٢٦\٥\٢٠١٣
لە
پێشوازیی لەدایکبوونتا.
ھاوار تەیب
ئەو دەمەی هاتیتە
بوون
لە پێشوازیی
لەدایکبوونتا
سپێدەیەک بووی لێوانلێو،
لە زرینگانەوەی ژیان.
تۆ هاتی رابردوو
نەبەی و
هەنگاوەکان چیتر دوانەخەی
لە کۆڕسی یەکەمی پێکەنینا.
تۆ!
ئەوەتا تەنیا بەختەوەرییت
ئامادە کردووە
بەردەکانی سەر بێدارییت
بە چنینەوەی خەونێکی
تەمەنەوە
سپێدەیەکی پۆستکراو و
شەمعێکی دەوری پەروانەی
بینراویتەتەوە.
بڕیارە بە
پێوانەی هاتنی سپێتیت
راستییەک لە
ئاسمانی ئومێد بخوازی.
ئیدی وەرزێک لە
راڕاییت،
بە پێناسەی بێدەنگی ژیان
بە شانە تەزیوەکانی بێدەرەتانییت،
بڕازێنیتەوە.
تۆ هاتیت و
رووناکییت هێنا.
١٥\١\٢٠١٣
- سلێمانی
hawarteyb@gmail.com
|