٢٧\٧\٢٠١٣

    کچێک لە باران.

هاوار تەیب

کچێک وه‌ک نمه‌ی باران دێت و
له‌ په‌نجه‌ره‌ی ته‌نیاییم ده‌دا
ئاشنام ده‌کاته‌وه‌ به‌خۆی!!

کچێک..
له‌ شکۆفه‌ی وه‌رزی ئه‌ویندا
ئه‌مباته‌وه‌ نێو حه‌سره‌تییه‌کانی خۆی و
خه‌رقی جیهانی مه‌ست بوون و
لێک ئالانم ئه‌کا

کچێک له‌ نه‌شئه‌ی خه‌یالا
خه‌ریکی پڕکردنی ره‌نگه‌
کرسیتالییەکانی ژیانه‌ و
هه‌تاو دڵی بۆ راده‌خا

کچێک بیره‌وه‌رییەکانی
له‌سه‌ر ده‌روونی ئاو ده‌نووسیه‌وه‌
تا هیواکانی له‌ نێو ده‌ریا بچنێته‌وه‌.

hawarteyb@gmail.com