|
|
|
٤\١١\٢٠١٠ لە پەراوێزی سەرژمێریی و نەتەوە، گورگەکان سەرهەڵدەدەنەوە!
شوڤینیە عەرەبەکانى پاشماوەى سەدام و بەعس هەوڵدەدەن کە لە فۆرمى ڕاپرسى ناوى نەتەوە بسڕنەوە تاکو ئەوەى کە بە شیرى ئەمەویەکان و تۆپ و تانکى بەعسیەکان نەکرا بە قەڵەم و کاغەزى برادەرانى عەرەبى هاوپەیمان بیکەن . باشە با ناوى نەتەوە نەمینێ ، بەڵام ئایا ئەم بەرێزانە دەتوانن لە ڕاگەیاندنە گشتییەجیهانی و ناوچەیى و نێوخۆییەکان بە دەنگى زوڵال هاوار بکەن و بڵێین ئێمە کە ناوى نەتەوە لە فۆرمى سەرژمێریی دەسڕینەوە لە هەموو خەڵکى دونیا داوادەکەین ئیتر ئێمە بە وڵاتێکى عەرەبى نەزانن و ئێمە حاشا دەکەین لە عەرەب بوونى خۆمان و بەشدار نابین لە کۆنفراسى ئیسلامى و عەرەبیدا و ئێراق بە هیچ جۆرێک وڵاتێکى عەرەبى نیە . جگە لەمە لە خوێندنگا و زانکۆ و فەرمانگەکان ئیتر بە زمانى عەرەبى ناخوێنن باشە با زمانى ئینگلیزى بکەن بە زمانى هەموو خەڵکى ئێراق و کورد و عەرەب وەک برا نەزمانى عەرەبى بخوێنرێت و نەزمانى کوردی بەڵکو زمانى ئینگلیزى بخوێنن . با ئیتر تەلقین و یاسینیش نە بە زمانى عەرەبى بێ و نە بەزمانى کوردى بەڵکو بە زمانى ئینگلیزى تەڵقین و یاسین بۆ مردووان بخوێنن . ئەوەى کە وەزیرى پلان (پیلان لەراستیدا) گوتوویەتى بە بۆچوونی من تەنیا بۆ گاڵتەکردن بە راپرسیەکەیە کە دەبێ نە تەنیا نەتەوە بەڵکو رێژەى ئایین و مەزهەبەکانیش دیارى بکات . ئاخر نابێ بزانین کە چەند کەس عەرەبى شیعەو چەند عەرەبى سوونە هەیە ، نابێ بزانین چەند مەسیحى هەیە و چەند جوولەکە لەم وڵاتە هەیە . یان نابێ بزانین کە نەتەوەى عەرەب چەندە و کورد چەندە و تورکمان چەندە و ... هتد .
|
