|
٦\٥\٢٠١٠
کەمال رەئوف سەرنووسەری
رۆژنامەی هاولاتییه
یان پارێزەری
ڕێکخراوی ئاسووده‌یە.
قادر نادر
رەخنەگری راستگۆ دەبێت دژ بەگەندەڵی و کاری
قێزەوەنی نەک هەردەسەلات، بەلکو پارتی ئۆپزسیۆن و ڕیکخراوی مەدەنی و
رۆشنبیر و هونەرمەندانیش بێت . بەلام کاتێک پینوس و کەیبۆرد تەنیا دژ
بەدەسەلات یان بەرەو ئاراستەی قین، سۆزداری و
میزاج و دەستکەوت بەدەستهێنان .... دەبردێ ، ئەوا نەک گەندەڵی
بەلکو ناپاکیشە لەگەل قەلەم، بەداخەوە لەبەر شەرم و هاوڕێیەتی و تورە
نەبون وترس لە تۆمەت هەلبەستانیش هەندێ جار، بەردەوام هەلەی لایەن و
کەسایە تیەکانی دەرەوەی دەسەڵات کەمترین قسەو نووسینی
لەسەر کراوە. کەدەبێت هەمومان هەست بەوە بکەین، رەفتار، نووسین،
هەلوێست وەرگرتن هەر یەکێکمان، جێگای رەخنە و لێپێچینەوەیە،
و بە گیانێکی دیموکراسی وەک (بانگەشەی)دەکەین
دەبێت وەریبگرین .
کۆمەڵیک جالاکڤانی ژن بەهاریکاری کۆمەلێک کەسی ئازادی خوازی تر (
هەمویان مێژویەکی پڕ لەشانازی و داکۆکێکاری راستگۆی مەسەلەی مافی مرۆڤ
و ژن بوونە ) هەلسان بە نامایەکی کراوە بۆ پەرلەمان و حکومەت تا
بەدواچون بکات لەسەر کۆمەلێ کاری ڕیکخراوی ئاسووده بکات . ١٠ کاتژمێر
بەسەر ئەو بەیانامەیە و تێ نەپەڕی کەمال رەئوف سەرنوسەری هاولاتی لەتەک
٤ کۆیلەی یەکێتی ( سۆزان شەهاب و ئالا تالەبانی و ئەمیرە حەسەن وروناک
رەئوف ).. . دەستیان بە کەمپینێکی دژ بەو چالاکڤانانە کرد ، کۆمەلێک
تۆمەتی قیزەوەن و منالانەیان ئاراستە کردین وەک . رۆلی فیتنە دەگێرین ،
بێ بەلگە کاردەکەین ، کێشەی شەخسی لەپشتیەوەتی ، دەبوایە ئاگاداری
ڕۆژنامەی ئەهلیان بکردایە ، خەلکی دەرەوەی ولات و بێ ئاگان ....
لای بەندە زۆر ئاسایە سۆزان شەهاب ( سەرۆکی لیستی کوردستانی ) نامەی
ئاراستە کراوە ، کەچی لەبڕی ئەوەی بێ لایەن و لێکۆلینەوە بکات ئەوکات
بریار بدات؟ ، پەرلەمان ئاسا دەستە ناپاکەکەی لەبڕی بەرزکردنەوە
ناوەکەی لەبەیانامەکە بنوسێت کەئەوانە ئاژاوە گێرن !؟
یان پۆلێک ڕۆژنامەنوسە کە نانەکەیان لەسەر قەلەم فرۆشتن و هەراج کردنە
لەنمونەی عەدالەت عومەر و عارف قوربانی .... ئەوانە پیشەی ڕۆژانەیانە .
ئەوە نەکەن ناژین .
گالتەجاریەکەش پەخشان زەنگەنەی ( شوعی )، کۆنە بەرپرسەکەی لیژنەی
بەدواچونی دژ بەتوندوتیژی ژنان و ئەمیرە حەسەنی بەناو (یاساناسە) ،
کەئەو خانمە لەکۆبونەوەیەکیان رای گەیاندبوو ، پێویستە ئەوانە ناویان
نوسیە ناویان بدەینە دەست پۆلیسی ئەنتەرپۆل ( فایلدار و ئەنفالچین یان
وەک تالەبانی باوکی روحی فڕۆکەوانمان بەڕەلا کردوە ) ؟
وەهەمو ئەمانە بۆ خۆیان بونەتە دادوەر و بریار وسزایان براندەوە ، بێ
ئەوەی بانگ و لێکۆلینەوە لەگەل بەناو لایەنی( تاوانبار) بکەن ؟ سزایەکی
ئەخلاقی ئەو کج وکورانەیان داوە ، کە وەک بەشی زۆری ناوەکان ، بۆ پارەو
کورسی هەلوێستی سیاسیان نەفرۆشتوە ونە بێ دەنگ بوونە لەبەرامبەر ئازاری
گەلەکەیان !؟
ئەوەی نیگەرانی کردم بونی ناو وپلەی هەندێ دەزگای راگەیاندنی وەک
ئەحمەد میرە( لڤین ) و هوشیار عەبدوڵلا( KNN ( زانکۆ ئەحمەد ،
سەرنوسەری گۆڤاری ئاوێنەکان ، لەگەل هەندێ ڕۆژنامەنوسی تر و نەریمان
عەبدوڵای پەرلەمانتاری گۆران ، کەبونی لەقەبی دەزگاکانیان داناوە لەتەک
ناوەکانیان ،، ئەمەش بە مانای ئەوەیە کەدەزگاکانیشیان پشتگیری لەو
بەیانامەیە دەکات نەوەک بیرورای تایبەتیان!؟ .
گالتە جاری ئەوانەش لەوەدایە دەلێن بۆ ئاگاداری میدیای ئەهلیتان
نەکردۆتەوە . لەکاتیکدا کەبەیانامەیەکی وا دەردەچێت ، ئەوا ئەرکی
ئیوەیە وەک پیشەکەتان بەدواچون لەسەر دێر بەدێری بکەن ، نەوەک
هەرلەسەرەتاوە لایەنگیری بکەن . لەهەموی سەرنج راکێشتر نوسییویانە ،
ئەمە مەسەلەیەکی شەخسیە ، کەرۆژنامەنوس نابێت ئەوەندە کۆلەوار بێت !!
ئەگەر راستیش بێت ، ئەوتپێشکەوتنەی تەکنەلۆجیا ، کەی سنوری زانیاری
وەرگرتنی هێشتۆتەوە . مەگەر خۆتان چەندین جار لەهەندەرانەوە زانیاری
وردتان پێ نەدراوە ؟ من پرسیاریان لێدەکەم ئەگەر گەندەڵی و تاوان لەسەر
ئەم ڕیکخراوە بەیەک دیناریش دەربچیت هەست ناکەن ئێوەش تیایە بەشدار
دەبن ؟
لەهەموی قیزەوەنتر کەمال رەئوفە کەبارەگای هاولاتی کردۆتە داکۆکی لە
خانم رەحیم و ڕیکخراوی ئاسووده . وە ئەو سەرپەرشتی ئەو کەمپینەی
کردبوو پەیوەندی بە چەندین رۆژنامەنوس و پەرلەمانتار و مالپەر و کردبوو
کە ئیمزا دژی ئەو بەیانامەیە بکەن و بەیانامەکەی داوای لێکۆلینەوە
لەسەر ئاسووده‌ش لاببەن ..... ئەمە جگە لەوەی دور لەپیشە رۆژنامەیەکەی
و ڕۆژنامەی هاولاتی چەند بارە ئاسا لە رێرەوی خۆی لادەدات و کەمال
بەئارەزوی خۆی ئەورۆژنامەیە بۆ میزاجە سیاسیەکانی بەکاردەهێنێت .
هاوکات لەهەموو دارشتنی هەوالەکان بەئارەزوی ئاسووده و خانم رەحیم
هەوالەکان بلاو دەکاتەوە ، لەکاتیکدا ئەگەر مۆرالی ڕۆژنامەگەری هەبوایە
دەبوایە بە هەناسەیەکی ڕۆژنامەنوسی نەوەک رق و میزاج و هاوسۆزی لەگەل
دەزگاکە بنوسێت وە ڕۆلی بێ لایەنی بنواندبایە وە دیداری لەگەل هەردو لا
بکردایەو ٢٤ کاتژمیر سەبری بگرتایە کەئەگەر بەلگە بلاو نەکرابایە
ئەوکات شەری واترلۆی بەرۆژنامەیەکی ئەهلی بکردایە !؟ ، وەسەرباری ئەوەی
بەیانامەی یەکەمی ئەو ٢٦ چالاکڤانەی بلاو نەکردەوە؟ هاوکات بەفشارو
رەخنەی چەندین جارە ئەوکات رونکردنەوەی دەستەی داکۆکی لەژنانی بلاو
کردەوە ؟ .کەبلاویشی کردۆتەوە یەک دێری کردۆتە مانشیت گوایە پەشیمانی
دەربردراوە ؟ کەهەر یەکێک ئەو بەیانامەیە بخوێنتەوە لەگەل دێرە
مانشیتەکەی هەست بە لەدەستدانی مۆرالی رۆژنامەنوسی ئەو کورە دەکات ؟
http://83.169.12.202/K_Direje.aspx?Jimare=589&Besh=Hewal&Cor=1
وەمەسەلەی بازرگانی کردن لەناو بەیانامەکە کەبەهیچ شیوەیەک باس
لەمەسەلەی لەشفرۆشی نەکراوە ، کەچی بەردەوام ئەو تۆمەتە ئاراستەی
بەیانامەکە دەکەن . ئەرێ کەم بەپارتی ویەکێتی دەوترێت بازرگانی بە کورد
و خوێنی شەهیدان و ئەنفال وهەلەبجە ... دەکرێت بۆیە بازرگانی بە
ڕیکخراو ژنان مەرج نیە هەر لەش فرۆشی بیت بۆ پارە نەبێت بەنمونە ؟
دیارە ئەورەفتارانەی کەمال بۆیە وەک ئەو ناوانەی تر لام گرنگ نەبوو ،
چونکە دورویی و هەلپەرستی ئەوکورەم لە کاتێ سکالا تۆمارکردنی چاک لەسەر
تالەبانی لەدادگا تۆمارکرا بەهۆی ئەوەی ببوە داکۆکیکەری جەلادانی
کۆمەلکوژی کورد . وە بۆیەکەم جار لوتکەی نارەزایەتی خۆمان بەرامبەر
داکۆکیە بەردەوامەکانی دەربڕی . وەئەمە لەسالی ٢٠٠٧ کەم کەس دەوێرا خۆی
لە هەلوێستێکی هاوشیوە بدات . گروپێک لەئێمە تازە جیابببونەوە ،
لەکوردستانی نوێ دیداریان کرد و لەبەیانامەیەکی پاکانە ئاسایان خۆیان
لی بێ بەری کرد کە(ئەوان دژی ئیعدامن و سکالا لەسەر تالەبانی تۆمار
ناکەن). کەچی ئەو کەمالە .لەهەلەیەکی تەکنیکی خۆی ئمێلەکەی کەوتە دەست
ئێمە دەست خۆشی لەوهەلوێستە پاکانە نامەیەی ئەوان دەکات کەلەسەر سەرۆک
کۆمار دەریان بریوە . کەچی کەبوە سەرنوسەر ی هاولاتی گۆشەی لاپەرە ٢٠
بۆخۆی مۆنۆپۆل کردوە ، ٢ جار بابەتی لەسەر داکۆکی تالەبانی لەسەر
سولتان هاشم نوسیی ، (ئەگەر کەمال نکۆلی لەوئمێلە بکات بۆی بلاو
دەکەمەوە )
یان لەدوای بلاو بونەوەی بەشیک لەبەلگەکان لەرۆژنامەی روداو لەبڕی
ئەوەی بێ دەنگ بێت و داوای لێ بوردن بکات وەک ئەخلاقیاتی ڕۆژنامەنوسی،
کەچی سەرلەنوێ هەوالێکی بەئارەزوی خانم رەحیم داڕشتوە کەگوایە سوکایەتی
بەخانم کراوە و ڕیگای دادگا دەگریت ( دەسەلات ئاسا ) لەکاتێکدا تاوان و
گەندەلێەکانی خۆی نابینێت کەئەمەی من بینومە ئەمەسەرەتای بلاوکردنەوەی
بەلگەکانە ؟ دواتر کەس نەزانێت هاولاتی دەزانێت دادگای کوردستان
لاستیقەو بەپیی میزاجی سیاسی و هێز دەخوات . راستی ئەم وتانەش کەی
توانراوە بەرپرسێکی گەندەل و تاوانبار بدریتە دادگا !؟
http://83.169.12.202/K_Direje.aspx?Jimare=598&Besh=Hewal&Cor=1
بۆ راستی پاکی و
دادوەری دادگا سەیری ئەم لینکەش هەر لەرۆژنامەی هاولاتیش بکەن:
http://83.169.12.202/K_Direje.aspx?Jimare=592&Besh=Hewal&Cor=1
بۆیە لە رۆژنامەی هاولاتی و کەمال دەپرسین ،
کە بەبارەگا و مالپەر و لەقەبی سەرنوسەریەکەی دژی کۆمەلێک جالاکڤانی
ژنانی کەدەیانەوێت دەرگایەکی تری گەندەڵی ( هەندێ ڕیکخراوی مەدەنی )
هەلبدەنەوە ، وەبەشیک لەتاوانی ئەو دەزگایە کەکۆمەڵێک خەلک بونەتە
قوربانی ئێوەش بەم رەفتارانەتان هاوبەش دەبن دەکرێت بەردەوام بن
لەلایەنگیری و مۆنۆپۆلکردنی هاولاتی بۆ تێرونینە کەسێتیەکانت نەوەک
پیشەکەت؟ . دواتر مزایەدەی ئەوەشمان بەسەرا مەفرۆشە کە لەبەرئەوەی
سوکایەتی بە ڕێکخراوێک کراوە بۆیە بەو حەماسەوە کار دەکەیت ؟ . مەگەر
لەو کوردستانە چەندین قەلەمی بوێر لەتەنیشت مەرگ نەگەرانەوە ،( سەباح
عەلی قارەمان و ناسیح عەبدولرەحیم و نەبەز گۆران ...) بۆچ بەهەمان ئاست
حەماسی کارکردنت بۆیان نەجولا .؟ مەگەر کەسیتی ئەوان و تاوان
بەرامبەریان و بوێریان ئەوەندەی نەدەهێنا کەمپینی هاوشێوەی بۆ بکەیت ؟
دیارە ناکرێت بلێین ڕیکخراوی ئاسووده هیچ کاری باشی نەکردوە . بەلام
لەژیانی دیموکراسی حزب و ڕئکخراو لەسەر یەک دینار سزاو لێپێچینەوە هەیە
. با ڕێکخراوی ئاسووده‌و بەرپرسەکەشی ، هەندە هەناسەی دیموکراسی هەبێت
و ئەو داهێنانە بکات (لێپێچینەوەیان لەگەل بکرێت) ، کەهەقە لەدوای
ئاکامەکەی ، ئەگەر بێ تاوان دەرچوو ، ئەوا هەمو ئەوانەی واژومان کردوە
لەمالپەرەکان داوای لێبوردنی لێ بکەین . ئەگەر تۆمەتەکانیش راستە ئەوا
دەبێت باجی رەفتاری خۆیان بدەن . نەوەک وەک کەمال رەئوفی هاولاتی بە
لەقەبی سەرنوسەری ڕۆژنامەیەکی ئەهلی !! وەک پاریزەری خانم رەحیم بە چەپ
و راست و ئاشکراو نهینی داکۆکی لێ بکات وهەولدەدات کەم و کورتیەکانی
ئەم ڕیکخراوە دابپۆشیت ، کەمافی خۆمانە لێی بپرسین نهێنی ئەمە لەچی
دایە ؟
وە ئەو هەموو ڕۆژنامەنوس و بەناو سیاسەتمەدارەش ، کەهەموویان
بانگەشەی یاسا و شەفافیەت دەکەن. بەرێکخراوی ئاسووده‌ش بۆچ هەناسەتەنگ
بوونە، با دادگا یەکی بێلایەن ئەو وتانە
یەکلا بکاتەوە. ئەوکات هەلوێست وەربگیرێت و لایەنی بریندارکراو داوای
لێ بوردنی لێ بکرێت. نەوەک لەئێستاوە ڕۆژنامەنووس
و پەرلەمانتار ببنە دادوەر !؟
بەیانامەی ٢٦ چالاکڤان لەسەر ڕێکخراوی ئاسووده:
http://penusakan.com/Kurdi/viewpage.php?page_id=944
کەمپینی داکۆکی کەرانی ڕێکخراوی ئاسووده:
http://lvinpress.com/K_Direje.aspx?Jimare=1113&Besh=Hewal&Cor=1
وەلامی داکۆکەرانی ڕیکخراوی ئاسووده:
http://83.169.12.202/K_Direje.aspx?Jimare=589&Besh=Hewal&Cor=1
هەندێ زانیاری و
بەلگەی گەندەڵی لەسەر ڕێکخراوی ئاسووده:
http://www.rudaw.net/details.aspx?lang=Kurdish&page=articles&c=home&id=21436
ماڵپه‌ڕی قادر نادر
|
