پەرتووکی ''لە کەرکووکەوە بۆ ڤێستەرۆس، بەدەم پیاسەوە لەگەڵ سەلام محەمەدی شاعیر'' پەرتووکێکی نوێی عەبدوڵا سڵێمان(مەشخەڵ)ە کە لە لایەن بەرێوەبەرایەتی چاپ و بڵاوکردنەوەی سلێمانییەوە چاپکراوە و لەم ڕۆژانە کەوتە بەر دیدەی خوێنەران. ئەم پەرتووکە ئاوڕدانەوەیەکە لە ژیان و ئەزموونی شیعریی سەلام محەمەدی شاعیر و وەستانێکە لەسەر بێدەنگیی میدیای کوردیی لە ئاست بەخشش و داهێنانی ئەم شاعیرە کە لە ژێر تەمتومانی فەرامۆشییدا خەریکە رۆڵی پێشڕەوانەی لە شیعری کوردیی کاڵ ببێتەوە.. بە هیوای چنگخستن و خوێندنەوەی ئەم پەرتووکە و دەوڵەمەندکردنی بە سەرنج و تێبینییەکانتان.