|
|
|
٢٢\١٢\٢٠١٤ کوردستان پێویستی بە ئاڵایەکی تازە ھەیە!
لە وتاری پێشووم باسی ئەوەم کرد، کوردستان پێویستی بە سرودێکی نیشتمانی نوێ ھەیە، چونکە ئەی ڕەقیب زۆر وشەی توندوتیژی تێدایە بۆ سروودی نیشتمانی گونجاو نییە* ئەوھاش کوردستان پێوستی بە ئاڵایەکی تازە ھەیە کە، گوزارشت لە خاکی کوردستان بکات و ھەڵقوڵاوی ناخی میللەت بێت. نەک ئاڵایەکی خواستراو بۆ ڕازیکردنی دڵی داگیرکەرانی کوردستان قیت بکرێتەوە و ناوی لێ بێن ئاڵای کوردستان!!! ئاڵا و سروودی نیشتمانی، ناسنامەی نەتەوەیەکن نا کرێت بە ھەوەس و ئارەزووی ھیچ ھێزولایەنێک بسەپێنرێت!!
وەڵامەکەی ڕوون و ئاشکرایە، باشتر وایە ئاڵایەکی تازە دابھێنرێت و ھەموو ھێز و لایەنەکان و تێکڕای جەماوەری کوردستان لەسەری ڕێکبکەون و پەسەندی بکەن. ئاڵایەک بێت بەڕاستی ھەڵقوڵاوی ناخی میللەت بێت و گوزارشت لە خاک و خە لکی کوردستان بکات. ئالای پەکەکە ئالای حیزبە، بۆ ئالای کوردستان گونجاو نی یە. ئالای باشوری کوردستانیش کۆپی ئالای ئیرانە گوزارشت لە خاک و گە لی کوردستان ناکات!! جا بۆیە زۆر پێویستە کوردستان ئاڵایەکی ھاوبەشی ھەبێت، دواتر ئەو ئاڵایە تازە یە ش بخرێتە ڕاپرسییەوە تێکڕای جەماوەری کوردستان دەنگی لەسەر بدات.
ئاڵای ئێستای باشوری کوردستان سێ ڕەنگەکەی
(سوور، سپی و سەوز) کۆپی ئاڵای سەردەمی پاشایەتی ئێرانە، مێژووەکەی
دەگەڕێتەوە بۆ شۆڕشی (خۆیبوون) کە زۆرجاریش بە شۆڕشی ئارارات ناودەبرێ
(١٩٣٠ - ١٩٣٣) کە لە ناوچەی ئارارات بە سەرۆکایەتی (ئیحسان نووری پاشا)
ھەڵگیرسا.. ئیحسان نووری پاشا بۆ ڕازیکردنی دڵی شای ئێران ئەو ئاڵایەی
بەرزکردەوە، چونکە لەو کاتدا کۆمەکی لەلایەن ئێرانەوە پێدەکرا کە، لە
دژی دەوڵەتی تورکیا شۆڕشیان بەرپاکردبوو... دواتر لە ساڵی ١٩٤٦ کۆماری
مھاباد ھەمان ئاڵای سەردەمی پاشایەتی ئێران بەکەمێک دەستکاریەوە
بەرزکردەوە کە، ڕەنگە سوورەکە بۆ سەرەوە و ڕەنگە سەوزەکە بۆ خوارەوە
لەگەڵ لۆگۆیەک لە نێواڕاستی ئاڵاکەدا دانرا!! ئینجا دوای مەلا مەستەفا
ئاڵاکەی نەگۆڕی و وە ک خوی مایە وە تەنیا گۆڕان بەسەر لۆگۆی نێو ئاڵاکە
داھات کە، وێنەی خۆرێکی گەش کە لە ٢١ تیشک پێکھاتبوو لە جێگای لۆگۆیە
کۆنەکە دانرا .. ئەو دروشمە خۆرە گەشە پەیوەندی ڕاستەوخۆی بە میتۆلۆژیا
(ئوستوورەناسی) و سەردەمی پەگانیسمەوەھەیە وەک ئاینەکۆنەکانی
(میترایزم، زەرەدەشتی و مەزدانیزم). ھە روە ھا دەولەتی سەفەوییەکانیش
ئەو دروشمەی خۆرەی ھەبووە، ئاڵاکەیان ڕەنگی سەوزبووە، لە نێوەڕاستیدا
خۆر و شێرێک کێشرابوو.
|
|
|
