شاری ئاگری لەوپەڕی رۆژهەڵاتی کوردستانی باکوورە، لەو هەڵبژاردنەی ٣٠ی نیسانی شارەدارییەکانی تورکیا و کوردستان، نیوەی هاوڵاتیانی ئەو شارە دەنگیان وە پارتی ئاشتی و دیموکراتی (بەدەپە) دا کە پارتێکی کوردییە و نیوەکەی دیکەش دەنگیان وە پارتی داد و گەشەپێدان (ئاکەپە) دا کە پارتێکی تورکیی و ئیسلامییە!!! ئەوە رێک وەک ئەوەیە کە نیوەی خەڵکی شارۆچکەی قەڵادزێی کوردستانی باشوور دەنگ بە حیزبی دەعوەی ئیسلامیی عێراقیی بدەن!!! خەڵکی ئاگری هیچ پەیوەندییەکی نەتەوەیی و نیشتیمانییان دەگەڵ (ئاکەپە)دا نییە و هەر ئەو پارتەش نیشتیمانەکەیانی بە دڕندەترین شێوە داگیر کردوە و کێشەی زۆر گەورەی لەبەردەم رزگاریی و سەربەخۆیی هەموو پارچەکانی دیکەی کوردستان دروست کردوە، بەڵام ئەو لاوازییەی هەستی نەتەوەیی و نیشتیمانیی لە کن هاوڵاتییانی ئاگری کە لە ٩٥٪یان کوردن تەنێ بۆ ئەو پەیوەندییە ئیسلامییە دەگەڕێتە کە لە نێوان خەڵکی شاری ئاگری و (ئاکەپە)ی رەگەزپەرست و داگیرکەردا هەیە، ئەوەش بەڵگەیەکی زۆر دیار و رۆشنە کە ئیسلام پیسترین میکرۆبی دژ وە سەربەخۆیی کوردستانە و بۆتە و کۆسپێکی زۆر گەرورە لەبەردەم تێکڕای مافە نەتەوەیی و مرۆییەکانی کوردان!