١٣\٣\٢٠١١

کێرڤی پارتی لەدابەزین دایە!

نەهرۆ       

بی گومان چاودیری بەئاگاو بی ئاگا دەزانی کەرووداوەکانی ئەم سالانەی دوایی وهەلویستی پارتی لی یان ، هەلویستیکی ئەرینی نەبووە ، لیرەدا من ناچمە قوولایی میژوو هەر چی زولم ناهەقی ئەم حیزبەیە هەموو بۆ خوینەری بەریز دەرخەم ، بەلکو لەو رۆژەوە دەست پی دەکەم کەسەردەشت عوسمانیان تیرور کرد ، سەردەشت عوسمان رۆژنامەنووسیکی لاو بوو خەون بەئازادی و رەخنەی ئازادەوە دەبینی ، تەنیا لەبەردەقیکی ئەدەبی خەیال ئامیز تیرور کرا ،گریمان راسەوخۆ پارتی تیروری نەکردبی بەلام لەهەولیری پایتەخت ولەسایەی دەسەلاتی پارتی دا تیرور کرا ، نەخواسمە تیرور کردنەکەشی دوای ماوەیەکی کەم بوو لە خەونە رەخنە ئامیزەکانی سەبارەت بەبنەمالەیەکی موقەدەسی رۆژهەلاتی دواکەوتوو ! لەسایەی دەسەلاتی پارتی دا خەون بینینیش باجی لەسەرەو رەوا نیە ،بەتایبەتی خەونیک بیت دوور لەبازنەی دەسەلاتی ئەوان و هەژمونی سەروک !دەبی وەک پەروەردەیەکی ئاینی ، خەلک ، سەرۆک وکورو نەوەکانیان بپەرستن لەدەرەوەی بازنەی رەخنە بن ! وەک ئیمامەکان دەبی سەدەو میژوو تیپەرینن ،ئیمامەکانیش بەهیزی شمشیرو بە تەزویری میژوو ئەم نفوزە بۆ خویان قورخ کردووە بەشیوەیەک کەتائیستا خەلکی سادە دەرویشیانەو داکوکی یان لی دەکەن!پارتی وا دەزانی ئەو خەلکە یادەوەری ماسی یی هەیە زوو شتی بیر دەچیتەوە بویە تادی هەڵەی زەقتر دەکا بەلام بابزانی جەماوەر یادەوەری فیلی هەیە بەئاسانی زولم وزوری بیر ناچیتەوە ! خالیکی دووەم لە فاولەکانی پارتی دالدەدانی قاسم ئاغا بوو موستەشارو خوینریژیکی وەک قاسمە کویر، ویرای ئەوەی بەشدار بوو لەپروسەی بەدناوی ئەنفالەکانی دەشتی کۆیە ،دوای ئەنفالەکانیش هیرشی کردە سەر مەفرەزەیەکی پارتی زانی حیزبی شیوعی لەبناری چیای کۆسرەت هاورییان چالاک وریبازو هەریم بەبرینداری بەدیل گیران وشەهید کران وبەفیلمیش وینەکەی گیراوە ! تەنانەت ناوی لە دوسیەی تاوانەکانی عیراق هاتووە ،بەلام ژنەکەی قاسم ئاغا وتی ئیمە جگە لەمسعود بارزانی منەتی کەس نازانین ! لەکاتیکدا جەماوەری بەشەرەفی دەشتی کۆیە نارەزاییان دەربری وپیشمەرگەو کادیرەکانی حیزبی شیوعی ئیمزایان کۆکردەوە بەلام پارتی وسەروک بی گوی دانە هەقی دادگاو میژوو ئەو خائین وخۆفرۆشەیان پاراست بەمەش سەنگ وراستگویی پارتی کەوتە لەرزین لەبەرانبەر پیوانەو پیودانگەی کوردایەتی ! پارتی ئەوەندە گوی لەبەرژەوەندی تەسکی حیزبی وتایفەیی وعەشیرەتگەری وبنەمالەیی خوی دەگری گوی لە رای گشتی و جەماوەر کوردایەتی ناگری ، لەراستی دا پارتی حیزبیکی موئەسەساتی دیمواکراسی نیە تیایدا دەسەلاتەکان سنوور بەند کرابن بەلکو حیزبیکە تیایدا شەخس پەرستی زالە ،حیزبیکە خوی کردوتە خاوەن سەروەریەکانی میللەت بەدریژایی میژوو ،سەرۆک هیچی لە حسنی موبارەک وبنەمالەی ئەسەد و موعەمەر قەزافی کەمتر نیە !

خالی سی یەم تەقە کردنی پاسەوانەکانی لقی چوار بوو لەشاری سلیمانی ، کاتی ریژوان وهاورییەکانی خەلتانی خوین کران و بە دەیان کەسی دیکەشیان بریندار کرد تەنیا لەبەر ئەوەی پیشەنگی شەپولی نارەزایی بوون دژ بەگەندەلی کە پارتی بەشی شیری بەر کەوتووە .پارتی لای ئیوەی خاوەن دەسەلات هەیبەتی هەیەو بارەگای پیروزە! بەلام لای خەلکی ماف زەوت کراو نرخی پووشیکی نیە! بۆیە هیرشی دەکاتە سەر وەک رەگی داریکی ژەهراوی دەیەوی لە بنرا دەریبینی. پارتی بەم هەنگاوەش زیاتر رەزای خوی گران کرد لای خەلکی سلیمانی کە پارتی نفوزیکی کەمی تیایە ! لەکەلاریش بەهەمان شیوە خۆپیشاندەران چوونە سەر بارەگای لق لەویش لاویک شەهید کرا ، کەواتە پارتی لەهەولیرو لەسلیمانی لە کەلار شوین دەستی تاوانەکانی دیارە !

دوا کردەی پارتی ئەوە بوو پاسەوانی ئەندام پەرلەمانیکیان لە ناو حەرەمی پەرلەمان بەقۆنداغە تفەنگ لەئەندامی پەرلەمانیکی گۆران دابوو ، دواجار پاسەوانەکەش وەک بەرزەکی بانان بوی دەرچوو بەبی ئەوەی کەس پی بلی پشت چاوت برۆیە! لەراستی دا پارتی وەک حیزبیکی پاوانخواز هەزمی ئوپوزسیون ودەنگی جیاواز ناکا ، گەر لیرەو لەوی بەروالەت دانی پیا بنین بەلام لە ناوەروک وابیر دەکەنەوە ئەوەی لەگەلیان دا نەبی دژیانە ، هیشتا لەخرپەی خەونی پارتی پیشرەون ،پارتی لەسەر بنەمای هیز مامەلە دەکا مەبەستم هیزی سەربازییە ،پارتی حیزبیکی ئاشتیخواز نەبوەو نابی ،ئەوانەی لە هەناوی ئەو هاتونەتە دەرەوە بەهەمان لۆژیک بیر دەکەنەوە ،پارتی چ لە شاخ چ لەشار زیندانی ئاوەدانی هەبووە ،خەلکیان ئەشکەنجە داوەو سەرنگوم کردووە لەپیناوەش دا پارەیەکی زوریان خەرج کردوەو خەرج دەکەن ، تەنانەت لە یوتوب دا پەیامی هەرەشە بلاو دەکەنەوە بۆ ئەوانەی لە پالتاک وسایتەکان ئەوانەی دژی پارتی وبنەمالە قسە دەکەن و دەنووسن ! پاراستن دەزگایەکە وەکو ئەمن عامە وقەسرنهایە ئەوەی سەری پیا بکا دەرچوونی مەحالە..

دواجار لیدوانەکەی مەسعود بارزانی بوو بۆ رۆژنامەیەکی ئیتالی کە دەلی ئەگەر لەکوردستان ٥٠ هەزار کەس منی نەویت ، دەست لەکار دەکشینمەوە دوا بە دوای ئەو لەسلیمانی دەست کرا بە کەمپینی سەرۆک تۆمان ناوی تەنیا لە چەند شوینیکی دیاریکراودا و لەرانیەش زیاترلەو ریژەیەش ئیمزا کۆکرایەوە کەچی سەروک خەونی ئەزەلی بەدەسەلاتەوە دەبینی بەری نازو نیعمەتەکەی خواردوە ودەیەوی بۆ هە میشە کوراوکور بیخوا.

بۆیە لەبەر ئەو هویانەی سەرەوە کیرڤی جەماوەری پارتی نزم بوەتەوەو رووی مەجلیسی نەماوە ،تەنانەت وەک بەرپەرچدانەوەیەک سایتئ دەنگی سەر بەخو رایگەیاند چی دی بەرهەمی بنووسەکانی ئەم پارتە لەسایتەکەی بلاوناکاتەوە تا هەلویستیان بەرانبەر بەداخوازیەکانی جەماوەر رۆشن نەبیتەوە.

نەرویج
ماڵپەڕی نەهرۆ