|
٢٣\٩\٢٠٢٤
لە دووەمین
ساڵیادی شەهیدبوونی ژینا ئەمینی نەمردا:
هێمای ئازادیی و
بەرخۆدان بۆ سەربەخۆیی کوردستاندا.
کاوە نادر قادر
لە دووەمین ساڵوەگەڕی کۆچی دوایی ژینا ئەمینی نەمردا، کە گیانی لەدڵی
ملیۆنان کەس لەکوردستان وخەڵکی ئازادیخوازی جیهاندا بە زیندووی
ماوەتەوەو هەردەمێنێتەوە. ناوەکەی وەک هێمایەکی زیندوو بۆ خۆڕاگری
وبەگژداچوونەوەی ئەو ستەمە سیاسی وکۆمەڵایەتییەی کە زۆرێک لەڕۆژهەڵاتی
کوردستان وئێران تووشی بووینە،بەردەوامە. ژینا ئەمینی، ژنێکی کورد
ستانی تەمەن ٢٢ ساڵ، لە١٦ی ئەیلولی٢٠٢٢دوای دەستگیرکردنی لەلایەن
پۆلیسی "ئەخلاقی" ئێرانەوە، بەهۆی ئەوەی کە بە پێشێلکردنی یاساکانی
سەرپۆشی بەزۆرەملێ تۆمەتبارکرا، لەکاتی لێدانی لە کەللەی سەری، گیانی
لەدەستدا. شەهیدکردنی لەژێر ئەشکنجەدا، شەپۆلێکی توڕەیی جەماوەری
لێکەوتەوە کە سنوورەکانی رۆژهەڵاتی کوردستان وئێرانی تێپەڕاند وهەستی
مرۆڤەکانی لەسەرانسەری جیهاندا گڕ داگرت وژینای کردە هێمای خەبات بۆ
ئازادی وشکۆمەندی مرۆڤایەتی.
ئەو ناڕەزایەتیانەی لە دوای مردنی ئەو ژنە مەزلومە سەریان هەڵدا، تەنیا
لە پرسی مافەکانی ژنان یان ڕەتکردنەوەی ڕێساکانی سەرپۆشی زۆرەملێدا
سنووردار نەما، بەڵکو داواکاری قووڵتریان لەخۆگرت، لەوانە داواکارییە
نەتەوەیی و نیشتیمانیەکانی کوردستان، لەگەڵ دادپەروەری کۆمەڵایەتی،
ئازادی سیاسی وکۆتاییهێنان بەو نادادپەروەرییە بەربڵاوە لەرۆژهەڵاتی
کوردستان وئێران. ئەم ڕاپەڕینە دەربڕینێکی هەمەلایەنە بوو لەپەرەسەندنی
بێزاری لە داگیرکاری و لەسیستەمی کۆڵنیالیستی کۆماری ئیسلامی وئایینی
ئێران وبانگەوازی کوردستانیان بۆ دادپەروەری کۆمەڵایەتی،ئازادی
ویەکسانی لەنێوان هەموو هاووڵاتییاندا،بەبێ گوێدانە ڕەگەز، ئایین
لەخۆگرتبوو.
ساڵانە یادی ژینا ئەمینی دەکرێتەوە بۆ گڕگرتنی بڵێسەی خەبات لە دڵی
گەلی شۆڕشگێڕانی کوردستان، بۆ مافی چارەی خۆنووسین بۆ گەلی کوردستان و
گۆڕانی سیاسی و کۆمەڵایەتی لە ئێران نوێ دەکاتەوە. لە ژێر دروشمی “ژن،
ژیان، ئازادی” کە بۆتە ئایکۆنی ئەو ناڕەزایەتیانە، خۆپیشاندەران
سەرپێچی لەدەسەڵاتدارانی کۆماری ئیسلامی لەئێران کرد وسەرەڕای سەرکوتی
دڕندانەیان لەلایەن هێزە ئەمنییەکانەوە، خەبات بەردەوام بوو. ساڵیادی
شەهیدبوونی ژینا بۆتە بۆنەیەک بۆ زیندووکردنەوەی داخوازییەکانی گەلی
کوردستان و وەبیرهێنانەوەی ئەو پرسانەی کە خەباتی بۆ دەکەن بۆ جیهان.
ئەم دروشمە تەنیا وشە نەبوو، بەڵکو پەیامێکی بەهێز بوو بۆ دەربڕینی
مافە نەتەوەیی و نیشتیمانییەکانی کوردستان وخەڵکی ئازادیخوازی ئێران و
تەواوی دونیا لەبەرامبەر ئەو ستەمەی کە لەمێژە ئازادییە تاکەکەسی
ودەستەجەمعیەکانی سەرکوت کردووە.
ساڵیادی شەهیدبوونی ژینا ئەمینی تەنیا لەناوخۆی رۆژهەڵاتی کوردستان
وئێراندا قەتیس نەما، بەڵکو ئەو سنوورانەی بەزاند تا ببێتە پرسێکی
جیهانی. زۆرێک لەشارەکانی جیهان شایەتحاڵی خۆپیشاندانی هاوپشتی لەگەڵ
گەلی کوردستان وئازادیخوازانی ئێران بوون کە یارمەتیدەر بوو بۆ
ڕۆشنکردنەوەی دۆخی مافی مرۆڤ لەکوردستان وئێران ڕەخنەی بەربڵاوی لەکۆڕ
وکۆڕبەندە نێودەوڵەتی وسیاسییەکان لە دژی ڕێژیمی ئێران لێکەوتەوە. ناوی
ژینا بۆتە هێمایەکی جیهانی بۆ بەرخۆدان وخەبات وچیرۆکەکەی ئیلهامبەخش
بووە بۆ زۆر کەس بۆ درێژەدان بە شەڕی نادادپەروەری وستەمکاری.
لەساڵوەگەڕی دووەمیدا،کاریگەری شەهیدبوونی ژینا ئەمینی لەدڵەکاندا
چەسپاوەو لەڕۆحەکاندا ئامادەیەو بەردەوامە لەئیلهامبەخشین بۆ نەوەیەکی
نوێی کوردستانی وئێرانی بۆ ئازادی وسەربەخۆیی وگۆڕانکاری سیاسی
وکۆمەڵایەتی خوازراو. شەهیدبوونی ژینا تەنیا ڕووداوێکی تێپەڕ نەبوو،
بەڵکو پریشکێک بوو کە شەپۆلێکی بەرخۆدانی بەردەوامی لەپێناو ئازادی
ودادپەروەری لەکۆمەڵگایەکدا هەڵگیرساند کە لەمێژە بەدەست سەرکوت
وگۆشەگیرییەوە دەناڵێنێت. سەرەڕای ئاڵەنگەراییەکانی بەردەم ئەم
بزووتنەوەیە، یادەوەرییەکەی وەک هێمای ئومێد بۆ داهاتوویەکی ئازادی
ودادپەروەری بۆ خەڵکی کوردستان وخەڵکی ئازادیخوازی ئێران وهەموو جیهان
دەمێنێتەوە.
١٦ی
ئەیلوولی ٢٠٢٤
kawa.nader55@gmail.com
|
