٢٧\٩\٢٠١٤

کەسوکاری ''ئاراس نوری محەمەد موراد'' پێویستی بە هاوکاریی ئێوە هەیە!

هاوڵاتی "ئاراس نوری محەمەد موراد"، ناوی ئەو پەنابەرەیە کە ماوەی ٢٣ ساڵە بێ سەروشوینە و کە خێزان و سوکارەکەی سالانێکی زۆرە بە چاوەروانییەوە شوێنکەوتە و عەوداڵن، بە بێ ئەوەی هیچ زانیارییەکیان لە بارەیەوە دەستکەوتبێ.

ئاراس نوری لەدایکبووی ساڵی ١٩٧٢، دانیشتوی شاری کەرکووک، گەرەکی شۆریجەیە. دوای کۆڕەوەکەی ساڵی ١٩٩١ بە هۆی هێرشی بەعسی شۆڤێنی لەناوچوو بۆ سەر کەرکووک و شارەکانی دیکەی کوردستان لە تەمەنی ١٩ ساڵییدا دەبێ و لەگەڵ کەسوکارەکەی بە ناچاریی ژیانی ئاوارەیی دەگرنەبەر و لە کاتی کۆرەوەکەدا ڕوو لە ئیران دەکەن. دواتر ئاراس لە نزیک گوندی هیرۆی تەنیشت خاڵی پشکنین لە کەسوکارەکەی دادەبڕێ و لەو کاتەوە بێ سەروشوێن دەبێ و تا ئیستاش کەسوکارەکەی هیچ هەواڵێکیان لێی نییە.

فیدراسیۆنی سەراسەری پەنابەرانی عێراقی وەک ئەرکێکی مرۆیی و هاوکات بۆ دەرکێشانی خێزانی ئاراس لە چاوەروانیی و ئاشکراکردنی چارەنووسی ئاراس، داواتان لێدەکا کە هەر زانیارییەکتان لە بارەیەوە هەیە، یا هەر هەواڵێکتان لایە بە ئێمەی بگەیەنن، هاوکارییتان کارێکی مرۆپەروەرانەیە.

بۆ پەیوندیی بە ئێمەوە: (٠٠٤٤٧٨٥٦٠٣٢٩٩١).

٢٦\٩\٢٠١٤

فیدراسیۆنی سەراسەری پەنابەرانی عێراقی

________________________________________________
IFIR:PO.BOX1575، ILFORD، IG1 3BZ، LONDON
ifir@hotmail.co.uk, 00447856032991, 07895976547

Fax: 08715288651, www.federationifir.com