په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٤\٣\٢٠٢٠

    کورتە نامەی شیعریی.

         - بەشی یازدەم -

فەتاح حەسەن

ئەتۆ..
بازنەی خۆشەویستیی منی
کۆتاییەکەت..
سەرەتایە.
  *   *   *
بڕوام نەدەکرد
خۆرئاوابون
هێندە جوان بێ
تا لەنێوان
گەردنی دوو گەنجدا دیم،
لە ساتی ماچی ناودەما.
  *   *   *
ئەگەر
تەنها یەک کەس
حەز بە بیستنی
ترپەی دڵم بکا
حەز دەکەم
تۆبی و بەس.
  *   *   *
لەو ساتەدا
كە دوو ئاشق
ماڵاوایی لەیەك دەكەن
دڵم لەخۆم دادەمێنێ و
زیاتر
ھەست بەتەنھایی دەكەم.
  *   *   *
ئەوی ئەتۆ
ناوی دەبەی
بەدواھەمین ماچ
لەلای ئەمن،
گەر دوەم نەبێ
یەكەمە. دكتۆر وتی:-
ئەتۆ كۆڵی لەژماردنی ماچ.
  *   *   *
ئەگەر
مانای خۆشەویستیی نازانی
خۆت نەخەیە، داوی عیشقەوە،
خۆشەویستیی
گەمەی منداڵان نییە
هەی ماڵ خراب.
  *   *   *
کە،پێیدەڵیم.. خۆشمدەوێی
واهەست دەکەم
پیت بەپیتی خۆشەویستیی
کلوە بەفرن و
بەسەر تۆی دەریادا، دەبارێ.

 

دانیمارك / ڤالبی
ماڵپەڕی فەتاح حەسەن

 

 


 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک