- نەفت و گاز و کانزامان زۆر هەیە - لێ بە پێی فەرهەنگی کۆنەپەرستانە و فەرمانی شازادەیەک بەڕێوەدەچن کە بە درێژایی ١٥ ساڵە ناویان لێ ناوە سەرۆکی حکومەت و خەریکە چار ساڵی دیکەش درێژە بە شانشینییەکەی بدا و بە بێ مووچەیی میللەت بەڕێوە ببا!
- وڵاتێکی زۆر زۆر جوان و دڵگیرمان هەیە - لێ کۆمەڵێک دەرەبەگی مێشک ژەنگاویی سەدەکانی ناوەڕاست بەرپرس و میرکوڕی شارەوانیی و گەشتوگوزار و ژینگە و و تێکڕای دار و بەردی خاکی نیشتیمانن!
- ئاوی شیرینی سەرزەوی و ژێرزەویمان زۆر هەیە - لێ کاربەدەستانی ئاو و ئاودێریی لە ژێر فەرهەنگی (تەیەموم)ی ئیسلام و سەردەمی قوڕەیشییەکان کار دەکەن و لە پشتگیریی مافیایە دۆڕاوەکانی کوردستانیش هەڕەشەی بڕینی ئاو لە خەڵک دەکەن.
- هەردەم گیانی بەرگریی لەنێو میللەتەکەمان زۆرە - لێ رۆشنبیرە دەربارەکان - کە وەک گورگن لە پێستی مەڕ - هەر جارەو بە شێوازێک لەباری دەبەن؛ جارێک لە بەرپێی خوێنڕێژێکی وەک نەوشێروان سەریدەبڕن جارێکی دیکە لەبەرپێی ئیسلامییە تاریکپەرستەکان...!
- وڵاتێکیمان هەیە لە هەموو بارێکەوە زۆر زۆر دەوڵەمەندە - لێ بیست و دوو ساڵە کەسێکی کۆلەوار و سەرۆک خێڵ سەرۆکایەتی دەکا و تێکڕای توانستەکانی هەڵوەراندوە!

- سەرەڕای هەموو ئەوانە پەرلەمانیشمان هەیە - لێ کۆمەڵێک گەندەڵکاری چاوبرسیی و ئیسلامبازی کۆنەپەرست و سیاسەتبازی کۆیلەی حیزب تێیدا ئەندامن!