|
١٠\٨\٢٠١٠
کەمپینى
''نا بۆ بەقاچاغبردنى نەوت''.
رۆژى 5\8\2010
لە شارى سلێمانى ئێمە وەک کۆمەلێک لە (چالاکوانى
مەدەنى، سیاسى، رۆژنامەنووس، رێکخراوەى
کۆمەڵگاى مەدەنى، خەڵکانى ئازادیخواز و کاسبکار و بە بەشدارى و
پشتیوانى چەندین خەڵک و کەسایەتى جۆراوجۆر) لە ناوخۆ
و دەرەوەى کوردستان کەمپینى " نا بۆ بەقاچاغبردنى نەوت"مان
راگەیاند بۆ ئەم ئامانجانەى خوارەوە:
1- بەیاسایى کردنى دۆسێى بە قاچاغبردنى نەوت لە هەرێمى کوردستان،
بە پشتبەستن بە
بەڵگەنامەى باوەرپێکراو.
2- گەیاندنى بەڵگەنامەو دۆسێ یاساییەکە بە داواکارى گشتى ،لەرێگەى
خۆپێشانداتى مەدەنیەوە.تا تاوانبارانى کەیسى بەقاچاغبردنى نەوت ،روبەروى
یاسابکرێنەوەو سزاى عادیلانەى خۆیان وەرگرن.
3- فشارخستنە سەر پەرلەمانى کوردستان بۆ بەپەلە بانگهێشت کردنى
کاربەدەستە باڵاکانى حکومەت ،بۆ لێپێچینەوە لەوکەسانى کە دەستیان هەیە
و تێوەگلاون لە بەتاڵانبردن و قاچاغبردنى نەوت.
داواکارى کەمپینەکەمان لە رایگشتى :
1- کەمپینەکەمان بانگەواز لە گشت چین و توێژو رێکخراو پارتێک ئەکات تا
بەشدارى کارابکەن لەگەڵمان لە پێناو گەشتن بە ئامانجەکانى کەمپینگەکە
وە کۆمەکمان بکەن لە دەستخستنى بەڵگەنامە لەسەر بەقاچاغبردنى نەوت
لەکوردستان.
2- داوا لە هەموو خەڵکى کوردستان ئەکەین کە بەشداربن لە چالاکیە
مەدەنیەکانى کەمپینەکەمان،وە پشتیوانى دەربرین بە کۆکردنەوەى ئیمزاى
نارەزایەتى و مانگرتن و خۆپێشاندان دژ بە تاڵانبردن و
قاچاغبردنى نەوت لە کوردستان،لە لایەن گروپێک لە مافیاو
کاربەدەستانى حیزبى و حکومى لە هەرێمەکە.
3- داوا لە میدیاى و رێکخراو کەسایەتى و چالاکوانانى مەدەنى و سیاسى
دەرەکى و رەوەندى کوردى ئەکەین کە پشتیوانى کارابکەن لە کەمپینەکەمان
بۆ فشارخستنە سەر دەسەڵات لە پێناو رێگە گرتن لە بەقاچاغبردن نەوت و
بەدادگاگەیاندنى تاوانباران.
کەمپینى "نابۆ بەقاچاغبردنى نەوت".
9\8\2010 - کوردستان
tb_max@yahoo.com
|
