له‌گه‌ڵ كۆمپانیایه‌كی ئه‌ڵمانیدا.

زانا گه‌لاڵی  

كۆمپانیایه‌كی ئه‌ڵمانی تایبه‌ت به‌بواری هونه‌ری موزیك داوا له‌ ژیلیا-ی كچه‌ گۆرانیبێژی كورد ده‌كات كه‌ به‌یه‌كه‌وه‌ كاری هاوبه‌ش بكه‌ن..

له‌م باره‌یه‌وه‌ ژیلیا-ی له‌په‌یوه‌ندییه‌كی تایبه‌تدا وتی: ئه‌مه‌ بۆ دووه‌مجاره‌ كۆمپانیایه‌كی له‌م شێوه‌یه‌ داوا ده‌كه‌ن كه‌ كاریان له‌گه‌ڵدا بكه‌م، به‌لام له‌جاری یه‌كه‌مدا له‌لایه‌ن منه‌وه‌ ره‌تكرایه‌وه‌، چونكه‌ ئاره‌زووی ئه‌م جۆره‌ ستایله‌م نه‌بوو، چونكه‌ ستایلی (pop u R&B) ستایلی منه‌ء ئه‌وستایله‌ی ئه‌وان (rock) بوو، به‌لام ئاره‌زوومه‌ هه‌موو جۆره‌ ستایلێك تاقیبكه‌مه‌وه‌.

ژیلیا وتیشی: پێش چه‌ند رۆژێكیش كۆمپانیایه‌كی ئه‌ڵمانی دوای گوێبستی ده‌نگم له‌گۆرانی كوردی و ئینگلیزی په‌یوه‌ندییان پێوه‌ كردم كه‌له‌داهاتوودا كاریان له‌گه‌ڵدا بكه‌م به‌گۆرانی ئینگلیزی، ئه‌گه‌ر گه‌یشتینه‌ ئه‌نجام ئاره‌زوو ده‌كه‌م به‌هه‌ردوو زمانی كوردی و ئینگلیزی كاره‌ هونه‌رییه‌كانم له‌گه‌ڵ ئه‌م كۆمپانیایه‌دا ئه‌نجامبده‌م.