دەسەڵاتدارانی سەرمایەی جیهانیی لە ژێر سەرپەرشتیی دەسەڵاتدارە دڕندەکانی ئەمەریکا لە پێناو بەرژەوەندیی بازاڕی سیاسیی و ئابووریی خۆیان گەرمترین و کۆنەپەرستترین شەڕ بە ناوی (شەڕی دژە داعش) لەسەر خاکی کوردستان (شەنگال و کۆبانی و...) هەڵدەگیرسێنن و شەڕەکەش تەنێ بە کوردان دەکەن و تەنێ خەڵکی کوردستانیش تێیدا گیان لە دەست دەدەن و نیشتیمانەکەیان پێ کاول و کاولتر دەبی، کەچی هەر تەنێ کوردانیشن لەو نێوەدا نەک هەر خاوەنی هیچ دەسەڵات و بڕیارەک نین لەسەر هەڵگیرسانی شەڕەکە بەڵکە خاوەن و دەسەڵاتداری وڵاتەکەی خۆشیان نین!!! لە هەمووشی کارەساتبارتر ئەوەیە کە هەر ئەوڕۆ زۆربەی زۆری کوردان بە بۆنەی ١٤٣٥ ساڵەی راگەیاندنی دینی (ئیسلام - داعش) جەژن دەگێڕن!!!