەیێیا ل ھەولێرێ پێک ھات و گۆت؛ “ بوویەرێن ل سووریەیێ دقەومن، دەرفەتێن باشێن کو گەلێ مە بکاربە مافێن خوە ب دەست بخن چێبوونە. لێ ژ بۆ سەرکەفتنێ دڤێ ھەموو یەکتیا کوردان پێک بێ، ئەڤ یەک پر گرینگ و پێویستە. ژ بەر ڤێ ژی، کۆنفەرانسا کو ل ھەولێرێ پێک ھات، تەنێ ھن ئالی بەشدار بوون. ئەڤ کۆنفەرانس پرانیا گەل تەمسیل ناکە. ژ بەر وێ ژی ئەڤ کۆنفەرانس ل ھەمبەری یەکتیا ڤێ پارچەیێ وەکە دەربەیەکێیە و ھەولدانا کوورتکرنا پارچەبوونێیە. بەرژەوەندیێن گەلێ مەیێ رۆژاڤایێ کوردستانێ یەکتی دخوازە. ل ھەمبەری ڤێ ژی ھەولدانێن وھایێن کو یەکتیا کوردان دینامیت دکن تێنە کرن، ئەڤ یەک مرۆڤان دخە ناڤا فکاران. سیاسەتا کو دەستھلاتیا ھەرێما کوردستانێ دمەشینە خزمەتا یەکتی و چارەسەریێ ناکە، پارچەبوونێ پێش دخە. د ئاخافتن و داخویانیان دە بانگا یەکتیا نەتەوەیی دکن، لێ د پراتیکێ دە ل گۆری ڤێ یەکێ تەڤناگەرن، ئەڤ ھەلوەستەک نە راستە. تو فەیدەیا ڤێ یەکێ ژ بۆ گەلێ کورد تونەیە. ئەم د ڤێ دەما دیرۆکی دە بانگ ل ئالیێن پەیوەندیدارێن کوردان دکن کو دەست ژ ڤان ھەولدانێن پارچەکرنێ بەردن، ھەر وھا، گوھداری کەسێن ھێزێن کو نایێن یەکتیا گەلێ مەیێ رۆژاڤایێ کوردستانێ نەکن، نەکەڤن بن باندۆرا ھێزێن دەرڤە، د چارچۆڤەیا یەکتیا ئازادا ل وەلات دە تەکۆشینا خوەیا ژ بۆ ئازادیێ و داھاتوویا خوە خورت بکن.”

ژ بۆ ئۆزەن و ڤارلیێن بدپعیی.

کجکعێ د داخویانیا خوە دە ژ بۆ مالباتێن سەرۆکێ بدپعیا قەرسێ ھالس ئۆزەن و رێڤەبەرێ بدپعێیێ باژرێ ئیززەت ڤارل کو د دەما دچوون بەشداری جڤاتا گشتییا کجدعێ ببن و د ئەنجاما قەزایێ دە ژیانا خوە ژ دەست دان، پەیامەکە سەرساخیێ وەشاند. کجکعێ، ئۆزەن و ڤارل وەکە “شەھید” ب ناڤ کر و گۆت؛ “ئەم ل سەر ڤی ئەساسی سەرساخی ژ مالباتێن ھێژایێن ئۆزەن و ڤارل، ھەموو گەلێ وەلاتپارێزێ قەرسێ و جڤاتا بدپعێ و گەلێ کوردستانێ رە سەرساخیێ دخوازن. ئەم دیار دکن کو دێ بیرانینا ڤان ھەر دو سیاسەتمەدارێن ھێژا ب تەکۆشینا دەمۆکراسیێ رە بژین.”.