په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢٨\١٢\٢٠١٩

    کورتە نامەی شیعریی.

         - بەشی دەیەم -

فەتاح حەسەن

دووری، نابێتە مایەی دابڕان
وەلێ بێدەنگی .. با.
  *   *   *
رەشەبا زیندووە
ئەی ئەوە نییە لورەی دێت.
دەریا زیندووە
گوێ بۆ شەپۆلەکانی رادێرە
منیش زیندوم
گوێ لە ناڵەی دڵم بگرە
  *   *   *
دڵم وا ڕاھێناوە بەبینینی تۆ،
زیكر بكا و حاڵي لێبێ ..
كە، تۆ نەبینم،
زیكری چی و حاڵی چی؟!
  *   *   *
ترپەی دڵی من و
تەپڵی دەروێش
ھێزی ڕاكێشانی زەوی و مانگە.
  *   *   *
ئەلزھایمەر ناخۆش نییە
بەومەرجەی
خۆشەویستەكەت لەبیرنەكەی.
  *   *   *
من، ناتوانم کە، پێتبڵێم
خوات لەگەڵبێ بەیەکجاریی.. نا
وەلێ کە، خۆت دەیڵێی
ئای، کە لەپشتەوە جوانی.
  *   *   *
هەرکات زانیت
کەسێك هەیە و
لەمن زیاتر خۆشیدەوێیت،
بێ منەت بە، لەبیرمکە.

 

دانیمارك / ڤالبی

ماڵپەڕی فەتاح حەسەن

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک