|
|
|
١٥\٩\٢٠٢٤ لە پایزێش چرۆدەکەم!
دارا خونچە - پێشکەشە بەو ژنانەی شیاو لە نەشیاو چێدەکەن! -
سەرمەستیی و بێ دەربەستیی هۆردووکیان لە ئەڤینەوە دەڕسکێن ١ سەربەستییش.. هیچ چار نییە و هەر خۆی خودی خۆی ئەڤینە! ئێ ئەڤینیش هەڵکۆلینی کانیێ زوڵاڵ و پاراوە لە رەقترین و پتەوترین بەرد - لە نێر.. لە پیاو - وە دەستی مێ! ''جا خۆ ئەمن لە پایزێش چرۆدەکەم.. چون هاوڕێی خۆم.. هەمیشە هەر ٢ سەوزە دەر و دوڕ دەروونی ٣، ٤ ساڵ دوازدەی مانگێش لە جەم وی ٥، ٦ هەر بوهارە''! ٧ (یارۆم وەیگۆت)! ٨ رەنگە نیگەران نەبم لەوەی یەکەمین جار لە رێی رامووسانەوە ئەڤینم ناسی لەوەیە شادمان بم بەوەی لە دەروازەی هۆزانەوە خۆم فجوڕی ٩ نێو هامێزی سۆزداریی کرد.. ١٠ گەر ولۆ نەبا ١١ نە نەوجەوانیی نازدارحەیرانێم ١٢ لە خەم دەڕخسا! ١٣ نە نەونەمامیی درەختی سۆزم ئەوها دەڕسکا! نە خۆشم هێندە.. ئازا و چەلەنگ بووم یارۆی وەم هەبی ١٤، ١٥ لە هەر چار وەرزان ١٦ چرۆ و خونچۆڵان وێکڕا دەربکا! ١٧ گەر وەنەبا ١٨ نە برینانم ساڕێژ و نە رێیانم سۆزڕێژ و نە حەزانم سەرڕێژ دەبوون! ئێ خۆ ئەزیش.. هەنووکانێ لە پایزێش چرۆدەکەم؛ سا لە جستان.. لە هیچ وەرزێ ١٩، ٢٠ بێ بۆنی گوڵ بێ بۆنی دڵ بێ بۆنی گڵ دەست ناخەمە ئاو و ئاور! ٢١ ________________________________________________ ١- هۆردووک: هەردووک، هەرتک، هەردک، هەردوو. ٢- چون: چونکە، چونکو، لەبەرئەوە، ژ بەرهندێ، لەبەرهەندێ (لەبەرهەندێ پتر واتای ''لۆیە، بۆیە'') دەدا. ٣- دەر: دەرێ، دەرڤە، دەرەوە، شێوە، ئاکار. ٤- دوڕ: هندوڕ، ناو، نێو، ناخ، نێوەرۆک، ناواخن. ٥- لە جەم: لە کن، لە لا ٦- وی: ئەو (ئەویش: ئەو کەسە، ئەو تشتە، ئەو یەکە). ٧- بوهار: بوار، بەهار. ٨- وەیگۆت: وەیگوت، وایگوت، وهاگۆت، وایوت، وایکوت. ٩- خۆفجوڕکردن: خۆخستنەنێو وە خێرایی، خۆهاویشتنەنێو وە خێرایی. ١٠- هامێز: ئامێز، هەمێز، همبێز، حەمێز، باوەش، لەخۆگرتن. ١١- ولۆ: ئەوها، ئاوها، ئیوها، ئاوەها، ئاوا، وەتۆ، وسا، وە، ئەوهالانێ، بەو شێوە، بەو جۆرە. ١٢- نازدارحەیران: خۆشەویست، دەلال، دولبەر، دلبەر. مێینەیەک کە پێت جوان و نازدارە و حەیرانی دەبی.. جۆرە پەیوەندییەکی ئاسایی خۆشەویستییتان لە نێوان هەیە. ١٣- خەم: غەم (هەرتکیان یەک واتای وەک یەکیان هەیە و لە گەردانەکردنیش هیچ کێشەیان نییە، کەواتە ئەو کاتەی یەک زمانی گشتیی کوردی چێدەکرێ باشترە تەنێ یەکیان دەستنیشان بکرێ و بەکارببردرێ. ١٤- وە: ئەوها، ئاوا ولۆ، وەتۆ. (وەم: ئەوهام، ئاوام، ولۆم. وەتۆم). ئەمن پێشنیار دەکەم ''وا'' لە جێی ئەو ''وە''یە بەکارنەبردرێ.. باشترە تەنێ وە واتای ''خەریکە'' لە کاتی رانەبردیی بەکارببردێ.. وەک نموونە ''وا دەڕۆم'' واتە ''ئێستا دەڕۆم یان لە کاتی رۆیشتنم''. ١٥- هەبی: هەبێ، هەبێت، هەبێتن. ١٦- چار: چوار، چەهار، چهار. ١٧- وێکڕا: ڤێکرا، پێکەوە، پێکڤە، بەیەکەوە، بهەڤرا. ١٨- وەنەبا: ئەوها نەبووایێ، ئاوا نەبووایە. ١٩- سا: ئیدی، کەواتە، ئیتر، دەسا، دە، دەی. ٢٠- جستان: زستان. ٢١- ئاور: ئاگر، ئاهر، ئایەر.
سەرەتای ئەیلوولی ٢٠٢٤
|
|
|
