٥\١٢\٢٠١٥

    کچێک بووم لە رەگەزی با‌.

ترووسکه

من
کچێک بووم لە رەگەزی با
ئێستا
مرۆڤێکم پڕم لە ئاخ بۆ ئازادیی
پڕم لە حەزی ته‌لەبەند کراو
کەوتوومە زیندانی مەینەتەوە
هاوار دەبەم بۆ دیموکراسی
وەکو باڵندەیەکی لە قەفەس گیراو
ئێستاش کە لە بەرامبەر ئاوێنەی ژوورەکەم

پرچم دەهۆنمەوە
شەرم دامدەگرێ و
دەکەومەوە یادی بەڵێنەکانمان
دیسان رۆژ بۆوە
خۆر لە ترسی تیشکی چاوەکانم هەڵنایە
کەڵەشێر ناخوێنێ و دەنگی گوللە نایە
نابیستم هیچ دەنگێ
بێجگە لە جریوە جریوی رازەکان
سەمای پەپوولەکان
لە دەوری ئەندێشەی خەونەکان
تۆ بڵێی ئەو رۆژە بێ
من و تۆ بین و
بستێ خاکی نیشتمان.

بۆکان
truskekurdi@gmail.com