|
کورد لە کەرکوک
(راسب)ە و لە
موسلیش دا (ئیکمال)ە!!
عه‌تا قاجری
پیش هەرشتێک ببورن لەوەى کە ئەو دوو
دەستەواژەیەم بەعەرەبى بەکارهێنا چونکە لە هەردوو کەیسەکەدا لەبەرامبەر
عەرەبین...
جاران کەرکوک بنێشتەخۆشەى سەر زارمان و قسەى ناو دیوەخان و ئێستاش موسڵ
.
ئێمەى کوردو سیاسیەکانمان پێچەوانەى ئینگلیزەکانین ئەوان قسەیان کەم و
ڕەفتاریان زۆر بەڵام ئیمە چەنەباز و فرەڕیسین و بێ بەرهەم و بێ
کردارین..ئەوەندەش ئەڵێن پاش و پێشى خومان لێ تێک دەچێت...
لەپاش پرۆسەوە زۆر هەلى گەورەمان لەدەستدا چونکە واقیعێک دروست بووبو
ئەگەر ئەوەندەى سیاسیەکانمان خەریکى گفتۆگ و فرەڕێسى مجامەلەکردنى
یەکتربوین چارەکێکى ئەوەش بیرێکى جدى و پراکتیکى لەکەلەیاندا نەبوو،
تا واى لێ هات ئەوەندە خومان گرت بەمجاملەوە لەگەڵ ئەمریکییەکان و
عەرەبى سوننەو شیعەش کەوتینە مجاملە کردنیان کە لەکاتێکدا ئەوان خۆیان
ئامادەکردبوو تا مجاملەى ئێمەبکەن و هەوڵى رازى کردنمان بدەن تا
شتێکیان بە بۆنەى ئێمەوە دەسگیربێت..
دواتریش لایەنەسیاسیەکانمان هەر کە دەستیان بە پارەونەوت و دەسەڵات
گەیشت ئیتر مجاملەى یەکتریشیان بیرنەما و کەوتنە دژایەتى یەکترى و خۆ
بەهێزکردنیان لەسەر حسابى یەکترى و کەرکوک.بەهەرحاڵ حەزم لەگێڕانەوى
ڕوداوەکان نى یە هەرکەسێک ئەگەریەک تۆزقاڵیش ووشیار بێت باش تێ دەگات
بۆیەى ئەوى کە جیگاى پێکەنین و قاقا لێدانە قسەى سیاسیەکانمانە و
باسکردنە لەکەیسى کەرکوک و مادەى سەدوچلى رەحمەتى ،گەڕانەوى
بۆسەرهەرێمک کەهیشتا خۆى نەخوشى سیاسیە.
بەبڕواى من کورد بەم سیاسەتەى ئیستاى هەتاماوەبۆنیشى پێوەناکات...لەبەرئەوە
لەو سیاسەتەدا راسبن سیاسەتکردن بەیەک (ئۆپشنەوە)هەڵبژاردنەوە ناکرێت و
بەیەک جارو بە دووجاریش نى یە سیاسەت پێویستى بەرویا و نەخشەى ڕێگاهەیە.
کوردئەڵێت لەکۆسێک دەرسێک بەڵام سیاسیەکانى ئێمە لەکۆسیک کۆسیکى ترمان
بۆ زیادئەکەن کەرکوک بەس نەبوو موسلیش هاتەپاڵى هەمان سیاسەتى هەڵەمان
دوبارەکردەوە بەڵام بەشێوازێکى تر ڕەفتارى بەرپرسەکوردەکان و بێ
ئاگاییان لە واقیعى شارى موسڵ واى کرد لیستى حەدبا بەبەرنامەى دژایەتى
کردنى لیستى برایەتى گرەوەکە بباتەوە..کەچى ئێمەش وەک کابراى مەقستەکە
هەرئەڵێن ئیدارى جیاواز و بەشداریمان لەبڕیارو نازانم قسەى قۆڕو
هەتابێت هى تریش ئەبیستین و وەک سەدا هەشتاى ناوچە جێ ناکۆکەکان لەژیر
کۆنترۆلى پێشمەرگەدایە و هتد.....نازانم ئەوانە بەو مسجانە دەیانەوێ چى
بڵێن جگە لە وەى کە ئێمە کەڵەگاى گەڕەکین هیچى تر هەیە؟ لاى هەموانیش
ئاشکرایە ئەو لۆژیکە زەمەنەکەى بەسەر چووە وەک دەڵێن: ئەو عەیامە
گۆزەشت...باوى ئەو لۆژیکە وەک باوى کەواو سەلتەى گەرمیانى بەسەر چووە...بۆیە
ئامۆژگارى ئەوبرادەرە سیاسیانە دەکەم هیچ نەبێت یەک تۆزقاڵ سیاسیانە
بیرکەنەوەو مێشکتان فشاربدەن ئەگەربەتەماى مالکى و خەڵکانى وەک ئەون
هەقتان بۆبسێنى و کەرکوک موسڵتان بەدیارى پێشکەش بکات ئەوا لە بێ
خەبەران کەش کەش سەڵاوات هیچ پیاویکى سیاسى ئامادەنى یە ئایندەى سیاسى
خۆى بخاتە تالوکەوە بڕیاریکى ئاوا قورس و گران بدات کە پێچەوانەى
خواستى زۆرینەى عیراقییەکانە،
چونکە لەبیرتان بێت عێراق عێراقى هەڵبژاردنە..لەبەرئەوە بەبڕواى من
ئەوەندەى خەریکى ئەو جۆرەمسجانەن و پێوەى سەرقاڵن باى ئەوە خەریکى
چاککردنى دۆسیەکانى گەندەڵى و پۆخەڵەواتى بن و دەست لەسەر کەم و
کوڕەییەکانتان دانێن و دان بەهەڵەى خۆتاندابنێنن،کۆششى زیاد بکەن چونکە
ئێوەئێستا لەدوکەیسدا لەیەکیکیاندا راسب و لەئەوى تریشیاندا
ئیکمالن.ئەوەندەى بەدواى فاکتەرى دەرەکى دەگەڕین بۆسەرکەوتنتان
لەسیاسەت دا باى ئەوە بەدواى بەهیزکردنى فاکتەرە ناو خۆیەکان بن چونکە
بە بڕواى من هەرچى سیاسەتێک ئەگەر لەناو خۆى دا هۆکارە بابەتى و
زاتیەکانى بەهێزنەبن ئەوا جگەلەشانۆگەرییەک هیچى تر بەولاوەنى یە کە
بەتەواوبونى شانۆکە هەندیک چەپڵەت بۆ لێدەدەن و هەرکە لەدەرگاکەش
چوەنەدەرێ کاریگەرییەکەى لە سەریان نامێنێت.ئێوەش پێمان دەڵێن گۆێ
مەدەنێ هەر پیاولێ ى دەقەومێ..
ئەم دەستەواژەیەش چیرۆکى برادەریکى بیرهێنامەوە بۆئەوى ئێوەش لەگەڵم
پێبکەنن بۆتانى باس دەکەم ،برادەرێک هەبوو قوتابى پەیمانگابوو هەرگیز
راَستى نمرەکانى خۆى لاى کەس نەئەدرکاند رۆژیک چەند هاوڕیەکى لێ ى
دەپرسێن چەند وانەکەوتووى؟ ئەویش دەلێت: هیچ نەکەوتووم .
هاوڕیکانى دەچنەڕاگرایەتى و بەهەرجۆریک بێت سەیرى نمرەکانى دەکەن
ئەبینن پێنج وانە کەوتووە.
ئیتر ئەچن بۆلاى دەبینن لەگەڵ کۆمەڵێک قوتابى ڕاوەستاوە و قسەیان بۆ
دەکات.یەکێک لە هاوڕکانى قسەى پێ دەبڕێت و پێ ى دەڵێت:کاک فڵان خۆ
جەنابتان لە پێنج وانەدا کەوتون.
ئەویش بە پێکەنینەوەدەڵێت:کورە گۆێ ى مەدەرێ هەر پیاو لێ ى ئەقەومێ
......
ataqajri@yahoo.com
|
